ബിടെക് പരീക്ഷ മാറ്റിവച്ചു
ഈമാസം 10ന് നടത്തേണ്ടിയിരുന്ന ആറാം സെമസ്റ്റർ ബിടെക് (സപ്ലിമെന്ററി, ഇംപ്രൂവ്മെന്റ് പാർട്ട്ടൈം ഉൾപ്പെടെ 2007 അഡ്മിഷൻ ഡിസംബർ2016) ഡിഗ്രിയുടെ ഇലക്ട്രിക്കൽ സിസ്റ്റം ഡിസൈൻ ആൻഡ് എസ്റ്റിമേഷൻ പരീക്ഷ മാറ്റിവച്ചു. പുതുക്കിയ തീയതി പിന്നീട് അറിയിക്കും. അന്നേദിവസം നടത്തേണ്ട മറ്റ് ആറാം സെമസ്റ്റർ ബിടെക് പരീക്ഷകൾക്കു മാറ്റമില്ല.
എംഎസ്സി ജ്യോഗ്രഫി പ്രായോഗിക പരീക്ഷ
ഒന്നാം സെമസ്റ്റർ എംഎസ്സി ജ്യോഗ്രഫി (സിസിഎസ്എസ് റഗുലർ നവംബർ 2016) ഡിഗ്രിയുടെ പ്രായോഗിക പരീക്ഷ 22ന് പയ്യന്നൂർ കാന്പസിലുള്ള പഠനവകുപ്പിൽ നടത്തും. രജിസ്റ്റർ ചെയ്ത വിദ്യാർഥികൾ ഡിപ്പാർട്ട്മെന്റുമായി ബന്ധപ്പെടണം.
എംസിഎ പ്രായോഗിക പരീക്ഷകൾ
ഒന്നാം സെമസ്റ്റർ എംസിഎ, മൂന്നാം സെമസ്റ്റർ എംസിഎ (ലാറ്ററൽഎൻട്രി) ഡിഗ്രിയുടെ (സിസിഎസ്എസ് റഗുലർ നവംബർ 2016) പ്രായോഗിക പരീക്ഷകൾ 9, 14 തീയതികളിൽ ൽ മാങ്ങാട്ടുപറന്പ് കാന്പസിലുള്ള പഠനവകുപ്പിൽ നടക്കും. രജിസ്റ്റർ ചെയ്ത വിദ്യാർഥികൾ ഡിപ്പാർട്ട്മെന്റുമായി ബന്ധപ്പെടണം.
എട്ടാം സെമസ്റ്റർ ബിടെക് പരീക്ഷകൾ
കണ്ണൂർ സർവകലാശാലയുടെ എട്ടാം സെമസ്റ്റർ ബിടെക് (റഗുലർ, സപ്ലിമെന്ററി പാർട്ട്ടൈം ഉൾപ്പെടെ 2007 അഡ്മിഷൻ മുതൽ ഏപ്രിൽ2017) ഡിഗ്രി പരീക്ഷകൾ ഏപ്രിൽ 19ന് ആരംഭിക്കും. ഓണ്ലൈൻ അപേക്ഷകൾ പിഴകൂടാതെ ഈമാസം 15 മുതൽ 20 വരെയും 150 രൂപ പിഴയോടെ 23 വരെയും സമർപ്പിക്കാം. അപേക്ഷയുടെ പ്രിന്റൗട്ടിനോടൊപ്പം എപിസി, ചലാൻഎന്നിവ 27നകം സർവകലാശാലയിൽ ലഭിക്കണം. ഫീസ് ഇപ്രകാരമാണ്: തിയറി റഗുലർ 100 രൂപ പേപ്പറൊന്നിന്, സപ്ലിമെന്ററി 130, പ്രാക്ടിക്കൽ 120, സപ്ലിമെന്ററി 150, വൈവ 110, മാർക്ക് ലിസ്റ്റ് 60, സി.വി.ക്യാന്പ് 150, ആപ്ലിക്കേഷൻ ഫോം 40 രൂപ.
അഫ്സൽഉൽഉലമ പ്രിലിമിനറി പരീക്ഷകൾ
കണ്ണൂർ സർവകലാശാലയുടെ ഏപ്രിൽ 2017 സെഷനിലെ രണ്ടാം വർഷ അഫ്സൽഉൽഉലമ പ്രിലിമിനറി (റഗുലർ, സപ്ലിമെന്ററി, ഇംപ്രൂവ്മെന്റ് വിദൂര വിദ്യാഭ്യാസം ഉൾപ്പെടെ), ഒന്നാം വർഷ അഫ്സൽഉൽഉലമ പ്രിലിമിനറി (സപ്ലിമെന്ററി, ഇംപ്രൂവ്മെന്റ് വിദൂര വിദ്യാഭ്യാസം ഉൾപ്പെടെ) പരീക്ഷകൾ ഏപ്രിൽ 19ന് ആരംഭിക്കും. ഓണ്ലൈൻ അപേക്ഷകൾ പിഴ കൂടാതെ ഈമാസം 15 മുതൽ 22 വരെയും 150 രൂപ പിഴയോടെ 25 വരെയും സമർപ്പിക്കാം. രണ്ടാം വർഷത്തെ പരീക്ഷയ്ക്കും ഒന്നാം വർഷ സപ്ലിമെന്ററി, ഇംപ്രൂവ്മെന്റ് പരീക്ഷയ്ക്കും കൂടി ഒരപേക്ഷ സമർപ്പിച്ചാൽ മതിയാകും. അപേക്ഷയുടെ പ്രിന്റൗട്ടിനോടൊപ്പം എപിസി, ചലാൻ എന്നിവ 29നകം സർവകലാശാലയിൽ എത്തിക്കണം. ഫീസ് ഇപ്രകാരമാണ്. തിയറി റഗുലർ 70 രൂപ പേപ്പറൊന്നിന്, സപ്ലിമെന്ററി 100, മാർക്ക് ലിസ്റ്റിന് 60, സെന്റർ ഫീസ് 25, സി.വി. ക്യാന്പ് 150, ആപ്ലിക്കേഷൻ ഫോം 40 രൂപ.
ടെക്നിക്കൽ അസിസ്റ്റന്റ് നിയമനം
മാങ്ങാട്ടുപറന്പിലുള്ള ഐടി ഡിപ്പാർട്ടുമെന്റിലേക്ക് കരാറടിസ്ഥാനത്തിൽ ടെക്നിക്കൽ അസിസ്റ്റന്റിനെ നിയമിക്കുന്നു. ഒന്നാം ക്ലാസോടെയുള്ള എംസിഎ അല്ലെങ്കിൽ കംപ്യൂട്ടർ സയൻസിലുള്ള എംഎസ് സി ബിരുദമാണ് യോഗ്യത. 15,000 രൂപയാണ് ശന്പളം. 16ന് സർവകലാശാലയുടെ ആസ്ഥാന മന്ദിരത്തിൽ നടത്തുന്ന വാക്ക് ഇൻ ഇന്റർവ്യൂ വഴിയാണ് നിയമനം. 16ന് രാവിലെ 11.30ന് നടക്കുന്ന വാക്ക് ഇൻ ഇന്റർവ്യൂവിൽ ഉദ്യോഗാർഥികൾ ബയോഡാറ്റ, സർട്ടിഫിക്കറ്റുകളുടെ അസൽ കോപ്പികൾ എന്നിവ സഹിതം ഹാജരാകണം. വിശദവിവരങ്ങൾ സർവകലാശാലയുടെ www.kannuruniversity.ac.in എന്ന വെബ് സൈറ്റിൽനിന്നും ലഭിക്കും.