ലൈബ്രറി സയൻസ്, ഡിസിഎ പ്രവേശനം
തുടർ വിദ്യാഭ്യാസ വ്യാപന കേന്ദ്രത്തിന്‍റെ അംഗീകാരത്തോടെ കാട്ടാക്കട ക്രിസ്ത്യൻ കോളജിൽ മാർച്ചിൽ ആരംഭിക്കുന്ന ആറു മാസം ദൈർഘ്യമുള്ള സർട്ടിഫിക്കറ്റ് ഇൻ ലൈബ്രറി ആൻഡ് ഇൻഫർമേഷൻ സയൻസ് (സിഎൽഐഎസ്) കോഴ്സിനും ഡിപ്ലോമ ഇൻ കംപ്യൂട്ടർ ആപ്ലിക്കേഷൻ (ഡിസിഎ) കോഴ്സിനും അപേക്ഷ ക്ഷണിച്ചു. അടിസ്ഥാന യോഗ്യത പ്ലസ്ടു. പ്രായപരിധിയില്ല.
അപേക്ഷാഫോം 100 രൂപയ്ക്ക് കോളജ് കംപ്യൂട്ടർ ലാബിൽ നിന്നു ലഭിക്കും. പൂരിപ്പിച്ച അപേക്ഷ കോളജ് ഓഫീസിൽ ലഭിക്കേണ്ട അവസാന തിയതി മാർച്ച് 24 ഉച്ചകഴിഞ്ഞ് മൂന്ന് . അടിസ്ഥാന യോഗ്യതയുടേയും ഇന്‍റർവ്യൂവിന്‍റേയും അടിസ്ഥാനത്തിലാണ് പ്രവേശനം. പരീക്ഷ നടത്തുന്നതും സർട്ടിഫിക്കറ്റ് നൽകുന്നതും കേരള സർവകലാശാലയാണ്. കൂടുതൽ വിവരങ്ങൾക്ക് കോളജ് കംപ്യൂട്ടർ ലാബുമായി ബന്ധപ്പെടുക. ഫോണ്: 9495825335/9400976245
പിജിഡികെഎം: സീറ്റൊഴിവ്
കാര്യവട്ടം ഫ്യൂച്ചേഴ്സ് സ്റ്റഡീസ് പഠനവകുപ്പ് നടത്തുന്ന പി.ജി ഡിപ്ലോമ ഇൻ നോളജ് മാനേജ്മെന്‍റ് (പിജിഡികെഎം 201617) കോഴ്സിന് ഏതാനും സീറ്റുകൾ ഒഴിവുണ്ട്. താത്പര്യമുള്ളവർ ബന്ധപ്പെട്ട രേഖകളുമായി 27നു രാവിലെ 11ന് കാര്യവട്ടം ഫ്യൂച്ചേഴ്സ് സ്റ്റഡീസ് പഠനവകുപ്പിൽ നേരിട്ട് ഹാജരാകണം. മറ്റ് വിശദവിവരങ്ങൾ വെബ്സെറ്റിൽ. ഫോണ്:04712305321, 94464 03562.
എംഎ ഇംഗ്ലീഷ് ലാംഗ്വേജ് ആൻഡ് ലിറ്ററേച്ചർ ഫലം
വിദൂര വിദ്യാഭ്യാസ വിഭാഗം 2016 ജൂലൈ/ഓഗസ്റ്റ്/സെപ്റ്റംബറിൽ നടത്തിയ എം.എ ഇംഗ്ലീഷ് ലാംഗ്വേജ് ആൻഡ് ലിറ്ററേച്ചർ (ഫൈനൽ/പ്രീവിയസ് സപ്ലിമെന്‍ററി) പരീക്ഷകളുടെ ഫലം വെബ്സൈറ്റിൽ ലഭിക്കും.
എംഎസ്‌സി ജോഗ്രഫി പ്രാക്ടിക്കൽ
2016 ഓഗസ്റ്റിൽ നടത്തിയ രണ്ടാം സെമസ്റ്റർ എംഎസ്‌സി ജോഗ്രഫി പരീക്ഷയുടെ പ്രാക്ടിക്കൽ പരീക്ഷകൾ മാർച്ച് എട്ട്, ഒന്പത് തീയതികളിൽ അതത് കേന്ദ്രങ്ങളിൽ നടത്തും. വിശദ വിവരങ്ങൾ കോളജിലും സർവകലാശാല വെബ്സൈറ്റിലും ലഭിക്കും.
