ബികോം ആനുവൽ സ്കീം പരീക്ഷാ ക്രമീകരണങ്ങൾ
ഫെബ്രുവരി 27ന് ആരംഭിക്കുന്ന ബികോം മോഡൽ ഒന്ന് (ആനുവൽ സ്കീം) പാർട്ട് ഒന്ന്, രണ്ട് ആൻഡ് (സപ്ലിമെന്ററി, മേഴ്സിചാൻസ്) ഡിഗ്രി പരീക്ഷകളുടെ കേന്ദ്രങ്ങൾ ക്രമീകരിച്ചു. ക്രമീകരണങ്ങൾ സർവകലാശാല വെ ബ്സൈറ്റിൽ ലഭിക്കും.
പരിക്ഷാ കേന്ദ്രത്തിനു മാറ്റം
മോഡൽ ഒന്ന് ആനുവൽ സ്കീം ബിഎ, ബിഎസി പാർട്ട് ഒന്ന്, രണ്ട് ആൻഡ് സബ്സിഡിയറി (സപ്ലിമെന്ററി, മേഴ്സി ചാൻസ്) ഡിഗ്രി പരീക്ഷകൾക്ക് കോട്ടയം ബസലിയസ് കോളജ് കേന്ദ്രമായി ലഭിച്ചവർ മണർകാട് സെന്റ് മേരീസ് കോളജിൽ 27 മുതൽ മാർച്ച് ആറുവരെ പരീക്ഷ എഴുതേണ്ടതാണ്.
അപേക്ഷാത്തീയതി
ഒന്നാം സെമസ്റ്റർ എംഎഡ് (സിഎസ്എസ് 20162018 ബാച്ച്)എക്സ്റ്റേർണൽ ഡിഗ്രി പരീക്ഷകൾ മാർച്ച് 20ന് ആരംഭിക്കും. അപേക്ഷകൾ പിഴയില്ലാതെ മാർച്ച് 10 വരെയും 50 രൂപ പിഴയോടെ 14 വരെയും സ്വീകരിക്കും.
ഒന്ന്, രണ്ട് സെമസ്റ്റർ ബിപിഎഡ് (2015ന് മുന്പുള്ള അഡ്മിഷൻസപ്ലിമെന്ററി) ഡിഗ്രി പരീക്ഷകൾ യഥാക്രമം മാർച്ച് 17, 23 തീയതികളിൽ ആരംഭിക്കും. അപേക്ഷകൾ മാർച്ച് രണ്ടുവരെയും 50 രൂപ പിഴയോടെ മാർച്ച് മൂന്നുവരെയും 500 രൂപ സൂപ്പർ ഫൈനോടെ മാർച്ച് ആറുവരെയും സ്വീകരിക്കും.
രണ്ടാം സെമസ്റ്റർ എംഎഡ്. (സ്പെഷൽ എഡ്യൂക്കേഷൻഇന്റലക്ച്വൽ ഡിസ്എബിലിറ്റി രണ്ടാം വർഷം2016 അഡ്മിഷൻ) ഡിഗ്രി പരീക്ഷകൾ മാർച്ച് 10 ന് ആരംഭിക്കും. അപേക്ഷകൾ 27 വരെയും 50 രൂപ പിഴയോടെ ഫെബ്രുവരി 28 വരെയും 500 രൂപ സൂപ്പർ ഫൈനോടെ മാർച്ച് മൂന്നു വരെയും സ്വീകരിക്കും. െ റഗുലർ വിദ്യാർഥികൾ 150 രൂപയും വീണ്ടുമെഴുതുന്നവർ ഒരു പേപ്പറിനു 50 രൂപയും സിവി ക്യാന്പ് ഫീസായി നിശ്ചിത പരീക്ഷാഫീസിനു പുറമേ അടക്കണം.
നാലാം സെമസ്റ്റർ സിബിസിഎസ്എസ് (യുജി) ബിഎ, ബിഎസ്സി, ബികോം (2015ന് മുന്പുള്ള അഡ്മിഷൻസപ്ലിമെന്ററി, റീ അപ്പിയറൻസ്) ഡിഗ്രി പരീക്ഷകൾക്ക് 28 വരെയും 50 രൂപ പിഴയോടെ മാർച്ച് ഒന്നുവരെയും 500 രൂപ സൂപ്പർ ഫൈനോടെ മാർച്ച് നാലു വരെയും അപേക്ഷിക്കാം.
