ഒന്നാം സെമസ്റ്റർ എംഎസ്ഡബ്ല്യു പരീക്ഷ
കണ്ണൂർ സർവകലാശാലയുടെ ഒന്നാം സെമസ്റ്റർ എംഎസ്ഡബ്ല്യു ഡിഗ്രി(റഗുലർ, സപ്ലിമെന്ററിഡിസംബർ 2016) പരീക്ഷകൾ മാർച്ച് 17ന് ആരംഭിക്കും. അപേക്ഷകൾ പിഴകൂടാതെ മാർച്ച് മൂന്നു വരെയും 150 രൂപ പിഴയോടെ ആറു വരെയും സമർപ്പിക്കും. അപേക്ഷയോടൊപ്പം എപിസി, ചലാൻ എന്നിവ മാർച്ച് എട്ടിനകം സർവകലാശാലയിൽ എത്തിക്കണം.
തുറന്ന സംവാദം
ബോട്ടണിയിൽ ഗവേഷണം നടത്തുന്ന എം. മിനി പിഎച്ച്ഡിക്കായി സമർപ്പിച്ച പ്രബന്ധത്തിന്മേലുള്ള തുറന്ന സംവാദം മാർച്ച് ഒന്നിനു രാവിലെ 11ന് സർസയ്യിദ് കോളജിലെ ബോട്ടണി വിഭാഗത്തിൽ നടക്കും. പ്രസ്തുത പ്രബന്ധം സെമിനാറിനു മൂന്നു ദിവസം മുന്പ് മുതൽ കോളജിലെ ബോട്ടണി വിഭാഗം ലൈബ്രറിയിൽ ലഭിക്കും.
ബിടെക് പരീക്ഷ മാറ്റി
28, മാർച്ച് രണ്ട് തീയതികളിൽ നടത്തേണ്ടിയിരുന്ന ഒന്നും രണ്ടും സെമസ്റ്റർ കംബൈൻഡ് ബിടെക് (സപ്ലിമെന്ററി പാർട്ട്ടൈം ഉൾപ്പെടെ ജനുവരി 2017) ഡിഗ്രി പരീക്ഷകൾ മാറ്റിവച്ചു. പുതുക്കിയ തീയതി പിന്നീട് അറിയിക്കും.
നാലാം സെമസ്റ്റർ ബിടെക് പരീക്ഷാഫലം
നാലാം സെമസ്റ്റർ ബിടെക് ഡിഗ്രി(റഗുലർ, സപ്ലിമെന്ററി, ഇംപ്രൂവ്മെന്റ് പാർട്ട്ടൈം 2006ഉം അതിനുമുന്പുമുള്ള അഡ്മിഷൻ ഉൾപ്പെടെ മേയ് 2016) പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. മാർക്ക് ലിസ്റ്റ് ലഭ്യമാകുന്ന തീയതി പിന്നീട് അറിയിക്കും. പരിശോധന, സൂക്ഷ്മപരിശോധന, ഫോട്ടോകോപ്പി എന്നിവയ്ക്കുള്ള അപേക്ഷകൾ വെബ്സൈറ്റിൽനിന്നും ഡൗണ്ലോഡ് ചെയ്ത മാർക്ക് ലിസ്റ്റിന്റെ സ്വയംസാക്ഷ്യപ്പെടുത്തിയ പകർപ്പിനോടൊപ്പം മാർച്ച് 10 വരെ സ്വീകരിക്കും.
എംഎസ്സി ഹാൾ ടിക്കറ്റുകൾ
കണ്ണൂർ സർവകലാശാലയുടെ 28ന് ആരംഭിക്കുന്ന ഒന്നാംസെമസ്റ്റർ എംഎസ് സി അപ്ലൈഡ് സുവോളജി, മോളിക്യുലർ ബയോളജി(സിസിഎസ്എസ്റഗുലർ, നവംബർ 2016) പരീക്ഷകളുടെ ഹാൾടിക്കറ്റുകൾ സർവകലാശാല വെബ്സൈറ്റിൽ ലഭ്യമാണ്.
അസിസ്റ്റന്റ് പ്രഫസർ നിയമനം
കണ്ണൂർ സർവകലാശാലയുടെ തലശേരി കാന്പസിൽ പ്രവർത്തിക്കുന്ന സ്കൂൾ ഓഫ് ഹെൽത്ത് സയൻസിലേക്ക് ഫിസിയോളജിയിൽ കരാറടിസ്ഥാനത്തിൽ അസിസ്റ്റന്റ് പ്രഫസറെ നിയമിക്കുന്നതിനായി നാളെ ഉച്ചകഴിഞ്ഞ് രണ്ടിന് വാക്ക്ഇൻ ഇന്റർവ്യൂ നടത്തും. അപേക്ഷാഫോമും വിശദവിവരങ്ങളും സർവകലാശാലയുടെ വെബ്സൈറ്റിൽ (www.kannuruniversity.ac.in) ലഭിക്കും.
കോൺടാക്ട് ക്ലാസ് ഇന്ന്
കണ്ണൂർ സർവകലാശാല വിദൂര വിദ്യാഭ്യാസ വിഭാഗം ഒന്നും രണ്ടും മൂന്നും ബിരുദ കോഴ്സുകളുടെയും രണ്ടാംവർഷം ബിരുദാനന്തര ബിരുദ കോഴ്സുകളുടെയും കോൺടാക്ട് ക്ലാസ് വിവിധ കോളജുകളിൽ ഇന്നു രാവിലെ 10 മുതൽ വൈകുന്നേരം നാലുവരെ നടക്കും. വിശദവിവരങ്ങൾക്ക് www.sde.kannuruniversity.ac.in സന്ദർശിക്കണം.
അഫ്സൽ ഉൽ ഉലമ ഓറിയന്റേഷൻ ക്ലാസ്
കണ്ണൂർ സർവകലാശാല വിദൂര വിദ്യാഭ്യാസ വിഭാഗത്തിൽ കാസർഗോഡ് ഗവ. കോളജ്, മഞ്ചേശ്വരം ജിപിഎം ഗവ. കോളജ്, കാഞ്ഞങ്ങാട് എൻഎഎസ് കോളജ് പരീക്ഷാകേന്ദ്രമായി സ്വീകരിച്ചിട്ടുള്ള ഒന്നാംവർഷ അഫ്സൽ ഉൽ ഉലമ (പ്രിലിമിനറി) വിദ്യാർഥികളുടെ ഓറിയന്റേഷൻ ക്ലാസ് മാർച്ച് ഒന്നിന് ചാല വിദ്യാനഗറിലെ കണ്ണൂർ സർവകലാശാല കാസർഗോഡ് കാന്പസിൽ നടത്തും. അന്നേദിവസം വിദ്യാർഥികളുടെ ഐഡന്റിറ്റി കാർഡും ക്വാളിഫൈയിംഗ് സർട്ടിഫിക്കറ്റും പഠനക്കുറിപ്പുകളും വിതരണം ചെയ്യും.