ഫിസിക്കൽ എഡ്യുക്കേഷൻ പ്രഫസർ കരാർ നിയമനം: അപേക്ഷ ക്ഷണിച്ചു
സെന്റർ ഫോർ ഫിസിക്കൽ എഡ്യുക്കേഷനിൽ അസിസ്റ്റന്റ് പ്രഫസർമാരെ (ഫിസിക്കൽ എഡ്യുക്കേഷൻ) കരാറടിസ്ഥാനത്തിൽ നിയമിക്കുന്നതിന് ഓണ്ലൈൻ അപേക്ഷ ക്ഷണിച്ചു. അവസാന തിയതി മാർച്ച് പത്ത്. യോഗ്യത: ഫിസിക്കൽ എഡ്യുക്കേഷനിൽ അംഗീകൃത മാസ്റ്റർ ഡിഗ്രിയും ബന്ധപ്പെട്ട വിഷയത്തിൽ നെറ്റ്/പിഎച്ച്ഡിയും. നെറ്റ്/പിഎച്ച്ഡി ഉള്ളവരുടെ അഭാവത്തിൽ അതില്ലാത്തവരെയും പരിഗണിക്കും. ഉയർന്ന പ്രായപരിധി: 65 വയസ്. പ്രതിമാസ മൊത്ത വേതനം: 22,000 രൂപ (നെറ്റ്/പിഎച്ച്ഡി ഇല്ലാത്തവർക്ക് 20,000 രൂപ).
ആറാം സെമസ്റ്റർ യുജി കോണ്ടാക്ട് ക്ലാസുകൾ മാറ്റി
മാർച്ച് 18ന് നടത്തേണ്ട വിദൂരവിദ്യാഭ്യാസം ആറാം സെമസ്റ്റർ ബികോം/ബിബിഎ (സിയുസിബിസിഎസ്എസ്, 2014 പ്രവേശനം) കോണ്ടാക്ട് ക്ലാസുകളും ഏപ്രിൽ ഒന്നിന് നടത്തേണ്ട ബിഎസ്സി മാത്സ് കോണ്ടാക്ട് ക്ലാസും 24ലേക്ക് മാറ്റി. പുതുക്കിയ ഷെഡ്യൂൾ വെബ്സൈറ്റിൽ. ഫോൺ: 0494 2400288.
ബിഎസ്സി പ്രിന്റിംഗ് ടെക്നോളജി ട്യൂഷൻ ഫീ
വിദൂരവിദ്യാഭ്യാസം ബിഎസ്സി പ്രിന്റിംഗ് ടെക്നോളജി (2014 പ്രവേശനം) രണ്ടാം സെമസ്റ്റർ ട്യൂഷൻ ഫീ പിഴകൂടാതെ 28 വരെയും 100 രൂപ പിഴയോടെ മാർച്ച് എട്ട് വരെയും അടക്കാം. ഡയറക്ടർ, സ്കൂൾ ഓഫ് ഡിസ്റ്റൻസ് എഡ്യുക്കേഷൻ, യൂണിവേഴ്സിറ്റി ഓഫ് കാലിക്കട്ട്, കാലിക്കട്ട് യൂണിവേഴ്സിറ്റി പി.ഒ, 673 635 എന്ന വിലാസത്തിൽ ചലാൻ മാർച്ച് 15നകം അയക്കണം. ഫോൺ: 0494 2407356.
ബസ് വിൽക്കുന്നതിന് ക്വട്ടേഷൻ ക്ഷണിച്ചു
സർവകലാശാലയിൽ ഉപയോഗിച്ചിരുന്ന 1989 മോഡൽ അശോക് ലെയ്ലാന്റ് ബസ് വിൽക്കുന്നതിന് സീൽ ചെയ്ത ക്വട്ടേഷനുകൾ ക്ഷണിച്ചു. ക്വട്ടേഷനുകൾ 2.5 ശതമാനം ഇഎംഡി (കാലിക്കട്ട് സർവകലാശാലാ ഫിനാൻസ് ഓഫീസറുടെ പേരിലെടുത്ത ഡിഡി) സഹിതം മാർച്ച് നാലിന് വൈകുന്നേരം നാലിനകം ഇൻസ്ട്രുമെന്റേഷൻ ഓഫീസിൽ സമർപ്പിക്കണം. പരസ്യ ലേലം മാർച്ച് എട്ടിന് രാവിലെ 11ന് നടക്കും. ലേലത്തിൽ പങ്കെടുക്കുന്നതിന് തിരിച്ചറിയൽ രേഖയും പാൻ കാർഡും ഹാജരാക്കണം. വിവരങ്ങൾ വെബ്സൈറ്റിൽ.
പരീക്ഷാ അപേക്ഷ
ഒന്നാം സെമസ്റ്റർ എംആർക് റഗുലർ/സപ്ലിമെന്ററി പരീക്ഷക്ക് പിഴകൂടാതെ 28 വരെയും 150 രൂപ പിഴയോടെ മാർച്ച് രണ്ട് വരെയും ഓണ്ലൈനിൽ അപേക്ഷിക്കാം.
എംഎ ഹിസ്റ്ററി പരീക്ഷ മാറ്റി
17 മുതൽ നടത്താനിരുന്ന മൂന്നാം സെമസ്റ്റർ എംഎ ഹിസ്റ്ററി (സിസിഎസ്എസ്) റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷ മാർച്ച് ആറ് മുതൽ നടക്കും.
പരീക്ഷ
വിദൂരവിദ്യാഭ്യാസം ആറാം സെമസ്റ്റർ ബികോം/ബിബിഎ (സിയുസിബിസിഎസ്എസ്) റുഗലർ പരീക്ഷ മാർച്ച് 17ന് ആരംഭിക്കും.