അഗ്രിക്കൾച്ചറൽ റിസർച്ച് സർവീസ്, നെറ്റ് പരീക്ഷയ്ക്ക് അപേക്ഷിക്കാം
അഗ്രിക്കൾച്ചർ സയന്‍റിസ്റ്റ് റിക്രൂട്ട്മെന്‍റ് ബോർഡ് അഗ്രിക്കൾച്ചറൽ റിസർച്ച് സർവീസ് (എആർഎസ്) പ്രിലിമിനറി പരീക്ഷയും നാഷണൽ എലിജിബിലിറ്റി ടെസ്റ്റും (നെറ്റ്) മേയിൽ നടത്തും. 2016ലെ എആർഎസ് പരീക്ഷയാണ് നടത്തുന്നത്. പ്രിലിമിനറി പരീക്ഷ യോഗ്യതാ പരീക്ഷയാണ്. ഇതു പാസാകുന്നവർ മെയിൻ പരീക്ഷയും വാചാ പരീക്ഷയും കടന്നാൽ ഇന്ത്യൻ കൗണ്‍സിൽ ഓഫ് അഗ്രിക്കൾച്ചർ റിസർച്ചിന്‍റെ സ്ഥാപനങ്ങളിൽ ഗവേഷകരാകാം.
കാർഷിക സർവകലാശാലകളിൽ അധ്യാപനത്തിനുള്ള യോഗ്യതാ പരീക്ഷയാണ് നെറ്റ്. എആർഎസ്നെറ്റ് സംയുക്തമായി കംപ്യൂട്ടർ അധിഷ്ഠിത പരീക്ഷയായാണ് നടത്തുന്നത്.
ബന്ധപ്പെട്ട വിഷയത്തിൽ എംഎസ്‌സി പാസായവർക്കും ഓഗസ്റ്റ് എട്ടിനകം ഫലം പ്രതീക്ഷിക്കുന്നവർക്കും അപേക്ഷിക്കാം. പ്രായം 2017 ജനുവരി ഒന്നിന് 21നും 35നും മധ്യേ. നെറ്റിന് ഉയർന്ന പ്രായപരിധി ഇല്ല. എആർഎസ് പരീക്ഷ ഒരാൾക്ക് ആറു തവണ മാത്രമേ എഴുതാൻ കഴിയുകയുള്ളു. സംവരണ വിഭാഗങ്ങൾക്ക് ഇതു ബാധകമല്ല. നെറ്റ് എത്ര തവണ വേണമെങ്കിലും എഴുതാം. അപേക്ഷാ ഫീസ് നെറ്റിന് 1000 രൂപ. എആർഎസിന് 500 രൂപ. രണ്ടും കൂടി എഴുതുന്നവർ 1500 രൂപ നൽകണം. ഏപ്രിൽ 15നകം അപേക്ഷിക്കണം. ഓണ്‍ലൈനായി വേണം അപേക്ഷിക്കാൻ. കേരളത്തിൽ കൊച്ചിയിൽ മാത്രമാണു പരീക്ഷാകേന്ദ്രം.
150 മാർക്കിന്‍റെ രണ്ടു മണിക്കൂർ ദൈർഘ്യമുള്ളതാണ് എആർഎസ് പ്രിലിമിനറി.
വെബ്സൈറ്റ്: http:// www. asrb.org.in.