അഞ്ചാം സെമസ്റ്റർ ബിഎസ്സി/ബിസിഎ മൂല്യനിർണയ ക്യാന്പ്
അഞ്ചാം സെമസ്റ്റർ ബിഎസ്സി/ബിസിഎ റഗുലർ(സിയുസിബിസിഎസ്എസ്), സപ്ലിമെന്ററി/ഇംപ്രൂവ്മെന്റ് (സിസിഎസ്എസ്) പരീക്ഷകളുടെ മൂല്യനിർണയ ക്യാന്പ് 15 മുതൽ 22 വരെ വിവിധ കേന്ദ്രങ്ങളിൽ നടക്കും. അഫിലിയേറ്റഡ് കോളജുകളിലെ അധ്യാപകർ നിർബന്ധമായും പങ്കെടുക്കണമെന്ന് പരീക്ഷാ കണ്ട്രോളർ അറിയിച്ചു. വിവരങ്ങൾ സർവകലാശാലാ വെബ്സൈറ്റിൽ.
എസ്ഡിഇ നാലാം സെമസ്റ്ററിൽ പുനഃപ്രവേശനത്തിന് അപേക്ഷിക്കാം
വിദൂരവിദ്യാഭ്യാസത്തിന് കീഴിൽ ബിഎ/ബികോം/ബിഎസ്സി (മാത്സ്)/ബിബിഎ (സിസിഎസ്എസ്) കോഴ്സുകൾക്ക് 2011 മുതൽ 2014 വരെയുള്ള വർഷത്തിൽ പ്രവേശനം നേടി ഒന്ന് മുതൽ മൂന്ന് വരെയുള്ള സെമസ്റ്റർ പരീക്ഷകൾക്ക് അപേക്ഷിച്ച ശേഷം തുടർപഠനം നടത്താനാവാത്ത എസ്ഡിഇ വിദ്യാർഥികൾക്ക് നാലാം സെമസ്റ്ററിലേക്ക് (സിയുസിബിസി.എസ്.എസ്) പുനഃപ്രവേശനത്തിന് ഓണ്ലൈനായി 18 വരെ അപേക്ഷിക്കാം. പൂരിപ്പിച്ച അപേക്ഷ ചലാൻ സഹിതം 21നകം എസ്ഡിഇയിൽ ലഭിക്കണം. വിവരങ്ങൾ വെബ്സൈറ്റിൽ. ഫോൺ: 0494 2407356,
ബിഎസ്സി നഴ്സിംഗ് സപ്ലിമെന്ററി പരീക്ഷാ കേന്ദ്രം
നാലാം വർഷ ബിഎസ്സി നഴ്സിംഗ് സപ്ലിമെന്ററി പരീക്ഷയ്ക്ക് 20ന് കോഴിക്കോട്, മലപ്പുറം, പാലക്കാട്, തൃശൂർ ജില്ലകളിലെ എല്ലാ കോളജുകളിലെയും അപേക്ഷകർ കോഴിക്കോട് നാഷണൽ ഹോസ്പിറ്റൽ കോളജ് ഓഫ് നഴ്സിംഗിലാണ് പരീക്ഷയ്ക്ക് ഹാജരാകേണ്ടത്.
ബിടെക് ഇന്റേണൽ പരീക്ഷ: സെന്റർ മാറ്റത്തിന് അപേക്ഷിക്കാം
ബിടെക്/പാർട്ട് ടൈം ബി.ടെക് ഇന്റേണൽ ഇംപ്രൂവ്മെന്റ് പരീക്ഷയ്ക്ക് അപേക്ഷിച്ചവർക്ക് അവരുടെ ബ്രാഞ്ച് ഇപ്പോൾ ആ കോളജിൽ നിലവിലില്ലെങ്കിൽ ആ ബ്രാഞ്ച് നിലവിലുള്ള മറ്റൊരു കോളജിലേക്ക് മാറുന്നതിന് ഇപ്പോൾ രജിസ്റ്റർ ചെയ്യാം. നേരത്തെ രജിസ്റ്റർ ചെയ്തവർക്ക് സെന്റർ മാറ്റത്തിന് 16 വരെ അപേക്ഷിക്കാം.
പരീക്ഷാ അപേക്ഷ
വിദൂരവിദ്യാഭ്യാസം ആറാം സെമസ്റ്റർ ബിഎ/ബിഎസ്സി/ബികോം/ബിബിഎ/ബിഎംഎംസി/ബിഎ അഫ്സൽഉൽഉലമ (സിസിഎസ്എസ്) സപ്ലിമെന്ററി/ഇംപ്രൂവ്മെന്റ് പരീക്ഷകൾക്ക് പിഴകൂടാതെ 30 വരെയും 150 രൂപ പിഴയോടെ ഏപ്രിൽ അഞ്ച് വരെയും ഓണ്ലൈനിൽ അപേക്ഷിക്കാം. അപേക്ഷയുടെ പ്രിന്റൗട്ട്, ചലാൻ സഹിതം ജോയിന്റ് കണ്ട്രോളർ ഓഫ് എക്സാമിനേഷൻസ്8, സ്കൂൾ ഓഫ് ഡിസ്റ്റൻസ് എഡ്യുക്കേഷൻ, യൂണിവേഴ്സിറ്റി ഓഫ് കാലിക്കട്ട്, കാലിക്കട്ട് യൂണിവേഴ്സിറ്റി പി.ഒ, 673 635 എന്ന വിലാസത്തിൽ ഏപ്രിൽ ഏഴിനകം ലഭിക്കണം.
തടഞ്ഞുവെച്ച ബിപിഎഡ് പരീക്ഷാഫലം
തടഞ്ഞുവെച്ച രണ്ടാം വർഷ ബിപിഎഡ് സപ്ലിമെന്ററി (ഏപ്രിൽ 2016) പരീക്ഷാഫലം വെബ്സൈറ്റിൽ ലഭ്യമാണ്. പുനർമൂല്യനിർണയത്തിന് 23 വരെ സാധാരണ ഫോമിൽ അപേക്ഷിക്കാം.
പരീക്ഷാഫലം
2016 ജൂണിൽ നടത്തിയ രണ്ടാം സെമസ്റ്റർ എംഎസ്സി ഫിഷ് പ്രോസസിംഗ് ടെക്നോളജി ആൻഡ് ക്വാളിറ്റി കണ്ട്രോൾ (സിയുസിഎസ്.എസ്) പരീക്ഷാഫലം വെബ്സൈറ്റിൽ ലഭ്യമാണ്. പുനർമൂല്യനിർണയത്തിന് 23 വരെ ഓണ്ലൈനിൽ അപേക്ഷിക്കാം.
അംഗീകാരം പിൻവലിച്ചു
20092010 അക്കാദമിക വർഷം മുതൽ അഫിലിയേറ്റ് ചെയ്തിരുന്ന പികെ ആർട്സ് ആൻഡ് സയൻസ് കോളജ്, മാത്തറ, ജി.എ.കോളജ് (പിഒ), കോഴിക്കോട് എന്ന സ്ഥാപനത്തിന്റെ അംഗീകാരം കോളജ് മാനേജ്മെന്റിന്റെ അഭ്യർഥന പ്രകാരം 201617 മുതൽ വിച്ഛേദിച്ചുകൊണ്ട് ഉത്തരവായി.