ഒന്നാം വർഷ അഫ്സൽ-ഉൽ-ഉലമ പ്രിലിമിനറി പരീക്ഷകൾ
കണ്ണൂർ സർവകലാശാലയുടെ ഒന്നാം വർഷ അഫ്സൽഉൽഉലമ പ്രിലിമിനറി (റഗുലർ വിദൂര വിദ്യാഭ്യാസം ഉൾപ്പെടെ 2016 അഡ്മിഷൻ മാത്രം ഏപ്രിൽ 2017) പരീക്ഷകൾ മേയ് മൂന്നിന് ആരംഭിക്കും. ഓണ്‍ലൈൻ അപേക്ഷകൾ പിഴ കൂടാതെ ഈമാസം 23 മുതൽ 30 വരെയും 150 രൂപ പിഴയോടെ ഏപ്രിൽ മൂന്നു വരെയും സ്വീകരിക്കും. അപേക്ഷയുടെ പ്രിന്റൗട്ടിനോടൊപ്പം എപിസി, ചലാൻ എന്നിവ ഏപ്രിൽ ആറിനകം സർവകലാശാലയിൽ എത്തിക്കണം. ഫീസ് ഇപ്രകാരമാണ്: തിയറി റഗുലർ 50 രൂപ പേപ്പറൊന്നിന്, മാർക്ക് ലിസ്റ്റ് 60, സെന്‍റർ ഫീസ് 25, സി.വി. ക്യാന്പ് 150, ആപ്ലിക്കേഷൻ ഫോം 40 രൂപ.
എംഎസ് സി ഇലക്ട്രോണിക്സ് ഹാൾടിക്കറ്റുകൾ
24ന് ആരംഭിക്കുന്ന ഒന്നാം സെമസ്റ്റർ എംഎസ് സി ഇലക്ട്രോണിക്സ് (നവംബർ 2016) പരീക്ഷയുടെ ഹാൾടിക്കറ്റുകൾ സർവകലാശാലയുടെ വെബ്സൈറ്റിൽ ലഭ്യമാണ്.
ബിടെക് പ്രായോഗിക പരീക്ഷ പുനഃക്രമീകരിച്ചു
23ന് നടത്താൻ നിശ്ചയിച്ചിരുന്ന ആറാം സെമസ്റ്റർ ബിടെക് ഇലക്ട്രിക്കൽ ആൻഡ് ഇലക്ട്രോണിക്സ് എൻജിനിയറിംഗ് വിഭാഗം പ്രായോഗിക പരീക്ഷകൾ 27ന് അതത് കേന്ദ്രങ്ങളിൽ നടത്തുന്ന വിധത്തിൽ പുനഃക്രമീകരിച്ചു. 24ന് നടക്കേണ്ട പ്രായോഗിക പരീക്ഷകൾ മുൻനിശ്ചയിച്ച പ്രകാരം തന്നെ നടക്കും.
മൂന്നാം സെമസ്റ്റർ ബിടെക് പരീക്ഷാഫലം
മൂന്നാം സെമസ്റ്റർ ബിടെക് (സപ്ലിമെന്‍ററി/ഇംപ്രൂവ്മെന്‍റ് ഒക്ടോബർ 2016) ഡിഗ്രി പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനഃപരിശോധന/സൂക്ഷ്മപരിശോധന/ഫോട്ടോകോപ്പി എന്നിവയ്ക്കുള്ള അപേക്ഷകൾ വെബ്സൈറ്റിൽനിന്നും ഡൗണ്ലോഡ് ചെയ്ത് മാർക്ക് ലിസ്റ്റിന്‍റെ സ്വയം സാക്ഷ്യപ്പെടുത്തിയ പകർപ്പിനൊപ്പം 31ന് മുന്പായി സർവകലാശാലയിൽ സമർപ്പിക്കണം.
മാറ്റിവച്ച പിജി പരീക്ഷകൾ 28ന്
നേരത്തെ മാറ്റിവച്ച ഒന്നാം സെമസ്റ്റർ എംഎ ഇംഗ്ലീഷ് (സപ്ലിമെന്‍ററി, നവംബർ 20162014 അഡ്മിഷൻ) പേപ്പർ ENG1E01 ആഫ്രിക്കൻ ലിറ്ററേച്ചർ, ENG1 E03 യൂറോപ്യൻ ഫിക്ഷൻ, ഒന്നാം സെമസ്റ്റർ എംഎ ഇക്കണോമിക്സ് (സപ്ലിമെന്‍ററി, നവംബർ 2016, 2013ഉം അതിനു മുന്പുമുള്ള അഡ്മിഷൻ) പേപ്പർ മൈക്രോ ഇക്കണോമിക്സ് പാർട്ട് രണ്ട്, ഒന്നാം സെമസ്റ്റർ എംഎസ് സി കെമിസ്ട്രി (സപ്ലിമെന്‍ററി, നവംബർ 2016 2013ഉം അതിനു മുന്പുമുള്ള അഡ്മിഷൻ) പേപ്പർ നാല് ഫിസിക്കൽ കെമിസ്ട്രി ഒന്ന് പരീക്ഷകൾ 28ന് നടക്കും. പരീക്ഷാകേന്ദ്രത്തിനും സമയത്തിലും മാറ്റമില്ല.
