സെക്കൻഡ് പ്രഫഷണൽ ബിഎഎംഎസ് പരീക്ഷാ അപേക്ഷ
കേരള ആരോഗ്യശാസ്ത്ര സർവകലാശാല മാർച്ച് 21 മുതൽ ആരംഭിക്കുന്ന സെക്കൻഡ് പ്രഫഷണൽ ബിഎഎംഎസ് സപ്ലിമെന്ററി (2012 സ്കീം) പരീക്ഷയ്ക്ക് ഫെബ്രുവരി 27 മുതൽ മാർച്ച് നാല് വരെയുള്ള തീയതികളിൽ ഓണ്ലൈനായി രജിസ്റ്റർ ചെയ്യാം. പേപ്പറൊന്നിന് 100 രൂപ ഫൈനോടു കൂടി മാർച്ച് ഏഴ് വരെയും 300 രൂപ സൂപ്പർ ഫൈനോടുകൂടി ഒന്പത് വരെയും ഓണ്ലൈൻ രജിസ്ട്രേഷൻ നടത്താം.
മാർച്ച് 15 മുതൽ ആരംഭിക്കുന്ന സെക്കൻഡ് പ്രഫഷണൽ ബിഎഎംഎസ് പാർട്ട് 1 സപ്ലിമെന്ററി (2010 സ്കീം) പരീക്ഷയ്ക്ക് ഫെബ്രുവരി 17 മുതൽ 22 വരെയുള്ള തീയതികളിൽ ഓണ്ലൈൻ രജിസ്ട്രേഷൻ നടത്താം. പേപ്പറൊന്നിന് 100 രൂപ ഫൈനോടു കൂടി ഫെബ്രുവരി 25 വരെയും 300 രൂപ സൂപ്പർഫൈനോടു കൂടി 27 വരെയും ഓണ്ലൈൻ രജിസ്ട്രേഷൻ നടത്താം.
ഫാംഡി സപ്ലിമെന്ററി പ്രാക്ടിക്കൽ പരീക്ഷാതിയതി
ഫെബ്രുവരി 13 മുതൽ ആരംഭിക്കുന്ന ഒന്നാം വർഷ ഫാം ഡി സപ്ലിമെന്ററി പ്രാക്ടിക്കൽ പരീക്ഷാ ടൈംടേബിൾ, അഞ്ചാം വർഷ ഫാം ഡി സപ്ലിമെന്ററി പ്രാക്ടിക്കൽ പരീക്ഷാ ടൈംടേബിൾ എന്നിവ പ്രസിദ്ധീകരിച്ചു.
ബിഎസ് സി എംഎൽടി പ്രാക്ടിക്കൽ പരീക്ഷാതീയതി
ഫെബ്രുവരി ഒന്പതു മുതൽ ആരംഭിക്കുന്ന ഒന്നാംവർഷ ബിഎസ് സി എംഎൽടി സപ്ലിമെന്ററി പ്രാക്ടിക്കൽ പരീക്ഷാ ടൈംടേബിൾ പ്രസിദ്ധീകരിച്ചു.