ബിഎ (പിഒ.ടി) ഡിഗ്രിക്ക് അപേക്ഷിക്കാം
വിവിധ ഓറിയന്റൽ ടൈറ്റിൽ പരീക്ഷകൾ പാസായവർക്ക് കാലിക്കട്ട് സർവകലാശാലയിൽ പ്രൈവറ്റ് രജിസ്ട്രേഷൻ മുഖേന ബിഎ (പിഒ.ടി) ഡിഗ്രിക്ക് 25 വരെ ഓണ്ലൈനായി അപേക്ഷിക്കാം. പ്രിന്റൗട്ട്, അനുബന്ധ രേഖകൾ സഹിതം 27ന് അഞ്ച് മണിക്കകം വിദൂരവിദ്യാഭ്യാസ വിഭാഗത്തിൽ ലഭിക്കണം. അപേക്ഷാ ഫീ: 1500 രൂപ. വിവരങ്ങൾ വെബ്സൈറ്റിൽ.
പരീക്ഷാ അപേക്ഷ: തിയതി നീട്ടി
പ്രൈവറ്റ് രജിസ്ട്രേഷൻ മോഡിലുള്ള ഒന്നാം സെമസ്റ്റർ ബിഎ/ബിഎസ്സി/ബികോം/ബിബിഎ/ബിഎ അഫ്സൽഉൽഉലമ (സിയുസിബിസി.എസ്എസ്) റഗുലർ പരീക്ഷക്ക് ആയിരം രൂപ സൂപ്പർ ഫൈനോടെ അപേക്ഷിക്കാനുള്ള തിയതി 31 വരെ നീട്ടി.
വിദൂരവിദ്യാഭ്യാസം മൂന്നാം സെമസ്റ്റർ ബിഎ/ബിഎസ്സി മാത്സ്/ബിഎസ്സി കൗണ്സലിംഗ് സൈക്കോളജി/ബികോം/ബിബിഎ/ബിഎം.എംസി/ബിഎ അഫ്സൽഉൽഉലമ (സിസിഎസ്എസ്) സപ്ലിമെന്ററി/ഇംപ്രൂവ്മെന്റ് പരീക്ഷക്ക് ആയിരം രൂപ സൂപ്പർ ഫൈനോടെ അപേക്ഷിക്കാനുള്ള തിയതി 31 വരെ നീട്ടി.
ബിടെക് പ്രൊഡക്ഷൻ എൻജിനിയറിംഗ് പുനഃപരീക്ഷ
തൃശൂർ ഗവണ്മെന്റ് എൻജിനിയറിംഗ് കോളജ്, തൃശൂർ വിദ്യാ അക്കാഡമി ഓഫ് സയൻസ് ആൻഡ് ടെക്നോളജി എന്നിവിടങ്ങളിൽ 2016 ഡിസംബർ 16ന് നടത്തിയ അഞ്ചാം സെമസ്റ്റർ ബിടെക് (2014 സ്കീം) പ്രൊഡക്ഷൻ എൻജിനിയറിംഗ് പേപ്പർ പി.ഇ 14 501എൻജിനിയറിംഗ് ഇക്കണോമിക്സ് ആൻഡ് പ്രിൻസിപ്പിൾസ് ഓഫ് മാനേജ്മെന്റ് റഗുലർ പരീക്ഷ റദ്ദ് ചെയ്തു. പുനഃപരീക്ഷ 29ന് ഉച്ചയ്ക്ക് 1.30ന് അതത് കേന്ദ്രങ്ങളിൽ നടക്കും.
പരീക്ഷാ അപേക്ഷ
ബിവോക് (2014 പ്രവേശനം) അഞ്ചാം സെമസ്റ്റർ (നവംബർ 2016), ആറാം സെമസ്റ്റർ (ഏപ്രിൽ 2017) റഗുലർ പരീക്ഷകൾക്ക് 25 മുതൽ 31 വരെ ഓണ്ലൈനിൽ അപേക്ഷിക്കാം.
ഒന്നാം സെമസ്റ്റർ എംടിഎച്ച്എം റഗുലർ പരീക്ഷക്ക് പിഴകൂടാതെ 30 വരെയും 150 രൂപ പിഴയോടെ ഏപ്രിൽ മൂന്ന് വരെയും ഓണ്ലൈനിൽ അപേക്ഷിക്കാം.
പരീക്ഷാഫലം
2016 ജൂണിൽ നടത്തിയ രണ്ടാം സെമസ്റ്റർ എംഎസ്സി സ്റ്റാറ്റിസ്റ്റിക്സ്, എംഎസ്സി അക്വാകൾച്ചർ ആൻഡ് ഫിഷറി മൈക്രോബയോളജി (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് എംഎസ്സി സ്റ്റാറ്റിസ്റ്റിക്സിന് ഏപ്രിൽ രണ്ട് വരെയും അക്വാകൾച്ചറിന് ഏപ്രിൽ ഏഴ് വരെയും ഓണ്ലൈനിൽ അപേക്ഷിക്കാം.
അവസാന വർഷ പാർട്ട് ഒന്ന് ബാച്ച്ലർ ഓഫ് ഡെന്റൽ സർജറി (സെപ്റ്റംബർ 2016) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ഏപ്രിൽ നാല് വരെ ഓണ്ലൈനിൽ അപേക്ഷിക്കാം.
എംഎസ്സി പാരാമെഡിക്കൽ പ്രാക്ടിക്കൽ പരീക്ഷ
സെക്കൻഡ് എംഎസ്സി മെഡിക്കൽ മൈക്രോബയോളജി, മെഡിക്കൽ ബയോകെമിസ്ട്രി, മെഡിക്കൽ ലബോറട്ടറി ടെക്നോളജി പ്രാക്ടിക്കൽ പരീക്ഷാ ഷെഡ്യൂൾ വെബ്സൈറ്റിൽ.