നെഹ്റു കോളജ് ഓഫ് ഫാർമസിയിലെ വിദ്യാർഥികൾക്ക് അവിടെത്തന്നെ യൂണിവേഴ്സിറ്റി പരീക്ഷ നടത്തും
തൃശൂർ: കേരള ആരോഗ്യശാസ്ത്ര സർവകലാശാലയുടെ ഒന്നാംവർഷ ബി.ഫാം സപ്ലിമെന്ററി തിയറി പരീക്ഷകൾ 15 മുതൽ നെഹ്റു കോളജ് ഓഫ് ഫാർമസിയിൽ വച്ചുതന്നെ നടത്തുന്നതിനു തീരുമാനമായി. രണ്ടാം വർഷ ബി.ഫാം പരീക്ഷയുടെ അവശേഷിക്കുന്ന ഒരു പേപ്പർ മുൻതീരുമാനപ്രകാരം ഇന്ന് പാലക്കാട് പ്രൈം കോളജിൽ നടത്തും. വിദ്യാർഥികൾക്കു പരീക്ഷാ സെന്റർ മാറ്റിനല്കിയതു വിവാദമായിരുന്നു.
പരീക്ഷ നടത്തുന്നതു സംബന്ധിച്ച് കോളജ് അധികൃതർ ആരോഗ്യസർവകലാശാല വൈസ് ചാൻസലറുടെ ചേംബറിൽ നടത്തിയ ചർച്ചയിലാണ് തീരുമാനമുണ്ടായത്.