ഒന്നും രണ്ടും വർഷ ഡിഗ്രി (വിദൂര വിദ്യാഭ്യാസം) പരീക്ഷകൾ
കണ്ണൂർ സർവകലാശാലയുടെ ഒന്നും രണ്ടും വർഷ ബിഎ/ബിഎസ് സി/ബികോം/ ബിബിഎ/ബിസിഎ/ബിഎ അഫ്സൽഉൽഉലമ ഡിഗ്രി (വിദൂര വിദ്യാഭ്യാസം2011 അഡ്മിഷൻ മുതൽറഗുലർ/സപ്ലിമെന്‍ററി/ഇംപ്രൂവ്മെന്‍റ്ഏപ്രിൽ 2017) പരീക്ഷകൾ യഥാക്രമം മേയ് 11, ഏപ്രിൽ 26 തീയതികളിൽ ആരംഭിക്കും. രണ്ടാംവർഷ ഡിഗ്രി പരീക്ഷയുടെ ഓണ്‍ലൈൻ അപേക്ഷകൾ പിഴ കൂടാതെ ഈമാസം 13 മുതൽ 17 വരെയും 150 രൂപ പിഴയോടെ 21 വരെയും സമർപ്പിക്കാം. അപേക്ഷയുടെ പ്രിന്‍റൗട്ട് (ചലാൻ ഉൾപ്പെടെ) 27നകം സർവകലാശാലയിൽ എത്തിക്കണം. ഒന്നാം വർഷ ഡിഗ്രി പരീക്ഷയുടെ ഓണ്‍ലൈൻ അപേക്ഷകൾ പിഴകൂടാതെ 22 മുതൽ 28 വരെയും 150 രൂപ പിഴയോടെ 31 വരെയും സമർപ്പിക്കാം. അപേക്ഷയുടെ പ്രിന്‍റൗട്ട് (ചലാൻ ഉൾപ്പെടെ) ഏപ്രിൽ നാലിനകം സർവകലാശാലയിൽ എത്തിക്കണം. ഫീസ്: തിയറിറഗുലർ പേപ്പറൊന്നിനു 70 രൂപ (ബിസിഎ 120), സപ്ലിമെന്‍ററി 100 രൂപ (ബിസിഎ 130), പ്രാക്ടിക്കൽ 80 (ബിസിഎ റഗുലർ/സപ്ലിമെന്‍ററി 180 പേപ്പറൊന്നിന്), പ്രോജക്ട്/ഡിസർട്ടേഷൻ 70, (ബിസിഎ പ്രോജക്ട് 200), വൈവ110, മാർക്ക് ലിസ്റ്റ് 60, സെന്‍റർ ഫീസ് 25, സി.വി. ക്യാന്പ് ഫീസ് 150, അപേക്ഷാ ഫോറം 40 രൂപ.
മൂന്നാം സെമസ്റ്റർ എംസിഎ പരീക്ഷ ഏഴിന്
ഫെബ്രുവരി 21ന് നടത്താതെ മാറ്റിവച്ച മൂന്നാം സെമസ്റ്റർ എംസിഎ (റഗുലർ/ സപ്ലിമെന്‍ററിജനുവരി 2017) ഡിഗ്രിയുടെ സിസ്റ്റംസ് പ്രോഗ്രാമിംഗ് ആൻഡ് കംപൈലർ ഡിസൈൻ പ്രോഗ്രാമിംഗ് ഇൻ ജാവ പരീക്ഷകൾ ഈമാസം ഏഴിനു നടത്തും.
ആറാം സെമസ്റ്റർ ബിഎഎൽഎൽബി പരീക്ഷാഫലം
ആറാം സെമസ്റ്റർ ബിഎഎൽഎൽബി (ഏപ്രിൽ2015) ഡിഗ്രി പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനഃപരിശോധന/ സൂക്ഷ്മപരിശോധന/ഫോട്ടോകോപ്പി എന്നിവയ്ക്കുള്ള അപേക്ഷകൾ 17 വരെ സർവകലാശാലയിൽ സ്വീകരിക്കും.
തുറന്ന സംവാദം 10ന്
ഇംഗ്ലീഷിൽ ഗവേഷണം നടത്തുന്ന മീന ജെ. പണിക്കർ എന്ന വിദ്യാർഥിനി പിഎച്ച്ഡി ബിരുദത്തിനായി സമർപ്പിച്ച പ്രബന്ധത്തിന്മേലുള്ള തുറന്ന സംവാദം 10ന് രാവിലെ 10.30ന് തലശേരി കാന്പസിലെ ഇംഗ്ലീഷ് വിഭാഗത്തിൽ നടത്തും. പ്രസ്തുത പ്രബന്ധം സെമിനാറിനു മൂന്നുദിവസം മുന്പുമുതൽ തലശേരി കാന്പസിലെ ഇംഗ്ലീഷ് വിഭാഗം ലൈബ്രറിയിൽ പരിശോധനയ്ക്കു ലഭ്യമായിരിക്കും.
എംഎസ് സി കംപ്യൂട്ടർ സയൻസ് പ്രായോഗിക പരീക്ഷ.
ഒന്നും മൂന്നും സെമസ്റ്റർ എംഎസ് സി കംപ്യൂട്ടർ സയൻസ് (റഗുലർ/സപ്ലിമെന്‍ററി/ ഇംപ്രൂവ്മെന്‍റ് നവംന്പർ 2016) ഡിഗ്രിയുടെ പ്രായോഗിക പരീക്ഷകൾ യഥാക്രമം 21, 20 തീയതികളിൽ വിവിധ കേന്ദ്രങ്ങളിൽ നടത്തും. രജിസ്റ്റർ ചെയ്ത വിദ്യാർഥികൾ അതത് കോളജുമായി ബന്ധപ്പെടണം.
ഗവേഷണ ധനസഹായം
കണ്ണൂർ സർവകലാശാല മുഴുവൻ സമയ ഗവേഷകർക്ക് 201718 വർഷത്തെ ഗവേഷണ ധനസഹായം നൽകുന്നതിലേക്കായി അപേക്ഷ ക്ഷണിച്ചു. അപേക്ഷ സ്വീകരിക്കുന്ന അവസാന തീയതി ഈമാസം 25 . വിശദവിവരങ്ങൾക്ക് യൂണിവേഴ്സിറ്റിയുടെ www.kannuruniversity.ac.in എന്ന വെബ്സൈറ്റ് സന്ദർശിക്കുക.