സംസ്കൃതം ദേശീയ സെമിനാർ
സംസ്കൃത പഠനവിഭാഗം യുജിസി സഹായത്തോടെ വ്യാകരണ ശാസ്ത്രകാവ്യങ്ങൾ എന്ന വിഷയത്തിൽ ത്രിദിന ദേശീയ സെമിനാർ സംഘടിപ്പിക്കുന്നു. പഠനവകുപ്പ് ഹാളിൽ നാളെ ഉച്ചയ്ക്ക് 2.30ന് വൈസ് ചാൻസലർ ഡോ. കെ.മുഹമ്മദ് ബഷീർ ഉദ്ഘാടനം ചെയ്യും. പ്രഫ. കെ.എൻ.എൻ. ഇളയത് മുഖ്യപ്രഭാഷണം നടത്തും. 16, 17 തിയതികളിൽ പ്രഫ. വിജയപാല ശാസ്ത്രി (ഉത്തരാഖണ്ഡ്), പ്രഫ. മീനാംബാൾ (ബംഗളൂരു) തുടങ്ങിയവർ പങ്കെടുക്കും.
എം.എസ്. മേനോൻ അനുസ്മരണം
പ്രഫ. എം.എസ്. മേനോൻ അനുസ്മരണ പ്രഭാഷണം സംസ്കൃത പഠനവിഭാഗത്തിൽ നാളെ രാവിലെ 10.30ന് പ്രഫ. വി.കെ. വിജയൻ നിർവഹിക്കും. സർഗാത്മക രചന സംസ്കൃതത്തിൽ എന്നതാണ് വിഷയം.
പരീക്ഷ മാറ്റി
റഗുലർ/വിദൂരവിദ്യാഭ്യാസം (യൂണിഫൈഡ്) ആറാം സെമസ്റ്റർ ബികോം/ബികോം വൊക്കേഷണൽ/ബിബിഎ/ബിഎച്ച്എ/ബിടിഎച്ച്എം (സിയുസിബിസിഎസ്എസ്)/ബികോം ഓണേഴ്സ് (സിസിഎസ്എസ്) 17, 20, 21 തിയതികളിൽ നടത്താനിരുന്ന പരീക്ഷകൾ യഥാക്രമം 24, 27, 28 തിയതികളിലേക്ക് മാറ്റി. മറ്റ് പരീക്ഷകൾക്ക് മാറ്റമില്ല. ടൈംടേബിൾ വെബ്സൈറ്റിൽ.
ആറാം സെമസ്റ്റർ (എസ്ഡിഇ) ബികോം/ബിബിഎ ഹാൾടിക്കറ്റ്
വിദൂരവിദ്യാഭ്യാസം ആറാം സെമസ്റ്റർ ബികോം/ബിബിഎ (സിയുസിബിസിഎസ്എസ്) പരീക്ഷകളുടെ ഹാൾടിക്കറ്റുകൾ വെബ്സൈറ്റിൽ ലഭ്യമാണ്.
പരീക്ഷാ അപേക്ഷ
എട്ടാം സെമസ്റ്റർ ബിടെക്/പാർട്ട് ടൈം ബിടെക് (2009 സ്കീം) സപ്ലിമെന്ററി പരീക്ഷക്ക് പിഴകൂടാതെ 18 വരെയും 150 രൂപ പിഴയോടെ 21 വരെയും അപേക്ഷിക്കാം.
പുനർമൂല്യനിർണയ ഫലം
നാലാം സെമസ്റ്റർ ബികോം/ബിബിഎ (സിസിഎസ്എസ്) ഏപ്രിൽ 2016 സപ്ലിമെന്ററി/ഇംപ്രൂവ്മെന്റ് പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ ലഭ്യമാണ്.
പരീക്ഷാഫലം
2016 മേയിൽ നടത്തിയ എംഎ അറബിക് ഒന്ന്, രണ്ട് സെമസ്റ്റർ (വിദൂരവിദ്യാഭ്യാസം)/പ്രീവിയസ് റഗുലർ/സപ്ലിമെന്ററി/ഇംപ്രൂവ്മെന്റ് (നോണ് സെമസ്റ്റർ) പരീക്ഷാഫലം വെബ്സൈറ്റിൽ ലഭ്യമാണ്. പുനർമൂല്യനിർണയത്തിന് 31 വരെ ഓണ്ലൈനിൽ അപേക്ഷിക്കാം.
2016 ജൂണിൽ നടത്തിയ രണ്ടാം സെമസ്റ്റർ എംഎസ്സി സുവോളജി (സിയുസിഎസ്എസ്) പരീക്ഷാഫലം വെബ്സൈറ്റിൽ ലഭ്യമാണ്. പുനർമൂല്യനിർണയത്തിന് 28 വരെ ഓണ്ലൈനിൽ അപേക്ഷിക്കാം.
ബിഎഎംഎസ് സപ്ലിമെന്ററി പരീക്ഷാഫലം
തേഡ് പ്രഫഷണൽ ബിഎഎംഎസ് സപ്ലിമെന്ററി (ഓഗസ്റ്റ് 2016) പരീക്ഷാഫലം വെബ്സൈറ്റിൽ ലഭ്യമാണ്. മാർക്ക് ലിസ്റ്റുകൾ 17 മുതൽ അതത് കേന്ദ്രങ്ങളിൽ വിതരണം ചെയ്യും. പുനർമൂല്യനിർണയത്തിന് 24 വരെ അപേക്ഷിക്കാം.