ആബി സ്കോളർഷിപ്പിന് 25 വരെ അപേക്ഷിക്കാം
തിരുവനന്തപുരം: ആം ആദ്മി ബീമ യോജന (ആബി) പദ്ധതിയുടെ 201617 വർഷത്തക്കുള്ള സ്കോളർഷിപ്പ് അപേക്ഷകൾ സ്വീകരിക്കുന്ന അവസാന തീയതി 25 വരെ ദീർഘിപ്പിച്ചു. അപേക്ഷകൾ എല്ലാ അക്ഷയ വഴിയും സ്വീകരിക്കും. ആബി പോളിസി ഉടമയുടെ ഒന്പതു മുതൽ 12 വരെ (ഐ.ടി.ഐ ഉൾപ്പെടെ) ക്ലാസിൽ പഠിക്കുന്ന രണ്ടു വിദ്യാർഥികൾ സ്കോളർഷിപ്പിന് അർഹരാണ്. അപേക്ഷാഫോം ചിയാക്കിന് വെബ്സൈറ്റിൽ (www. chiak.org) നിന്നോ അക്ഷയ കേന്ദ്രങ്ങളിൽ നിന്നോ ലഭിക്കും.
അപേക്ഷാ ഫോം സ്കൂളിലെ പ്രധാന അധ്യാപകൻ സാക്ഷ്യപ്പെടുത്തിയ ബാങ്ക് പാസ് ബുക്കിന്റെ പകർപ്പ്, ആധാർ കാർഡ് എന്നിവ സഹിതം അക്ഷയ കേന്ദ്രങ്ങളിലൂടെ ഓണ്ലൈനായാണ് സ്കോളർഷിപ്പിന് അപേക്ഷിക്കേണ്ടത്.