ഇന്ന് നടത്താനിരുന്ന താഴെ കൊടുത്ത പരീക്ഷകൾ മാറ്റി. പുതുക്കിയ തിയതി ബ്രാക്കറ്റിൽ.
മൂന്നാം സെമസ്റ്റർ എംഎസ്സി ഫുഡ് സയൻസ് ആൻഡ് ടെക്നോളജി (ഏപ്രിൽ അഞ്ച്), കോളജ്/വിദൂരവിദ്യാഭ്യാസം ആറാം സെമസ്റ്റർ യുജി (സിയുസിബിസിഎസ്എസ്) (ഏപ്രിൽ 20), ഒന്ന്, രണ്ട് സെമസ്റ്റർ ബിആർക് (ഏപ്രിൽ 17), അവസാന വർഷ എംബിബിഎസ് പാർട്ട് രണ്ട് (ഏപ്രിൽ 24), രണ്ടാം സെമസ്റ്റർ പഞ്ചവത്സര ബിബിഎഎൽഎൽബി (ഏപ്രിൽ ഏഴ്), രണ്ടാം സെമസ്റ്റർ ത്രിവത്സര യൂണിറ്ററി എൽഎൽബി (ഏപ്രിൽ ഏഴ്), രണ്ടാം സെമസ്റ്റർ എംഎസ് സി ഹെൽത്ത് ആൻഡ് യോഗ തെറാപ്പി (ഏപ്രിൽ ഒന്ന്), ഒന്നാം സെമസ്റ്റർ എംഎസ് സി റേഡിയേഷൻ ഫിസിക്സ് (ഏപ്രിൽ ഒന്ന്). മറ്റ് തിയതികളിലെ പരീക്ഷകൾക്ക് മാറ്റമില്ല.
ബിഎ (പിഒടി): ഏപ്രിൽ 11 വരെ അപേക്ഷിക്കാം
വിവിധ ഓറിയന്റൽ ടൈറ്റിൽ പരീക്ഷകൾ പാസ്സായവർക്ക് കാലിക്കട്ട് സർവകലാശാലയിൽ പ്രൈവറ്റ് രജിസ്ട്രേഷൻ മുഖേന ബിഎ (പിഒടി) ഡിഗ്രിക്കും, അഫ്സൽഉൽഉലമ പ്രിലിമിനറി പരീക്ഷയിൽ പുതുക്കിയ മാനദണ്ഡപ്രകാരം സി ഗ്രേഡോടെ പാസായവർക്ക് വിവിധ ബിഎ കോഴ്സുകൾക്കും ഓണ്ലൈനായി അപേക്ഷിക്കാനുള്ള തിയതി ഏപ്രിൽ 11 വരെ നീട്ടി. അപേക്ഷയുടെ പ്രിന്റൗട്ട്, അനുബന്ധ രേഖകൾ സഹിതം ഡെപ്യൂട്ടി രജിസ്ട്രാർ (പ്രൈവറ്റ് രജിസ്ട്രേഷൻ), എസ്ഡിഇ ബിൽഡിംഗ്, യൂണിവേഴ്സിറ്റി ഓഫ് കാലിക്കട്ട്, കാലിക്കട്ട് യൂണിവേഴ്സിറ്റി പിഒ 673 635 വിലാസത്തിൽ ഏപ്രിൽ 15ന് അഞ്ചിനകം ലഭിക്കണം. അപേക്ഷാ ഫീസ്: 1,500 രൂപ. വിവരങ്ങൾ വെബ്സൈറ്റിൽ. ഫോണ്: 0494 2407356.
ഒന്നാം സെമസ്റ്റർ ഡിഗ്രി പരീക്ഷ
അഫിലിയേറ്റഡ് കോളജ്/പ്രൈവറ്റ് രജിസ്ട്രേഷൻ (എസ്ഡിഇ) വിദ്യാർഥികളുടെ ഒന്നാം സെമസ്റ്റർ (സിയുസിബിസിഎസ്എസ്) റഗുലർ/സപ്ലിമെന്ററി/ഇംപ്രൂവ്മെന്റ് ബികോം/ബികോം വൊക്കേഷണൽ/ബിബിഎ/ബിഎച്ച്എ/ബിടിഎച്ച്എം/ബികോം ഓണേഴ്സ്സിസിഎസ്എസ് പരീക്ഷകൾ ഏപ്രിൽ 28നും, ബിഎ/ബിഎസ്സി/ബിഎസ് സി ഇൻ എഎൽപി/ബിഎസ് സി ഹോട്ടൽ മാനേജ്മെന്റ്/ബിടിഎഫ്പി/ബിഎംഎംസി/ബിസിഎ/ബിഎസ്ഡബ്ല്യൂ/ബിവിസി/ബിഎ അഫ്സൽഉൽഉലമ പരീക്ഷകൾ മേയ് 10നും ആരംഭിക്കും.