സർട്ടിഫിക്കറ്റ് ഇൻ യോഗ ആൻഡ് മെഡിറ്റേഷൻ
തുടർ വിദ്യാഭ്യാസ വ്യാപന കേന്ദ്രം നടത്തുന്ന സർട്ടിഫിക്കറ്റ് ഇൻ യോഗ ആൻഡ് മെഡിറ്റേഷൻ കോഴ്സിന് അപേക്ഷ ക്ഷണിച്ചു. യോഗ്യത: പ്രീഡിഗ്രി/ പ്ലസ്ടു ജയം. ഫീസ് 6000 രൂപ. അപേക്ഷ ഫീസ് 100 രൂപ. ക്ലാസുകൾ തിങ്കൾ മുതൽ വെള്ളി വരെ വൈകുന്നേരം അഞ്ചു മുതൽ ഏഴ് വരെ. അവസാന തീയതി 15 ന് വൈകുന്നേരം മൂന്ന് വരെ. വിവരങ്ങൾക്ക് തിരുവനന്തപുരം പിഎംജി ജംഗ്ഷനിലുള്ള തുടർ വിദ്യാഭ്യാസ വ്യാപന കേന്ദ്രവുമായി ബന്ധപ്പെടുക ഫോണ് : 04712302523.
മാജിക്കൽ ആർട്സ് കോഴ്സ് തീയതി നീട്ടി
തുടർ വിദ്യാഭ്യാസ വ്യാപന കേന്ദ്രത്തിന്റെയും (സിഎസിഇഇ) മാജിക്ക് അക്കാഡമിയുടേയും സംയുക്ത സംരംഭമായ ഡിപ്ലോമ ഇൻ മാജിക്കൽ ആർട്സ് കോഴ്സിന് അപേക്ഷിക്കാനുള്ള തീയതി 15 വരെ നീട്ടി. പൂജപ്പുര മാജിക് അക്കാഡമിയിൽ വച്ചാണ് ക്ലാസുകൾ നടക്കുന്നത്.
എസ്എസ്എൽസിയോ തത്തുല്യമോ പാസായവർക്കോ കേരള സർവകലാശാലയുടെ സർട്ടിഫിക്കറ്റ് ഇൻ മാജിക്കൽ ആർട്സ് കോഴ്സ് പാസായവർക്കോ അഥവാ മാജിക്ക് രംഗത്ത് പ്രവർത്തിച്ച് പരിചയമുള്ളവർക്കോ കോഴ്സിന് അപേക്ഷിക്കാം. കാലാവധി ആറ് മാസം, കുറഞ്ഞ പ്രായപരിധി : 18 ഫീസ് 11500 രൂപ. വിവരങ്ങൾക്ക് ഫോണ് :04712358910, 2302523, 9446078635
എംഎ മാർക്ക്ലിസ്റ്റുകൾ കൈപ്പറ്റണം
വിദൂര വിദ്യാഭ്യാസ വിഭാഗം ജൂലൈയിലും ഓഗസ്റ്റിലുമായി നടത്തിയ എംഎ മലയാളം പ്രീവിയസ്, ഫൈനൽ (റെഗുലർ / റീ അപ്പിയറൻസ്) പരീക്ഷയുടെ മാർക്ക്ലിസ്റ്റുകൾ ആറ്,ഏഴ് തീയതികളിൽ പാളയം എസ്ഡിഇ ഓഫീസിൽ നിന്ന് ഹാൾടിക്കറ്റും ഡിഗ്രി കോപ്പിയും സഹിതം വന്ന് കൈപ്പറ്റേണ്ടതാണ്
ഹാജർ പട്ടിക സമർപ്പിക്കണം
ഏപ്രിൽ 17ന് ആരംഭിക്കുന്ന ആറാം സെമസ്റ്റർ ബിഎ/ബിഎസ്സി/ബികോം സിബിസിഎസ്എസ് /കരിയർ റിലേറ്റഡ് വിദ്യാർഥികളുടെ ഹാജർ പട്ടിക ഏപ്രിൽ പത്തിനകം സർവകലാശാലയിൽ സമർപ്പിക്കേണ്ടതാണ്. ഹാജർ പട്ടിക സമർപ്പിക്കാത്ത കോളജുകളിലെ ഹാൾടിക്കറ്റ് നൽകുന്നതല്ല.
സൂക്ഷ്മപരിശോധന
ഡിസംബറിൽ പ്രസിദ്ധീകരിച്ച ഒന്നും രണ്ടും വർഷ ബികോം (ആനുവൽ സ്കീം) പരീക്ഷയുടെ പുനർമൂല്യനിർണയത്തിനും സൂക്ഷ്മപരിശോധനയ്ക്കും അപേക്ഷിക്കാനുള്ള അവസാന തീയതി ഒമ്പത് വരെ നീട്ടി.
പ്രൈവറ്റ് രജിസ്ട്രേഷൻ മെമ്മോ ലഭിക്കാത്ത ഒന്നാം വർഷ വിദ്യാർഥികൾക്ക് കരട് മാർക്ക്ലിസ്റ്റ് വെബ്സൈറ്റിൽ നിന്ന് ലഭിക്കും.
പരീക്ഷാഭീതി അകറ്റാൻ ടെലിഫോണ് കൗണ്സലിംഗ്
തുടർ വിദ്യാഭ്യാസ വ്യാപന കേന്ദ്രത്തിന്റെയും സ്റ്റേറ്റ് കൗണ്സിൽ ഫോർ ഓപ്പണ് ആൻഡ് ലൈഫ് ലോംഗ് എജ്യുക്കേഷൻ കേരള (സ്കോൾ കേരള)യുടേയും സംയുക്താഭിമുഖ്യത്തിൽ ഹയർ സെക്കൻഡറി പരീക്ഷയെഴുതുന്ന വിദ്യാർഥികൾക്കും രക്ഷിതാക്കൾക്കും വേണ്ടി ടെലിഫോണ് കൗണ്സലിംഗ് നൽകുന്നു. പരീക്ഷഭീതി അകറ്റി ആത്മവിശ്വാസത്തോടെ പരീക്ഷയെഴുതാൻ വിദ്യാർഥികളെ സജ്ജരാക്കുക എന്നതാണ് ലക്ഷ്യം. സർവകലാശാല പ്രവൃത്തി ദിവസങ്ങളിൽ രാവിലെ പത്തു മുതൽ വൈകുന്നേരം അഞ്ച് വരെ സേവനം ലഭ്യമാണ്. ഫോണ് : 0471 2302524.