പിജി പ്രൈവറ്റ് രജിസ്ട്രേഷൻ: അപേക്ഷ 25 വരെ
201617 അക്കാഡമിക വർഷത്തിലേയ്ക്ക് 14 പോസ്റ്റ് ഗ്രാജ്വേറ്റ് വാർഷിക കോഴ്സുകൾക്ക് പ്രൈവറ്റ് രജിസ്ട്രേഷൻ വഴി അപേക്ഷ ക്ഷണിച്ചു. ഓഫ്ലൈനായാണ് അപേക്ഷ സമർപ്പിക്കേണ്ട ത്. അപേക്ഷാ ഫോം സർവകലാശാല ഓഫീസിൽ നിന്ന് നേരിട്ടോ വെബ്സൈറ്റിൽ നിന്ന് ഡൗണ്ലോഡ് ചെയ്തോ എടുക്കാവുന്നതാണ്. ഡൗണ്ലോഡ് ചെയ്ത അപേക്ഷ സമർപ്പിക്കുന്നതിന് 100 രൂപ അധികം അടയ്ക്കേണ്ടതാണ്.
കേരള സർവകലാശാലയിൽ നിന്ന് ബിരുദം നേടിയവർ, അപേക്ഷയോടൊപ്പം രജിസ്ട്രേഷൻ ഫീസ്, അഫിലിയേഷൻ ഫീസ്, എസ്എസ്എൽസിയുടെയും പ്ലസ് ടു സർട്ടിഫിക്കറ്റിന്റെയും ഗസറ്റഡ് ഓഫീസർ സാക്ഷ്യപ്പെടുത്തിയ പകർപ്പും ഒറിജിനൽ ഡിഗ്രി സർട്ടിഫിക്കറ്റും ഒറിജിനൽ ടിസിയും 42 രൂപ സ്റ്റാമ്പ് ഒട്ടിച്ച സ്വന്തം മേൽവിലാസമെഴുതിയ കവറും സഹിതം ഡെപ്യൂട്ടി രജിസ്ട്രാർ, എക്സാമിനേഷൻസ്, യൂണിവേഴ്സിറ്റി ഓഫീസ്, പാളയം, തിരുവനന്തപുരം എന്ന വിലാസത്തിലോ നേരിട്ടു സർവകലാശാല ഓഫീസിലോ സമർപ്പിക്കാം.
മറ്റു സർവകലാശാലയിൽ നിന്ന് ബിരുദം നേടിയവർ, മേൽപ്പറഞ്ഞ രേഖകളോടൊപ്പം റെക്കഗ്നിഷൻ, മെട്രിക്കുലേഷൻ ഫോമുകളും അനുബന്ധ ഫീസും മൈഗ്രേഷൻ സർട്ടിഫിക്കറ്റും എലിജിബിലിറ്റി സർട്ടിഫിക്കറ്റും കൂടി സമർപ്പിക്കേണ്ടതാണ്. കാലിക്കറ്റ് സർവകലാശാലയിൽ നിന്ന് ബിരുദം നേടിയവർ റെക്കഗ്നിഷൻ ഫോമും ഫീസും സമർപ്പിക്കേണ്ടതില്ല. അപേക്ഷ സമർപ്പിക്കേണ്ട അവസാന തീയതി 25 (500 രൂപ പിഴയോടെ ഫെബ്രുവരി 28 വരെ). നോട്ടിഫിക്കേഷൻ വെബ്സൈറ്റിൽ.
എൽഎൽബി ഇന്റേണൽ മാർക്ക്: പരാതികൾ 17നകം സമർപ്പിക്കണം
ലോ അക്കാഡമി ലോ കോളജിൽ എൽഎൽബി പരീക്ഷകൾക്ക് ഇന്റേണൽ മാർക്ക് നൽകിയതിലെ പരാതിയിൻമേൽ അന്വേഷണത്തിനായി രൂപീകരിച്ച സർവകലാശാല ഉപസമിതി പഞ്ചവത്സര എൽഎൽബി കോഴ്സിലെ ഏഴ്, എട്ട്, ഒമ്പത്, പത്ത് സെമസ്റ്ററുകളിലെ നാലാം പേപ്പറിന്റെയും ത്രിവത്സര എൽഎൽബി കോഴ്സിലെ മൂന്ന്, നാല്, അഞ്ച്, ആറ് സെമസ്റ്ററിലെ അഞ്ചാം പേപ്പറിന്റെയും മാർക്കുകൾ പരിശോധന നടത്തി. ഈ പേപ്പറുകൾക്ക് നൽകിയ ഇന്റേണൽ മാർക്കിൻമേൽ എന്തെങ്കിലും പരാതിയുള്ളവർ പരാതികൾ ഇന്ന് വൈകുന്നേരം അഞ്ചിനകം സർവകലാശാല പരീക്ഷ കണ്ട്രോളറുടെ ഓഫീസിൽ എത്തിക്കേണ്ടതാണ്. ഈ പരാതികളിൻമേലുള്ള തെളിവെടുപ്പ് 20 ന് രാവിലെ 11 ന് പാളയം കാമ്പസിലെ ഫാക്കൽറ്റി ഗസ്റ്റ് ഹൗസിലെ ഡീൻസ് റൂമിൽ നടത്തും.