എംഎസ്‌സി ബയോ ടെക്നോളജി പ്രാക്ടിക്കൽ
2016 ഓഗസ്റ്റിൽ നടത്തിയ രണ്ടാം സെമസ്റ്റർ എംഎസ്‌സി ബയോ ടെക്നോളജി പരീക്ഷയുടെ പ്രാക്ടിക്കൽ പരീക്ഷകൾ മാർച്ച് ഒന്പതു മുതൽ അതത് കോളജുകളിൽ നടത്തും. വിശദ വിവരങ്ങൾ കോളജിലും സർവകലാശാല വെബ്സൈറ്റിലും ലഭിക്കും.
എംബിഎ ഫലം
വിദൂര വിദ്യാഭ്യാസ വിഭാഗം 2016 ജൂണ്‍/ ജൂലൈയിൽ നടത്തിയ നാലാം സെമസ്റ്റർ എംബിഎ, (201315 ബാച്ച്) പരീക്ഷഫലം വെബ്സൈറ്റിൽ ലഭിക്കും.
എൽഎൽഎം ടീച്ചിംഗ് പ്രാക്ടീസ് പരീക്ഷ കേന്ദ്രങ്ങൾ
2016ൽ നടത്തിയ ഒന്നാം സെമസ്റ്റർ എൽഎൽഎം പരീക്ഷയുടെ ടീച്ചിംഗ് പ്രാക്ടീസ് പരീക്ഷകൾ മാർച്ച് 20ന് ഗവ. ലോ കോളജിലും മാർച്ച് 21ന് നാലാഞ്ചിറ മാർ ഗ്രിഗോറിയസ് ലോ കോളജിലും മാർച്ച് 22ന് കേരള ലോ അക്കാഡമി ലോ കോളജിലും രാവിലെ 10 മുതൽ ആരംഭിക്കും. കൊല്ലം ശ്രീ നാരായണ കോളജ് ഓഫ് ലീഗൽ സ്റ്റഡീസ് വിദ്യാർഥികൾ ഗവ. ലോ കോളജിൽ പരീക്ഷയ്ക്കു ഹാജരാകണം.
എൽഎൽഎം ഫലം
ജൂണിൽ നടത്തിയ മൂന്നാം സെമസ്റ്റർ എൽഎൽഎം പരീക്ഷാഫലം വെബ്സൈറ്റിൽ ലഭിക്കും.
സൂക്ഷ്മപരിശോധനയ്ക്ക് മാർച്ച് 24 വരെ അപേക്ഷിക്കാം.
ബിഎ എൽഎൽബി ഫലം
ഓഗസ്റ്റിൽ നടത്തിയ എട്ടാം സെമസ്റ്റർ ഇന്‍റഗ്രേറ്റഡ് ബിഎ എൽഎൽബി (പഞ്ചവത്സരം) പരീക്ഷാഫലം വെബ്സൈറ്റിൽ ലഭിക്കും. പുനർമൂല്യനിർണയത്തിനും സൂക്ഷ്മപരിശോധനയ്ക്കും മാർച്ച് 16വരെ അപേക്ഷിക്കാം.
ബിടെക് പരീക്ഷാ കേന്ദ്രത്തിൽ മാറ്റം
27ന് ആരംഭിക്കുന്ന എട്ടാം സെമസ്റ്റർ ബിടെക് (2008 സ്കീം) പരീക്ഷയ്ക്കും മാർച്ച് ഒന്നിന് ആരംഭിക്കുന്ന ഒന്ന്, രണ്ട് സെമസ്റ്റർ ബിടെക് (2013 സ്കീം) പരീക്ഷയ്ക്കും ഓയൂർ ട്രാവൻകൂർ എൻജിനിയറിംഗ് കോളജ് പരീക്ഷാ കേന്ദ്രമായി അപേക്ഷിച്ചവർ കൊല്ലം വടക്കേവിള യൂനുസ് കോളജ് ഓഫ് എൻജിനിയറിംഗ് ആൻഡ് ടെക്നോളജിയിൽ പരീക്ഷയെഴുതണം.
ഹാൾടിക്കറ്റ് വടക്കേവിള യൂനുസ് കോളജിൽ നിന്നും തിരിച്ചറിയൽ രേഖയുമായി വന്ന് കൈപ്പറ്റണം.