പിഎച്ച്ഡി ഗവേഷണ വിദ്യാർഥികൾക്കായി മെതഡോളജി വർക്ക്ഷോപ്പ്
സ്കൂൾ ഓഫ് ഇന്റർനാഷണൽ റിലേഷൻസ് ആൻഡ് പൊളിറ്റിക്സ് വകുപ്പും ഐസിഎസ്എസ്ആറും ചേർന്ന് 27 മുതൽ മാർച്ച് അഞ്ചു വരെ പിഎച്ച്ഡി ഗവേഷണ വിദ്യാർഥികൾക്കു വേണ്ടിയുള്ള റിസർച്ച് മെതഡോളജി വർക്ക്ഷോപ്പ് സംഘടിപ്പിക്കും. ഗവേഷണരീതി ശാസ്ത്രം, ഫീൽഡ് വർക്ക്, ഡാറ്റാ അനാലിസിസ്, തിസീസ് എഴുത്ത് എന്നിവയ്ക്കു പ്രാധാന്യം കൊടുക്കുന്ന ഈ വർക്ക്ഷോപ്പ് സാമൂഹ്യശാസ്ത്ര വിഷയങ്ങളിൽ ഗവേഷണം ചെയ്യുന്ന തെക്കേ ഇന്ത്യയിലെ വിവിധ സർവകലാശാലകളിലെ പട്ടികജാതി വിഭാഗത്തിലുൾപ്പെടുന്ന ഗവേഷകർക്കു മാത്രമാണ്. ഫോണ് : 9400233357.
പരീക്ഷാതീയതി
മൂന്നാം സെമസ്റ്റർ എംഎസ്സി സൈക്കോളജി (സിഎസ്എസ്2015 അഡ്മിഷൻ റെഗുലർ) എലക്ടീവ് പേപ്പർക്രിമിനോളജി പരീക്ഷ 15ന് 9.30 മുതൽ 12.30 വരെ നടത്തും.
ഒന്നാം സെമസ്റ്റർ സിബിസിഎസ്എസ് അണ്ടർഗ്രാജുവേറ്റ് (2013ന് മുമ്പുള്ള അഡ്മിഷൻ സപ്ലിമെന്ററി, 2009 ആൻഡ് 2010 അഡ്മിഷൻ മേഴ്സി ചാൻസ്) ഡിഗ്രി പരീക്ഷകൾ 23ന് തുടങ്ങും.
പ്രാക്ടിക്കൽ
2016 നവംബറിൽ നടത്തിയ ഒന്നാം സെമസ്റ്റർ ബിഎസ്സി ഇലക്ട്രോണിക്സ്, കംപ്യൂട്ടർ മെയിന്റനൻസ് ആൻഡ് ഇലക്ട്രോ ണിക്സ് (റെഗുലർ, സപ്ലിമെന്ററി) പരീക്ഷകളുടെ പ്രാക്ടിക്കൽ എട്ട്, ഒൻപത് തീയതികളിൽ അതതു കോളജുകളിൽ നടത്തും. വിശദ വിവരങ്ങൾ സർവകലാശാല വെബ്സൈറ്റിൽ.
സൂക്ഷ്മ പരിശോധന
2015 ഡിസംബറിലെ മൂന്നാം സെമസ്റ്റർ എംകോം.(ക്രെഡിറ്റ് ആൻഡ് സെമസ്റ്റർ സ്കീം) പരീക്ഷയുടെ ഉത്തരക്കടലാസ് സൂക്ഷ്മപരിശോധനയ്ക്ക് അപേക്ഷ നൽകിയിട്ടുള്ള വിദ്യാർഥികൾ ഏഴ്, എട്ട് തീയതികളിൽ ഹാൾ ടിക്കറ്റും ഫോട്ടോ പതിച്ച തിരിച്ചറിയൽ രേഖകളുമായി സിൽവർ ജൂബിലി പരീക്ഷാ ഭവനിലെ ഇ.ജെ5 സെക്ഷനിൽ എത്തണം.
പരീക്ഷാഫലം
2016 ഏപ്രിലിൽ നടത്തിയ രണ്ടാം സെമസ്റ്റർ ബിഎഡ്. (ദ്വിവത്സര) ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷ 14 വരെ സ്വീകരിക്കും.
2016 ജൂലൈയിലെ രണ്ടാം സെമസ്റ്റർ എംഎഡ്. (ഏക വർഷ)ഡിഗ്രി സപ്ലിമെന്ററി പരീക്ഷകളുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷ 15വരെ സ്വീകരിക്കും.
2016 മാർച്ചിൽ നടത്തിയ മോഡൽ ഒന്ന് അവസാന വർഷ ബിഎസ്സി മാത്തമാറ്റിക്സ് മെയിൻ മേഴ്സി ചാൻസ് (1991 1995 അഡ്മിഷൻ) ഡിഗ്രി സപ്ലിമെന്ററി പരീക്ഷകളുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷ ഫെബ്രുവരി 15 വരെ സ്വീകരിക്കും.