സർട്ടിഫിക്കറ്റ് ഇൻ യോഗ ആൻഡ് മെഡിറ്റേഷൻ പരീക്ഷ
തുടർ വിദ്യാഭ്യാസ വ്യാപന കേന്ദ്രം നടത്തുന്ന സർട്ടിഫിക്കറ്റ് ഇൻ യോഗ ആൻഡ് മെഡിറ്റേഷൻ (മോർണിംഗ് ആൻഡ് ഈവനിംഗ് ബാച്ച്) കോഴ്സിന്റെ പരീക്ഷകൾ 22, 23, 24 തീയതികളിൽ പിഎംജിയിലുള്ള സിഎസിഇഇ ഓഫീസിൽ നടക്കും. പരീക്ഷാഫീസ് 570 രൂപ. പരീക്ഷക്ക് പിഴകൂടാതെ 13വരെ (50 രൂപ പിഴയോടെ മാർച്ച് 15, 250 രൂപ പിഴയോടെ മാർച്ച് 17) അപേക്ഷിക്കാം. വിശദവിവരങ്ങൾക്ക് ഫോണ് : 04712302523.
മൂല്യനിർണയം: അധ്യാപകർ ഹാജരാകണം
നവംബറിൽ നടത്തിയ അഞ്ചാം സെമസ്റ്റർ സിബിസിഎസ്എസ് ബിഎ/ബിഎസ്സി/ബികോം കരിയർ റിലേറ്റഡ് കോഴ്സുകളുടെ ഉത്തര കടലാസിന്റെ മൂല്യനിർണയം താഴെ പറയുന്ന തിയതികളിൽ നടത്തും. മാർച്ച് എട്ട് ബിഎ (ചീഫ് വാല്യുവേഷൻ), മാർച്ച് ഒന്പത് ബിഎ (അഡീഷനൽ വാല്യുവേഷൻ), മാർച്ച് 13 ബിഎസ്സി/ബികോം/ കരിയർ റിലേറ്റഡ്/ ഓപ്പണ് കോഴ്സ് (ചീഫ് വാല്യുവേഷൻ), മാർച്ച് 14 ബിഎസ്സി/ബികോം/ കരിയർ റിലേറ്റഡ്/ ഓപ്പണ് കോഴ്സ് (അഡീഷനൽ വാല്യുവേഷൻ). മൂല്യനിർണയത്തിന് നിയോഗിക്കപ്പെട്ടിരിക്കുന്ന അധ്യാപകർ അതാത് ക്യാന്പുകളിൽ ഹാജരാകണം.
പ്രീ പ്രാക്ടിക്കൽ ബോർഡ് മീറ്റിംഗ്: അധ്യാപകർ പങ്കെടുക്കണം
മൂന്നാം സെമസ്റ്റർ ബികോം സിബിസിഎസ്എസ് പരീക്ഷയുടെ പ്രായോഗിക പരീക്ഷക്ക് മുന്പായി നടക്കുന്ന പ്രീ പ്രാക്ടിക്കൽ ബോർഡ് മീറ്റിംഗ് ഒന്പതിന് രാവിലെ 11ന് സർവകലാശാല സെനറ്റ് ഹാളിൽ നടക്കും. അറിയിപ്പ് ലഭിച്ച അധ്യാപകർ നിർബന്ധമായും മീറ്റിംഗിൽ പങ്കെടുക്കണം.