ആറാം സെമസ്റ്റർ ഡിഗ്രി പരീക്ഷകൾ പുനഃക്രമീകരിച്ചു
ആറാം സെമസ്റ്റർ ഡിഗ്രി പരീക്ഷകൾ ഏപ്രിൽ 10ന് ആരംഭിക്കുന്ന രീതിയിൽ പുനഃക്രമീകരിച്ചു. അപേക്ഷകൾ ഈമാസം 23 വരെ പിഴ കൂടാതെ സമർപ്പിക്കാം. പിഴയോടുകൂടി അപേക്ഷിക്കാൻ അവസരം ഉണ്ടായിരിക്കുന്നതല്ല. അപേക്ഷകൾ എപിസി, ചലാൻ സഹിതം 27 നകം സർവകലാശാലയിൽ സമർപ്പിക്കണം.
ഫീസ് നിരക്ക് ഇപ്രകാരമാണ്: തിയറി (ബിഎസ് സി എഫ്എഡിടി), ബിഎസ് സി ഇലക്ട്രോണിക്സ് ആൻഡ് കംപ്യൂട്ടർ സയൻസസ് ഉൾപ്പെടെ), റഗുലർ 50 രൂപ പേപ്പറൊന്നിന് (ബിസിഎ 80), സപ്ലിമെന്‍ററി (ബിഎസ് സി എഫ്എഡിടി) ബിഎസ്സി ഇലക്ട്രോണിക്സ് ആൻഡ് കംപ്യൂട്ടർ സയൻസസ് ഉൾപ്പെടെ) 80, (ബിസിഎ 110).
പ്രാക്ടിക്കൽ 60, ബിഎസ് സി എഫ്എഡിടി 110, ബിഎസ്സി ഇലക്ട്രോണിക്സ് ആൻഡ് കംപ്യൂട്ടർ സയൻസസ് 90, ബിസിഎ 160), സപ്ലിമെന്‍ററി 80, (ബിഎസ് സി എഫ്എഡിടി 110, ബിഎസ് സി ഇലക്ട്രോണിക്സ് ആൻഡ് കംപ്യൂട്ടർ സയൻസസ് 130, ബിസിഎ 160, ഡിസർട്ടേഷൻ/പ്രോജക്ട് 50, (ബിഎസ് സി ഇലക്ട്രോണിക്സ് ആൻഡ് കംപ്യൂട്ടർ സയൻസസ് 110), വൈവ 90, ആപ്ലിക്കേഷൻ ഫോം 40, ക്യാന്പ് ഫീസ് 150, മാർക്ക് ലിസ്റ്റ് 60 രൂപ, പ്രൊവിഷണൽ സർട്ടിഫിക്കറ്റ് 120 രൂപ, കണ്സോളിഡേറ്റഡ് മാർക്ക് ലിസ്റ്റ് 200 രൂപ.
രണ്ടാംവർഷ ഡിഗ്രി (വിദൂര വിദ്യഭ്യാസം) അപേക്ഷാ തീയതി നീട്ടി
ഏപ്രിൽ 26ന് ആരംഭിക്കുന്ന രണ്ടാം വർഷ (വിദൂര വിദ്യഭ്യാസം 2011 അഡ്മിഷൻ മുതൽ റഗുലർ/സപ്ലിമെന്‍ററി/ഇംപ്രൂവ്മെന്‍റ് ഏപ്രിൽ 2017) ഡിഗ്രി പരീക്ഷയുടെ അപേക്ഷാ തീയതി 150 രൂപ പിഴയോടെ ഈമാസം 25 വരെ ഓണ്‍ലൈൻ വഴി സമർപ്പിക്കാം. അപേക്ഷയുടെ പ്രിന്‍റൗട്ട് (ചലാൻ ഉൾപ്പെടെ) 27നകം സർവകലാശാലയിൽ എത്തിക്കണം.