തുടർ വിദ്യാഭ്യാസ വ്യാപന കേന്ദ്രം നടത്തുന്ന സർട്ടിഫിക്കറ്റ് ഇൻ സോഫ്റ്റ്സ്കിൽസ് ആൻഡ് പേഴ്സണാലിറ്റി ഡവലപ്മെന്റ് കോഴ്സിന് ഏതാനും സീറ്റുകൾ ഒഴിവുണ്ട്. ഫീസ് 6000 രൂപ. കോഴ്സ് ദൈർഘ്യം നൂറു മണിക്കൂർ. യോഗ്യത പ്ലസ്ടു/ പ്രീഡിഗ്രി. അപേക്ഷാഫീസ് 100 രൂപ. ക്ലാസുകൾ ശനി, ഞായർ ദിവസങ്ങളിൽ മാത്രം. അവസാന തീയതി 31. ഫോണ് : 04712302523
തീയതി നീട്ടി
തുടർ വിദ്യാഭ്യാസ വ്യാപന കേന്ദ്രം നടത്തുന്ന സർട്ടിഫിക്കറ്റ് ഇൻ യോഗ ആൻഡ് മെഡിറ്റേഷൻ കോഴ്സിന് അപേക്ഷിക്കാനുള്ള തീയതി നീട്ടി. യോഗ്യത : പ്രീഡിഗ്രി/ പ്ലസ്ടു ജയം. ഫീസ് 6000 രൂപ. അപേക്ഷ ഫീസ് 100 രൂപ. ക്ലാസുകൾ തിങ്കൾ മുതൽ വെള്ളി വരെ വൈകുന്നേരം അഞ്ച് മുതൽ ഏഴുവരെ. അവസാന തീയതി 31. വിശദ വിവരങ്ങൾക്ക് തിരുവനന്തപുരം പിഎംജി ജംഗ്ഷനിലുള്ള തുടർ വിദ്യാഭ്യാസ വ്യാപന കേന്ദ്രവുമായി ബന്ധപ്പെടുക ഫോണ് : 04712302523.
പ്രോജക്ട്/ഡിസർട്ടേഷൻ സമർപ്പിക്കണം
അഫിലിയേറ്റഡ് കോളജുകളിലെ ആറാം സെമസ്റ്റർ ഫസ്റ്റ് ഡിഗ്രി പ്രോഗ്രാമുകളുടെ പ്രോജക്ട്/ഡിസർട്ടേഷൻ അതാത് കോളജ് ഡിപ്പാർട്ട്മെന്റുകളിൽ വിദ്യാർഥികൾ 28നകം സമർപ്പിക്കണം.
എംഎ ഇംഗ്ലീഷ് മാർക്ക് ലിസ്റ്റുകൾ
വിദൂരവിദ്യാഭ്യാസ വിഭാഗം 2016 ജൂലൈ/ഓഗസ്റ്റ് മാസങ്ങളിൽ നടത്തിയ എംഎ ഇംഗ്ലീഷ് പ്രീവിയസ്, ഫൈനൽ (റെഗുലർ/റീഅപ്പിയറൻസ്) പരീക്ഷയുടെ മാർക്ക് ലിസ്റ്റുകൾ 23, 24 തീയതികളിൽ എസ്ഡിഇ പാളയം ഓഫീസിൽ നിന്ന് ഹാൾടിക്കറ്റും ഡിഗ്രി കോപ്പിയും സഹിതം വന്ന് കൈപ്പറ്റണം. പുനർമൂല്യനിർണയത്തിനുള്ള അവസാന തീയതി 25.
ബിബിഎ ഇന്റേണൽ മാർക്ക്
വിദൂരവിദ്യാഭ്യാസ കേന്ദ്രം നടത്തിയ നാലാം സെമസ്റ്റർ ബിബിഎ (2014 ബാച്ച്) ഇന്റേണൽ മാർക്ക് പ്രസിദ്ധീകരിച്ചു. പരാതിയുള്ളവർ ഏഴ് ദിവസത്തിനകം കോർഡിനേറ്ററെ അറിയിക്കണം.ഫോണ് : 04712300137
ബിഎ പരീക്ഷ
ഏപ്രിൽ മൂന്നിന് ആരംഭിക്കുന്ന ബിഎ (ആന്വൽ സ്കീം) (അഫ്സൽഉൽഉലമ ഉൾപ്പെടെ) പരീക്ഷകൾ രാവിലെ 9.30 മുതൽ 12.30 വരെ നടത്തും.
ബിഎസ്സി ഫലം
2016 ഓഗസ്റ്റിൽ നടത്തിയ ഒന്നാം സെമസ്റ്റർ ബിഎസ്സി സിബിസിഎസ് (2010, 2011 ആൻഡ് 2012 സ്കീം സപ്ലിമെന്ററി 2013 അഡ്മിഷന് മുന്പുള്ളത്) പരീക്ഷാഫലം വെബ്സൈറ്റിൽ ലഭിക്കും. സൂക്ഷ്മപരിശോധനയ്ക്കും പുനർമൂല്യനിർണയത്തിനും ഓണ്ലൈനായി ഏപ്രിൽ 12 വരെ അപേക്ഷിക്കാം. മാർക്ക് ലിസ്റ്റുകൾ അതാത് കേന്ദ്രങ്ങളിലേക്ക് അയക്കും. വെബ്സൈറ്റിൽ ലഭിക്കുന്ന കരട് മാർക്ക് ലിസ്റ്റുകൾ പുനർമൂല്യനിർണയത്തിന് അപേക്ഷിക്കാൻ ഉപയോഗിക്കാം. വിശദവിവരങ്ങൾ വെബ്സൈറ്റിൽ ലഭിക്കും.