മാറ്റ്: ഏപ്രിൽ 28നകം അപേക്ഷിക്കണം
ഇന്ത്യയിലുള്ള 300ൽപ്പരം ബിസിനസ് സ്കൂളുകളിൽ പ്രവേശനത്തിനു പരിഗണിക്കുന്ന മാനേജ്മെന്റ് ആപ്റ്റിറ്റ്യൂഡ് ടെസ്റ്റി (മാറ്റ്)ന് ഓണ്ലൈനായി ഏപ്രിൽ 28നകം അപേക്ഷിക്കണം. ബിരുദധാരികൾക്കും അവസാന വർഷ വിദ്യാർഥികൾക്കും അപേക്ഷിക്കാം. ഓൾ ഇന്ത്യാ മാനേജ്മെന്റ് അസോസിയേഷനാണു മാറ്റ് നടത്തുന്നത്.
കംപ്യൂട്ടർ ബേസ്ഡ് ടെസ്റ്റും പേപ്പർ ബേസ്ഡ് ടെസ്റ്റും ഉണ്ട്. പരീക്ഷാർഥിക്കു സൗകര്യാർഥം ഏതുവേണമെങ്കിലും തെരഞ്ഞെടുക്കാം. മേയ് ഏഴിനു രാവിലെ 10 മുതൽ 12.30 വരെയാണു പേപ്പർ ബേസ്ഡ് ടെസ്റ്റ് നടത്തുക. മേയ് 13 മുതലാണു കംപ്യൂർ ബേസ്ഡ് ടെസ്റ്റ്.
വിവിധ കേന്ദ്രങ്ങളിൽ വ്യത്യസ്ത സമയങ്ങളിലാവും ടെസ്റ്റ് നടത്തുക. കോഴിക്കോട്, കൊച്ചി, കോട്ടയം, തിരുവനന്തപുരം എന്നിവയാണു കേരളത്തിലെ പരീക്ഷാ കേന്ദ്രങ്ങൾ. ഇതിൽ കൊച്ചിയിൽ മാത്രമാണു പേപ്പർ ബേസ്ഡ് ടെസ്റ്റിനും കംപ്യൂട്ടർ ബേസ്ഡ് ടെസ്റ്റിനും സൗകര്യമുള്ളത്. മറ്റു സെന്ററുകളിൽ പേപ്പർ ബേസ്ഡ് ടെസ്റ്റ് മാത്രം.
എഐഎംഎയുടെ ന്യൂഡൽഹിയിലുള്ള ഓഫീസിൽനിന്നു 1,400 രൂപ നല്കി നേരിട്ടോ അല്ലെങ്കിൽ ഓൾ ഇന്ത്യ മാനേജ്മെന്റ് അസോസിയേഷന്റെ പേരിൽ ഏതെങ്കിലും ബാങ്കിൽ നിന്നു ഡൽഹിയിൽ മാറാവുന്ന 1,400 രൂപയുടെ ഡിഡി സഹിതം ഓണ്ലൈൻ രജിസ്റ്റർ ചെയ്ത് അപേക്ഷിക്കാം. വെബ്സൈറ്റ് സന്ദർശിച്ചു ക്രെഡിറ്റ് കാർഡ് വഴി ഫീസ് നല്കി ഓണ്ലൈനായി രജിസ്റ്റർ ചെയ്യാം.
മാറ്റ് വഴി അപേക്ഷിക്കാവുന്ന മാനേജ്മെന്റ് സ്ഥാപനങ്ങൾ ഏതൊക്കെ എന്ന് അറിയാനും മാറ്റ് ബുള്ളറ്റിൻ ലഭ്യമായ തെരഞ്ഞെടുക്കപ്പെട്ട ബാങ്കുകൾ ഏതെന്ന് അറിയാനും വെബ്സൈറ്റ് സന്ദർശിക്കുക.
വിലാസം: ഓൾ ഇന്ത്യ മാനേജ്മെന്റ് അസോസിയേഷൻ, മാനേജ്മെന്റ് ഹൗസ്, 14 ഇൻസ്റ്റിറ്റ്യൂഷണൽ ഏരിയ, ലോധി റോഡ്, ന്യൂ ഡൽഹി 110003. മാതൃകാ ചോദ്യപ്പേപ്പറും സിലബസും വെബ്സൈറ്റിലുണ്ട്. കൂടാതെ മോക് ടെസ്റ്റിനുള്ള സൗകര്യവും വെബ്സൈറ്റിൽ ലഭ്യമാണ്. www.ai mai nd.org. ഫോണ്: 011476730 37/47673026/24638896.