രണ്ടും നാലും സെമസ്റ്റർ ഡിഗ്രി (സിബിഎസ്എസ്) പരീക്ഷകൾ
കണ്ണൂർ സർവകലാശാലയുടെ രണ്ടും നാലും സെമസ്റ്റർ ബിഎ, ബിഎ അഫ്സൽഉൽഉലമ, ബിഎസ്സി/ബികോം, ബിടിടിഎം, ബിബിഎ, ബിബിഎടിടിഎം, ബിബിഎആർടിഎം, ബിസിഎ, ബിബിഎം, ബിഎസ്ഡബ്ല്യു ഡിഗ്രി(സിബിസിഎസ്എസ്റഗുലർ, സപ്ലിമെന്ററി, ഇംപ്രൂവ്മെന്റ് മേയ് 2017) പരീക്ഷകൾ യഥാക്രമം മേയ് ഒൻപത്, ഏപ്രിൽ 21 തീയതികളിൽ ആരംഭിക്കും. നാലാം സെമസ്റ്ററിന്റെ ഓണ്ലൈൻ രജിസ്ട്രേഷൻ പിഴ കൂടാതെ നാളെമുതൽ ഏപ്രിൽ നാലു വരെയും 150 രൂപ പിഴയോടെ ഏപ്രിൽ ആറു വരെയും സമർപ്പിക്കാം. രണ്ടാം സെമസ്റ്ററിന്റെ ഓണ്ലൈൻ രജിസ്ട്രേഷൻ പിഴകൂടാതെ ഏപ്രിൽ 10 മുതൽ 15 വരെയും 150 രൂപ പിഴയോടെ ഏപ്രിൽ 18 വരെയും സമർപ്പിക്കാം. രണ്ടും നാലും സെമസ്റ്റർ അപേക്ഷകളുടെ പ്രിന്റൗട്ട്, ചലാൻ, എപിസി. എന്നിവ യഥാക്രമം ഏപ്രിൽ 24, 11 തീയതികൾക്കകം സർവകലാശാലയിൽ എത്തിക്കണം. ഫീസ് നിരക്ക് ഇപ്രകാരമാണ്. അപേക്ഷാഫോറം ഫീസ് 40 രൂപ, തിയറി റഗുലർ 50 രൂപ പേപ്പറൊന്നിന് (ബിസിഎ 80), സപ്ലിമെന്ററി 80, (ബിസിഎ 110), പ്രാക്ടിക്കൽ 60 (ബിസിഎ റഗുലർ, സപ്ലിമെന്ററി 160 പേപ്പറൊന്നിന്), പ്രോജക്ട്, ഡിസർട്ടേഷൻ 70, വൈവ 110, മാർക്ക് ലിസ്റ്റ് 60, സിവി ക്യാന്പ് ഫീ 150 രൂപ.
ആറാം സെമസ്റ്റർ ബിടെക് പ്രായോഗിക പരീക്ഷ
ആറാം സെമസ്റ്റർ ബിടെക് (സപ്ലിമെന്ററി, ഇംപ്രൂവ്മെന്റ് ഡിസംബർ2016) ഡിഗ്രിയുടെ ഇലക്ട്രോണിക്സ് ആൻഡ് കമ്യണിക്കേഷൻ എൻജിനിയറിംഗ് വിഭാഗം പ്രായോഗിക പരീക്ഷകൾ 29, 30, ഏപ്രിൽ മൂന്ന്, നാല് തീയതികളിൽ വിവിധ കേന്ദ്രങ്ങളിലൂം അപ്ലൈഡ് ഇലക്ട്രോണിക്സ് ആൻഡ് ഇൻസ്ട്രുമെന്റേഷൻ എൻജിനിയറിംഗ് വിഭാഗം പ്രായോഗിക പരീക്ഷകൾ ഏപ്രിൽ മൂന്ന്, നാല് തീയതികളിലായിവിമൽ ജ്യോതി എൻജിനിയറിംഗ് കോളജിലും നടക്കും. പരീക്ഷയ്ക്ക് അപേക്ഷിച്ച വിദ്യാർഥികൾ അതത് പരീക്ഷാ കേന്ദ്രങ്ങളുമായി ബന്ധപ്പെടണം.
നാലാം സെമസ്റ്റർ എംബിഎ മാർക്ക് ലിസ്റ്റുകൾ
സെന്റർ ഫോർ മാനേജ്മെന്റ്, കാസർഗോഡ് സ്റ്റഡീസിലെ വിദ്യാർഥികളുടെ നാലാം സെമസ്റ്റർ എംബിഎ പരീക്ഷയുടെ (ജൂണ് 2016) മാർക്ക് ലിസ്റ്റുകൾ സർവകലാശാല (താവക്കര, കണ്ണൂർ) ആസ്ഥാനത്തെ എൻക്വയറി കൗണ്ടറിൽനിന്നും വിതരണം ചെയ്യും. പരീക്ഷയെഴുതിയ വിദ്യാദ്യാർഥികൾ ഹാൾടിക്കറ്റും ഐഡന്റിറ്റി കാർഡും സഹിതം ഹാജരായി മാർക്ക് ലിസ്റ്റുകൾ കൈപ്പറ്റണം.