നാലാം സെമസ്റ്റർ എംഎസ്സി ഹോം സയൻസ് പരിക്ഷകളുടെ ഫലം പ്രസിദ്ധീകരിച്ചു
2016 ജൂണിലെ നാലാം സെമസ്റ്റർ എംഎസ്സി ഹോം സയൻസ് (പിജിസിഎസ്എസ്ബ്രാഞ്ച് എ, ബി, സി, ഡി, ഇ) ഡിഗ്രി പരിക്ഷകളുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷ മാർച്ച് മൂന്നു വരെ സ്വീകരിക്കും. ബ്രാഞ്ച് എ യിൽ കോട്ടയം ബിസിഎം കോളജിലെ വിദ്യാരാജ്, രേഷ്മ എസ്. പണിക്കർ, അക്സ ജോസഫ് എന്നിവർ യഥാക്രമം ഒന്നും രണ്ടും മുന്നും പൊസിഷനും ബ്രാഞ്ച് ഡിയിൽ അങ്കമാലി മോർണിംഗ് സ്റ്റാർ ഹോം സയൻസ് കോളജിലെ ജിഞ്ചുമോൾ മാത്യൂ, രേഖ ഷാജി എന്നിവർ ഒന്നാം പൊസിഷനും ജിസ്ന പി. ജോയ്, അഖില ഐസക് എന്നിവർ യഥാക്രമം രണ്ടും മുന്നും പൊസിഷനും ബ്രാഞ്ച് ഇ യിൽ അനൂപ ബെന്നി, ശ്വേത രാധാകൃഷ്ണൻ എന്നിവർ യഥാക്രമം ഒന്നും രണ്ടും പൊസിഷനും ചങ്ങനാശേരി അസംപ്ഷൻ കോളജിലെ സിമി ചാക്കോ, കോട്ടയം സിഎംഎസ് കോളജിലെ ലിയ ബി. രാജേന്ദ്രൻ എന്നിവർ മുന്നാം പൊസിഷനും നേടി.
2016 ഏപ്രിലിൽ നടത്തിയ ഒന്നു മുതൽ നാലു വരെ സെമസ്റ്റർ എംഎസ്സി മാത്തമാറ്റിക്സ് (ഓഫ് കാന്പസ്െ റഗുലർ, സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷ മാർച്ച് ആറു വരെ സ്വീകരിക്കും. സ്കൂൾ ഓഫ് പെഡഗോഗിക്കൽ സയൻസസിൽ 2016 ഫെബ്രുവരിയിൽ നടത്തിയ ഒന്നാം സെമസ്റ്റർ ദ്വിവത്സര മാസ്റ്റർ ഓഫ് എഡ്യൂക്കേഷൻ (സിഎസ്എസ്) ഡിഗ്രി പരിക്ഷകളുടെ ഫലം പ്രസിദ്ധീകരിച്ചു.
പ്രാക്ടിക്കൽ
2017 ജനുവരിയിൽ നടത്തിയ ഒന്നാം വർഷ ബിഫാം സപ്ലിമെന്ററി പരിക്ഷകളുടെ പ്രാക്ടിക്കൽ 28ന് ആരംഭിക്കും. വിശദവിവരങ്ങൾ വെബ്സൈറ്റിൽ.
പ്ലെയ്സ്മെന്റ് ആൻഡ് ട്രെയിനിംഗ് സെൽ
പഠനവകുപ്പുകളിലെയും അഫിലിയേറ്റഡ് കോളജുകളിലെയും വിദ്യാർഥികൾക്ക് ഇന്റർവ്യൂകളിലും ഗ്രൂപ്പ് ചർച്ചകളിലും മത്സരപരീക്ഷകളിലും പരിശീലനം നൽകാൻ ട്രെയിനിംഗ് സെൽ ആരംഭിക്കും. ആദ്യഘട്ടമായി അഫിലിയേറ്റഡ് കോളജുകളിൽ ഡിഗ്രി, പിജി അവസാന സെമസ്റ്ററിനു പഠിക്കുന്ന വിദ്യാർഥികൾക്കു പരിശീലനം നൽകും. സെല്ലിന്റെ ഉദ്ഘാടനം 27ന് ഉച്ചകഴിഞ്ഞ് രണ്ടിനു കോട്ടയം ബസേലിയസ് കോളജിൽ വൈസ് ചാൻസലർ ഡോ. ബാബു സെബാസ്റ്റ്യൻ നിർവഹിക്കും.