ബിഎസ്സി ഫലം
ജൂണിൽ നടത്തിയ സിബിസിഎസ് നാലാം സെമസ്റ്റർ ബിഎസ്സി (2013 , 2014 അഡ്മിഷൻ) പരീക്ഷഫലം വെബ്സൈറ്റിൽ ലഭിക്കും. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓണ്ലൈനായി മാർച്ച് ഏഴ് വരെ അപേക്ഷിക്കാം.
എംഎ മലയാളം ഫലം
വിദൂര വിദ്യാഭ്യാസ വിഭാഗം കഴിഞ്ഞ ജൂലൈ, ഓഗസ്റ്റ്, സെപ്റ്റംബർ മാസങ്ങളിൽ നടത്തിയ എംഎ മലയാളം (പ്രീവിയസ് ആൻഡ് ഫൈനൽ) പരീക്ഷാ ഫലം വെബ്സൈറ്റിൽ.
എംഎസ്സി കംപ്യൂട്ടർ സയൻസ് പരീക്ഷ
വിദൂര വിദ്യാഭ്യാസ വിഭാഗം നടത്തുന്ന മൂന്നാം സെമസ്റ്റർ എംഎസ്സി കംപ്യൂട്ടർ സയൻസ് പരീക്ഷ കൊല്ലം യുഐടി, പാളയം എസ്ഡിഇ എന്നീ കേന്ദ്രങ്ങളിൽ 20നും രണ്ടാം സെമസ്റ്റർ പരീക്ഷ ആലപ്പുഴ യുഐടി, കൊല്ലം യുഐടി, പാളയം എസ്ഡിഇ എന്നീ കേന്ദ്രങ്ങളിൽ മാർച്ച് ആറിനും ആരംഭിക്കും. വിശദവിവരങ്ങൾ വെബ്സൈറ്റിൽ പരീക്ഷയ്ക്ക് ഓഫ്ലൈനായി അപേക്ഷിച്ചിട്ടുള്ളവരുടെ ഹാൾടിക്കറ്റ് അതത് കേന്ദ്രങ്ങളിൽ ലഭിക്കും.
ബിഎച്ച്എം ഫലം
ജൂലൈയിൽ നടത്തിയ എട്ടാം സെമസ്റ്റർ ബാച്ചിലർ ഓഫ് ഹോട്ടൽ മാനേജ്മെന്റ് ആൻഡ് കാറ്ററിംഗ് ടെക്നോളജി (2011 സ്കീം റഗുലർ ആൻഡ് സപ്ലിമെന്ററി, 2006 സ്കീം സപ്ലിമെന്ററി) പരീക്ഷ ഫലം വെബ്സൈറ്റിൽ .
മാർക്ക്ലിസ്റ്റ് കൈപ്പറ്റണം
വിദൂര വിദ്യാഭ്യാസ വിഭാഗത്തിലെ രണ്ടാം വർഷ ബിഎ പരീക്ഷ തിരുവനന്തപുരം ആർട്സ് കോളേജ്, തിരുവനന്തപുരം മാർ ഇവാനിയോസ് കോളജ്, ആറ്റിങ്ങൽ ഗവ. കോളജ്, നെടുമങ്ങാട് ഗവ. കോളജ് എന്നീ പരീക്ഷ കേന്ദ്രങ്ങളിൽ പരീക്ഷ എഴുതിയവർ പാളയം വിദൂരവിദ്യാഭ്യാസ വിഭാഗത്തിന്റെ ഓഫീസിൽ നിന്നും മാർക്ക്ലിസ്റ്റുകൾ ഇന്ന് മുതൽ 20 വരെ തിയതികളിൽ കൈപ്പറ്റണം.
ബിഎച്ച്എം പ്രാക്ടിക്കൽ
ജനുവരിയിൽ നടത്തിയ ഏഴാം സെമസ്റ്റർ ബാച്ചിലർ ഓഫ് ഹോട്ടൽ മാനേജ്മെന്റ് ആൻഡ് കാറ്ററിംഗ് ടെക്നോളജി പരീക്ഷയുടെ പ്രാക്ടിക്കൽ പരീക്ഷ ഫെബ്രുവരി 22ന് അതത് കേന്ദ്രങ്ങളിൽ നടത്തും. ടൈംടേബിൾ വെബ്സൈറ്റിൽ.
ബിഎസ്സി പ്രാക്ടിക്കൽ
അഞ്ചാം സെമസ്റ്റർ ബിഎസ്സി കെമിസ്ട്രി ആൻഡ് ഇൻഡസ്ട്രിയൽ കെമിസ്ട്രി (2013 സ്കീം) പ്രാക്ടിക്കൽ പരീക്ഷകൾ 21ന് ആരംഭിക്കും. ടൈംടേബിൾ വെബ്സൈറ്റിൽ.
ആറാം സെമസ്റ്റർ ബിഎസ്സി ഫിസിക്സ് ആൻഡ് കംപ്യൂട്ടർ ആപ്ലിക്കേഷൻസ്, കെമിസ്ട്രി ആൻഡ് ഇൻഡസ്ട്രിയൽ കെമിസ്ട്രി റീസ്ട്രക്ചേർഡ് പരീക്ഷകൾ 21ന് ആരംഭിക്കും. ടൈംടേബിൾ വെബ്സൈറ്റിൽ.