ബിഎ പരീക്ഷാ കേന്ദ്രങ്ങളിൽ മാറ്റം
ഫെബ്രുവരി എട്ടിന് ആരംഭിക്കുന്ന ബിഎ (ആന്വൽ സ്കീം) സപ്ലിമെന്‍ററി പാർട്ട് ഒന്നും രണ്ടും പരീക്ഷയ്ക്ക് ഓണ്‍ലൈനായും ഓഫ് ലൈനായും തിരുവനന്തപുരം യൂണിവേഴ്സിറ്റി കോളജ് പരീക്ഷാ കേന്ദ്രമായി അപേക്ഷിച്ചിരുന്ന ആണ്‍കുട്ടികൾ തിരുവനന്തപുരം എംജി കോളജിലും പെണ്‍കുട്ടികൾ നീറമണ്‍കര എൻഎസ്എസ് വിമൻസ് കോളജിലും, കൊല്ലം ഫാത്തിമ മാതാ നാഷണൽ കോളജ് കേന്ദ്രമായി അപേക്ഷിച്ചിരുന്ന ആണ്‍കുട്ടികൾ കൊല്ലം ടികെഎം. ആർട്സ് ആൻഡ് സയൻസ് കോളജിലും പെണ്‍കുട്ടികൾ കൊല്ലം എസ്.എൻ വിമൻസ് കോളജിലും തിരുവനന്തപുരം മാർ ഈവാനിയോസ് കോളജും ചെമ്പഴന്തി എസ്.എൻ കോളജും പരീക്ഷാ കേന്ദ്രമായി അപേക്ഷിച്ചിരുന്നവർ തുമ്പ സെന്‍റ് സേവിയേഴ്സ് കോളജിലും പരീക്ഷയെഴുതണം. ഇതിൽ ഓഫ്‌ലൈനായി അപേക്ഷിച്ചിരുന്നവർപുതിയതായി അനുവദിച്ച കേന്ദ്രത്തിൽ നിന്നു നേരിട്ട് ഹാൾടിക്കറ്റ് കൈപ്പറ്റി അവിടെത്തന്നെ പരീക്ഷയെഴുതണം. മറ്റു പരീക്ഷാ കേന്ദ്രങ്ങളിൽ മാറ്റമില്ല.
ബിഎസ് സി പരീക്ഷ കേന്ദ്രങ്ങളിൽ മാറ്റം
ഫെബ്രുവരി എട്ടിന് ആരംഭിക്കുന്ന ബിഎസ്‌‌സി (ആന്വൽ സ്കീം) സപ്ലിമെന്‍ററി പാർട്ട് ഒന്നും രണ്ടും മൂന്നും (സബ്സിഡിയറി സ്റ്റാറ്റിസ്റ്റിക്സ്, അക്കൗണ്ടിംഗ്) പരീക്ഷകൾക്ക് തുമ്പ സെന്‍റ് സേവിയേഴ്സ് കോളജ്, കൊല്ലം എസ്.എൻ. കോളജ്, ആലപ്പുഴ സെന്‍റ് ജോസഫ്സ് കോളജ് ഫോർ വിമൻ എന്നിവിടങ്ങൾ മാത്രമായിരിക്കും പരീക്ഷാകേന്ദ്രങ്ങൾ. ഓണ്‍ലൈനായി തിരുവനന്തപുരം ഗവ. ആർട്സ് കോളജ് പരീക്ഷകേന്ദ്രമായി അപേക്ഷിച്ചവർ തുമ്പ സെന്‍റ് സേവിയേഴ്സ് കോളജിൽ പരീക്ഷയെഴുതണം.
തിരുവനന്തപുരം യൂണിവേഴ്സിറ്റി കോളജ്, ഗവ. സംസ്കൃത കോളജ്, പെരിങ്ങമല ഇക്ബാൽ കോളജ്, എംജി കോളജ്, തിരുവനന്തപുരം ഗവ. ആർട്സ് കോളജ്, കാട്ടാക്കട ക്രിസ്ത്യൻ കോളജ്, തിരുവനന്തപുരം ഗവ. വിമൻസ് കോളജ്, നെടുമങ്ങാട് ഗവ. കോളജ്, കാഞ്ഞിരംകുളം ഗവ. കോളജ്, കാഞ്ഞിരംകുളം കെഎൻഎം കോളജ്, പാളയം എസ്ഡിഇ എന്നിവിടങ്ങൾ പരീക്ഷകേന്ദ്രമായി അപേക്ഷിച്ചവർ തുമ്പ സെന്‍റ് സേവിയേഴ്സ് കോളജിൽ നിന്നു ഹാൾടിക്കറ്റ് വാങ്ങി അവിടെത്തന്നെ പരീക്ഷയെഴുതണം
ചാത്തന്നൂർ എസ്എൻ കോളജ്, ചവറ ബിജെഎം കോളജ്, കായംകുളം എംഎസ്എം കോളജ്, കൊല്ലം എഫ്എംഎൻ കോളജ്, കൊല്ലം ടികെഎം കോളജ്, കൊട്ടാരക്കര എസ്ജി കോളജ്, നിലമേൽ എൻഎസ്എസ് കോളജ്, ആറ്റിങ്ങൽ ഗവ. കോളജ്, പന്തളം എൻഎസ്എസ് കോളജ്, ശാസ്താംകോട്ട ഡിബി കോളജ്, കൊട്ടിയം എംഎംഎൻഎസ്എസ് കോളജ്, പുനലൂർ എസ്എൻ കോളജ് എന്നിവിടങ്ങൾ പരീക്ഷാ കേന്ദ്രമായി അപേക്ഷിച്ചവർ കൊല്ലം എസ്എൻ കോളജിൽ നിന്നു ഹാൾടിക്കറ്റ് വാങ്ങി അവിടെത്തന്നെ പരീക്ഷയെഴുതണം.
ആലപ്പുഴ എസ്ഡി കോളജ്, ചേർത്തല എസ്എൻ കോളജ് എന്നിവിടങ്ങൾ പരീക്ഷാകേന്ദ്രമായി അപേക്ഷിച്ചവർ ആലപ്പുഴ സെന്‍റ് ജോസഫ്സ് കോളജ് ഫോർ വിമനിൽ നിന്നു ഹാൾടിക്കറ്റ് വാങ്ങി അവിടെത്തന്നെ പരീക്ഷയെഴുതണം.
ഇന്‍റേണൽ മാർക്ക് അപ് ലോഡ് ചെയ്യാം
2016 ഡിസംബറിൽ നടത്തിയ കരിയർ റിലേറ്റഡ് സിബിസിഎസ് ഒന്നാം സെമസ്റ്റർ പരീക്ഷയുടെ ഇന്‍റേണൽ മാർക്ക് അപ് ലോഡ് ചെയ്യാൻ സാധിക്കാത്ത കോളജുകൾക്ക് 21 വരെയും മൂന്നാം സെമസ്റ്റർ പരീക്ഷയ്ക്ക് 22 വരെയും അപ് ലോഡ് ചെയ്യാൻ സാധിക്കും.
എംപ്ലാൻ, എംആർക് ഫലം
ജൂലൈയിൽ നടത്തിയ രണ്ടാം സെമസ്റ്റർ എംപ്ലാൻ (ഹൗസിംഗ്), എംആർക് (അർബൻ ഡിസൈൻ)2013 സ്കീം പരീക്ഷകളുടെ ഫലം വെബ്സൈറ്റിൽ ലഭിക്കും. സൂക്ഷ്മപരിശോധനയ്ക്ക് 18 വരെ അപേക്ഷിക്കാം.