പ്രാക്ടിക്കൽ പരീക്ഷ
2017 ജനുവരിയിൽ നടത്തിയ മൂന്നാം സെമസ്റ്റർ എംഎസ്സി കംപ്യൂട്ടർ സയൻസ് (സിഎസ്എസ്െ റഗുലർ, സപ്ലിമെന്ററി ) പരിക്ഷകളുടെ പ്രാക്ടിക്കൽ 28ന് അതാത് കോളജിൽ് നടത്തും. വിശദമായ ടൈംടേബിൾ യൂണിവേഴ്സിറ്റി വെബ് സൈറ്റിൽ.
മൂന്നാം സെമസ്റ്റർ എംഎസ്സി ബോട്ടണി പരിക്ഷകളുടെ പ്രാക്ടിക്കൽ 27 മുതൽ അതാത് കോളജിൽ് നടത്തും. ഈ പരീക്ഷയുടെ എക്സാമിനർ സമിതിയുടെ യോഗം 22ന് രാവിലെ 11 ന് സിൽവർ ജൂബിലി പരിക്ഷാ ഭവനിൽ കൂടും.
പരീക്ഷാഫലം
2016 മാർച്ചിൽ നടത്തിയ നാലാം സെമസ്റ്റർ സിബിസിഎസ്എസ്ബിഎ മോഡൽ ഒന്ന്,രണ്ട്,മൂന്ന് (2013/2014 അഡ്മിഷൻ) ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി. 2016 ഒക്ടോബർ ഏഴിനു പ്രസിദ്ധീകരിച്ച പരീക്ഷാഫലത്തിൽ ഉൾപ്പെടാതിരുന്ന സപ്ലിമെന്ററി വിദ്യാർഥികളുടെ ഫലവും ഇതോടൊപ്പം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷകൾ മാർച്ച് എ്ട്ടു വരെ സ്വീകരിക്കും.
2016 ഏപ്രിലിൽ നടത്തിയ നാലാം സെമസ്റ്റർ ബിഎസി. മോഡൽ ഒന്ന്, രണ്ട്, മൂന്ന് (2009മുതൽ 2013 വരെയുള്ള അഡ്മിഷൻറീ അപ്പിയറൻസ്, 2014 അഡ്മിഷൻ െറഗുലർസിബിസിഎസ്എസ്) ഡിഗ്രി പരിക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷകൾ മാർച്ച് എട്ടു വരെ സ്വീകരിക്കും.
ടീച്ചേഴ്സ് പോർട്ടൽ
ഇതുവരെ പുതിയ വിവരങ്ങൾ ചേർത്ത് ടീച്ചേഴ്സ് പോർട്ടൽ നവീകരിക്കാത്ത കോളജുകൾ അധ്യാപകരുടെ ആവശ്യമായ വിവരങ്ങൾ ഉൾപ്പെടുത്തി പരിഷ്കരിച്ച ലിസ്റ്റ് 25ന് മുന്പായി യൂണിവേഴ്സിറ്റി പോർട്ടലിൽ അപ്ലോഡ് ചെയ്യേണ്ടതാണ്.
ദ്വിദിന ശില്പശാല
നാഷണൽ ഇൻസ്റ്റിറ്റ്യൂട്ട് ഓഫ് പ്ലാന്റ് സയൻസ് ടെക്നോളജി (എൻഐപിഎസ്ടി), ക്രിയേറ്റിവ് റൈറ്റിംഗ് ഫോർ ടാപ്പിംഗ് ഫണ്ടിംഗ് റിസോഴ്സസ് ആൻഡ് ഇഫക്ടീവ് പബ്ലിക്കേഷൻ’’ എന്ന വിഷയത്തിൽ ദ്വിദിന ശില്പശാല 27, 28 തീയതികളിൽ സ്കൂൾ ഓഫ് ബയോ സയൻസിൽ നടത്തും വിശദവിവരങ്ങൾക്ക് 9497 664 697, 8281 465 108.