മൂന്നാം സെമസ്റ്റർ എംഎസ്സി കംപ്യൂട്ടർ സയൻസ് ഫലം പ്രസിദ്ധീകരിച്ചു
2015 ഒക്ടോബറിലെ മൂന്നാം സെമസ്റ്റർ എംഎസ്സി കംപ്യൂട്ടർ സയൻസ് (നോണ് സിഎസ്എസ് സപ്ലിമെന്ററി) മേഴ്സി ചാൻസ് പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷ 27 വരെ സ്വീകരിക്കും.
മണിമലക്കുന്ന് ടിഎംജഐംജി കോളജിൽ 2016 ഏപ്രിലിൽ നടത്തിയ നാലാം സെമസ്റ്റർ ബിഎസ്സി ഫിസിക്സ് (2014 അഡ്മിഷൻ റെഗുലർ) മോഡൽ ഒന്ന് ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷ 30 വരെ സ്വീകരിക്കും.
2016 നവംബറിലെ അവസാന സെമസ്റ്റർ മാസ്റ്റർ ഓഫ് അപ്ലൈഡ് സയൻസ് ഇൻ ബയോമെഡിക്കൽ ഇൻസ്ട്രുമെന്റേഷൻ ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. ഗാന്ധിനഗർ സ്കൂൾ ഓഫ് മെഡിക്കൽ എഡ്യൂക്കേഷനിലെ എ. മൂഹമ്മദ് റാഫി (3262/4000), ടി. നിസാമുദീൻ (3205/4000), മോനിഷ പ്രശാന്ത് (3140/4000) എന്നിവർ യഥാക്രമം ഒന്നും രണ്ടും മൂന്നും റാങ്കുകൾ നേടി. സൂക്ഷ്മ പരിശോധനയ്ക്കുള്ള അപേക്ഷ 29 വരെ സ്വീകരിക്കും.
പ്രാക്ടിക്കൽ ആൻഡ് വൈവാവോസി
2017 ഫെബ്രുവരിയിലെ ബിഎസ്സി ഇലക്ട്രോണിക്സ് (ഒന്നു മുതൽ ആറു വരെ സെമസ്റ്റർ 2000 മുതൽ 2008 വരെയുള്ള അഡ്മിഷൻ മേഴ്സി ചാൻസ്) ഡിഗ്രി പരീക്ഷയുടെ പ്രാക്ടിക്കൽ, വൈവാവോസി 22നു ഇടപ്പള്ളി യൂണിവേഴ്സിറ്റി കോളജ് ഓഫ് അപ്ലൈഡ് സയൻസിൽ നടത്തും. വിശദവിവരം വെബ്സൈറ്റിൽ.
2017 ഫെബ്രുവരിയിലെ ഒന്നാം സെമസ്റ്റർ എംഎസ്സി ബോട്ടണി ഡിഗ്രി പരീക്ഷയുടെ പ്രാക്ടിക്കൽ 23 മുതൽ അതതു കോളജുകളിൽ നടത്തും. വിശദവിവരം സർവകലാശാലാ വെബ് സൈറ്റിൽ. ഇതോടനുബന്ധിച്ച എക്സാമിനേഴ്സിന്റെ യോഗം 21ന് രാവിലെ 11നു സിൽവർ ജൂബിലി പരീക്ഷാ ഭവന്റെ 201ാം റൂമിൽ നടത്തും.
ഹയർ എഡ്യൂക്കേഷൻ സർവേ
എഐഎസ്എച്ച്ഇ സർവേ പൂർത്തികരിക്കാത്ത അഫിലിയേറ്റഡ് കോളജുകൾ 20നു മുൻപായി www.aishe.gov.in എന്ന വെബ്സൈറ്റിൽ ഡാറ്റാ അപ്ലോഡ് ചെയ്യണം. ഫോണ്: 9447 101 530.