മൂല്യനിർണയം: അധ്യാപകർ ഹാജരാകണം
നവംബറിൽ നടത്തിയ അഞ്ചാം സെമസ്റ്റർ സിബിസിഎസ്എസ് ബിഎ/ബിഎസ്‌സി/ബികോം കരിയർ റിലേറ്റഡ് കോഴ്സുകളുടെ ഉത്തര കടലാസിന്‍റെ മൂല്യനിർണയം താഴെ പറയുന്ന തിയതികളിൽ നടത്തും. ഇന്ന് ബിഎ (ചീഫ് വാല്യുവേഷൻ), 16 ബിഎ (അഡീഷനൽ വാല്യുവേഷൻ), 17 ബിഎസ്‌സി/ബികോം/ കരിയർ റിലേറ്റഡ് (ചീഫ് വാല്യുവേഷൻ), 20 ബിഎസ്‌സി/ബികോം/ കരിയർ റിലേറ്റഡ് (അഡീഷനൽ വാല്യുവേഷൻ). മൂല്യനിർണയത്തിന് നിയോഗിക്കപ്പെട്ടിരിക്കുന്ന അധ്യാപകർ അതാത് ക്യാന്പുകളിൽ ഹാജരാകണം.
ബിഎസ്‌സി ഹോട്ടൽ മാനേജ്മെന്‍റ് ആൻഡ് കാറ്ററിംഗ് സയൻസ് പ്രാക്ടിക്കൽ
ജനുവരിയിൽ നടത്തിയ കരിയർ റിലേറ്റഡ് സിബിസിഎസ്എസ് ഒന്നാം സെമസ്റ്റർ ബിഎസ്‌സി ഹോട്ടൽ മാനേജ്മെന്‍റ് ആൻഡ് കാറ്ററിംഗ് സയൻസിന്‍റെ പ്രാക്ടിക്കൽ പരീക്ഷകൾ 14 മുതൽ അതാത് പരീക്ഷാകേന്ദ്രങ്ങളിൽ നടക്കും. വിശദവിവരങ്ങൾ സർവകലാശാല വെബ്സൈറ്റിൽ ലഭിക്കും.
എൽഎൽഎം പരീക്ഷ
27ന് ആരംഭിക്കുന്ന മൂന്നാം സെമസ്റ്റർ എൽഎൽഎം പരീക്ഷകൾക്ക് 17വരെ (50 രൂപ പിഴയോടെ മാർച്ച് 20, 250 രൂപ പിഴയോടെ മാർച്ച് 21) ഫീസടച്ച് അപേക്ഷിക്കാം.
എംഫിൽ സ്കോളർഷിപ്പിന് അപേക്ഷ ക്ഷണിച്ചു
201617 വർഷത്തെ എംഫിൽ വിദ്യാർഥികൾക്കുള്ള യൂണിവേഴ്സിറ്റി സ്കോളർഷിപ്പിനുള്ള അപേക്ഷ ക്ഷണിച്ചു. സർവകലാശാലയുടെ വിവിധ ഡിപ്പാർട്ട്മെന്‍റുകളിലും അഫിലിയേറ്റഡ് കോളജുകളിലും 201617 വർഷം എംഫിൽ കോഴ്സിന് പഠിക്കുന്ന വിദ്യാർഥികൾക്ക് അപേക്ഷിക്കാം. വാർഷികവരുമാനം 4200 0/ രൂപയിൽ കവിയാൻ പാടില്ല. കോളജ്/ഡിപ്പാർട്ട്മെന്‍റ് മേധാവി വഴി നിശ്ചിത ഫോമിലുള്ള അപേക്ഷ ലഭിക്കേണ്ട അവസാന തീയതി 31. വിശദവിവരങ്ങൾ സർവകലാശാല വെബ്സൈറ്റിൽ ലഭിക്കും.
എംബിഎ പരീക്ഷ
ഒന്നാം സെമസ്റ്റർ എംബിഎ 2014 സ്കീം (ഫുൾ ടൈം/ഈവനിംഗ്/യുഐഎം/ടി & ടി) റെഗുലർ ആൻഡ് സപ്ലിമെന്‍ററി പരീക്ഷകൾ 22നും ഒന്നാം സെമസ്റ്റർ എംബിഎ 2009 സ്കീം (ഫുൾ ടൈം/പാർട്ട് ടൈം/ യുഐഎം) സപ്ലിമെന്‍ററി പരീക്ഷകൾ 29നും ആരംഭിക്കും.
ടൈംടേബിൾ സർവകലാശാല വെബ്സൈറ്റിൽ ലഭിക്കും.