ഇന്ത്യൻ സ്കൂൾ ഓഫ് മൈൻസ് ഓൾ ഇന്ത്യ എക്സാമിനേഷൻ മേയ് 13ന്
കേന്ദ്ര മാനവ വിഭവശേഷി മന്ത്രാലയത്തിനു കീഴിൽ ധൻബാദിലുള്ള ഇന്ത്യൻ സ്കൂൾ ഓഫ് മൈൻസിൽ എംഎസ്സി, എംഎസ്സി ടെക്, എംടെക്, പിഎച്ച്ഡി പ്രോഗ്രാമുകളിലേക്ക് അഖിലേന്ത്യാ പ്രവേശന പരീക്ഷ മേയ് 13ന് നടത്തും. രാവിലെ ഒമ്പതു മുതൽ 12 വരെയാണു പ്രവേശന പരീക്ഷ. എംഎസ്സി, എംഎസ്സി ടെക് കോഴ്സുകൾക്ക് ഏപ്രിൽ 11നകവും എംടെക് കോഴ്സിന് മാർച്ച് 10 മുതൽ ഏപ്രിൽ 20 വരെയും പിഎച്ച്ഡിക്ക് മാർച്ച് 20 മുതൽ ഏപ്രിൽ 20 വരെയും അപേക്ഷിക്കാം.
2000 രൂപയാണ് അപേക്ഷാ ഫീസ്. പട്ടിക ജാതി വർഗക്കാർക്ക് 1,000 രൂപ.
കോഴ്സും യോഗ്യതയും: എംഎസ്സി ടെക് (അപ്ലൈഡ് ജിയോളജി) മൂന്നു വർഷത്തെ കോഴ്സിനു ജിയോളജിയിൽ മെയിൻ വിഷയവും ഫിസിക്സ്, കെമിസ്ട്രി, മാത്തമറ്റിക്സ് എന്നിവയിൽ ഏതെങ്കിലും രണ്ടെണ്ണം ഉപവിഷയവുമായും പഠിച്ചു ബിരുദം നേടിയവർക്ക് അപേക്ഷിക്കാം.
എംഎസ്സി ടെക് (അപ്ലൈഡ് ജിയോഫിസിക്സ്) മൂന്നു വർഷത്തെ കോഴ്സിനു ഫിസിക്സ് മെയിൻ വിഷയമായും മാത്തമറ്റിക്സ്, കെമിസ്ട്രി, ജിയോളജി, ഇലക്ട്രോണിക്സ്, സ്റ്റാറ്റിസ്റ്റിക്സ്, കംപ്യൂർ സയൻസ് എന്നിവയിൽ ഏതെങ്കിലും രണ്ടെണ്ണം ഉപ വിഷയമായും പഠിച്ചവർക്ക് അപേക്ഷിക്കാം.
എംഎസ്സി (അപ്ലൈഡ് ഫിസിക്സ്) രണ്ടു വർഷത്തെ കോഴ്സിനു ഫിസിക്സ്, മാത്തമാറ്റിക്സ് എന്നിവ മുഖ്യവിഷയമായി പഠിച്ച് ബിഎസ്സി നേടിയവർക്ക് അപേക്ഷിക്കാം. എംഎസ്സി (കെമിസ്ട്രി) രണ്ടു വർഷത്തെ കോഴ്സിനു കെമിസ്ട്രി മുഖ്യ വിഷയമായി പഠിച്ചു ബിഎസ്സി നേടിയവർക്ക് അപേക്ഷിക്കാം. എംഎസ്സി (മാത്തമറ്റിക്സ് ആൻഡ് കംപ്യൂട്ടിംഗ്) മാത്തമറ്റിക്സ് മുഖ്യ വിഷയമായി പഠിച്ചു ബിരുദം നേടിയവർക്കും അവസാന വർഷ പരീക്ഷ എഴുതുന്നവർക്കും അപേക്ഷിക്കാം.
അഞ്ചു വിഷയങ്ങൾക്കും കൂടി 256 സീറ്റുകളാണുള്ളത്. അപേക്ഷകർ 1993 ഒക്ടോബർ ഒന്നിനോ അതിനു ശേഷമോ ജനിച്ചവരായിരിക്കണം. 36,000 രൂപയാണു ഒരു സെമസ്റ്ററിനു ട്യൂഷൻ ഫീസ്. പ്രവേശന പരീക്ഷയുടെ സിലബസ് വെബ്സൈറ്റിലുണ്ട്.
പ്രവേശന പരീക്ഷാ കേന്ദ്രങ്ങൾ: ഭുവനേശ്വർ, ചെന്നൈ, ധാൻബാദ്, ഗോഹട്ടി, ഹൈദരാബാദ്, ഇൻഡോർ, കോൽക്കത്ത, ലക്നോ, ന്യൂഡൽഹി, പൂന, വാരാണസി. വിലാസം: ഡപ്യൂട്ടി രജിസ്ട്രാർ (എക്സാം ആൻഡ് അക്കാഡമിക്), ഇന്ത്യൻ സ്കൂൾ ഓഫ് മൈൻസ്, ധൻബാദ്, ജാർക്കണ്ഡ് 826004. വെബ്സൈറ്റ്: www.ismdhanbad.ac.in.
ഇൻസ്റ്റിറ്റ്യൂട്ടിലെ കെമിക്കൽ, സിവിൽ, കംപ്യൂട്ടർ സയൻസസ്, ഇലക്ട്രിക്കൽ, ഇലക്ട്രോണിക്സ് ആൻഡ് കമ്യൂണിക്കേഷൻ, ഇലക്ട്രോണിക്സ് ആൻഡ് ഇൻസ്ട്രുമെന്റേഷൻ, എൻജിനിയറിംഗ് ഫിസിക്സ്, മെക്കാനിക്കൽ, മിനറൽ, മൈനിംഗ്, പെട്രോളിയം, എൻവയണ്മെന്റൽ എൻജിനിയറിംഗ് ബിടെക് പ്രോഗ്രാമുകളിലേക്കും കംപ്യൂട്ടർ സയൻസിൽ ബിടെക്എംടെക് ഇരട്ട ബിരുദ പ്രോഗ്രാമിലേക്കും അപ്ലൈഡ് ജിയോളജി, അപ്ലൈഡ് ജിയോ ഫിസിക്സ്, മാത്തമാറ്റിക്സ് ആൻഡ് കംപ്യൂട്ടിംഗ് എന്നിവയിൽ അഞ്ചു വർഷ എംടെക് പ്രോഗ്രാമുകളിലേക്കും ജെഇഇ വഴിയാണ് അഡ്മിഷൻ നടത്തുന്നത്.