കണ്ണൂർ സർവകലാശാല വിദൂര വിദ്യാഭ്യാസ വിഭാഗം ഒന്നാംവർഷ ബിരുദ കോഴ്സുകളുടെ കോൺടാക്ട് ക്ലാസുകൾ 29, 30, ഏപ്രിൽ നാല്, അഞ്ച് തീയതികളിൽ താവക്കര കാന്പസിൽ രാവിലെ 10 മുതൽ വൈകുന്നേരം നാലുവരെ നടക്കും.
നാഷണൽ സർവീസ് സ്കീം അവാർഡിന് അപേക്ഷിക്കാം
നാഷണൽ സർവീസ് സ്കീം 201617 വർഷത്തെ മികച്ച പ്രവർത്തനത്തിനുള്ള അവാർഡിനുള്ള അപേക്ഷ ക്ഷണിച്ചു. സർവകലാശാലതല അവാർഡ് ലഭിക്കുന്ന പ്രപ്പോസലുകൾ സംസ്ഥാന അവാർഡിനും ഇന്ദിരാഗാന്ധി ദേശീയ അവാർഡിനും പരിഗണിക്കുന്നതിന് സമർപ്പിക്കും. അതിനാൽ എൻഎസ്എസ് റീജണൽ ഡയറക്ടർ ഇന്ദിരാഗാന്ധി ദേശീയ അവാർഡിനു ബാധകമായി അയച്ചുതന്ന മാർഗനിർദേശങ്ങൾ കൃത്യമായും പാലിച്ചുകൊണ്ട് അപേക്ഷകൾ സമർപ്പിക്കണം. പ്രോഗ്രാം ഓഫീസർ ആൻഡ് യൂണിറ്റ്, വോളണ്ടിയർ ആൺ/പെൺ എന്നീ ഇനങ്ങളിൽ പ്രത്യേകം അപേക്ഷിക്കണം. അപേക്ഷാഫോമും മാർഗനിർദേശങ്ങളും പ്രോഗ്രാം ഓഫീസർമാർക്ക് ഇമെയിൽ സന്ദേശമായി അയച്ചിട്ടുണ്ട്. അപേക്ഷകൾ 31ന് ഉച്ചകഴിഞ്ഞ് മൂന്നിന് മുന്പ് എൻഎസ്എസ് പ്രോഗ്രാം കോഓർഡിനേറ്റർക്ക് സമർപ്പിക്കണം.
ബിഎസ് സി മാത് സ് (ഓണേഴ്സ്) പരീക്ഷകൾ പുന:ക്രമീകരിച്ചു
നാളെ ആരംഭിക്കാനിരിക്കുന്ന ആറാം സെമസ്റ്റർ ബിഎസ് സി മാത്തമാറ്റിക്സ് (ഓണേഴ്സ്) (റഗുലർ/സപ്ലിമെന്ററിമേയ് 2017) ഡിഗ്രി പരീക്ഷകൾ ഏപ്രിൽ 10 ന് ആരംഭിക്കുന്ന രീതിയിൽ പുനഃക്രമീകരിച്ചു. വിശദമായ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്.