അസിസ്റ്റന്റ് പ്രഫസർ വാക്ക് ഇൻ ഇന്റർവ്യൂ
കണ്ണൂർ സർവകലാശാലയുടെ ഡോ. പി.കെ. രാജൻ മെമ്മോറിയൽ കാന്പസിൽ പ്രവർത്തിക്കുന്ന ഡിപ്പാർട്ട്മെന്റ് ഓഫ് ഹിന്ദിയിൽ നിലവിലുള്ളതും ഉണ്ടാകാനിടയുള്ളതുമായ ഒഴിവുകളിലേക്ക് കരാറടിസ്ഥാനത്തിൽ അസിസ്റ്റന്റ് പ്രഫസർമാരെ നിയമിക്കുന്നതിനായി സർവകലാശാല ആസ്ഥാനമായ താവക്കര കാന്പസിൽ അഞ്ചിന് രാവിലെ 10.30ന് വാക്ക് ഇൻ ഇന്റർവ്യൂ നടത്തും. അപേക്ഷാഫോമും വിശദവിവരങ്ങളും സർവകലാശാലയുടെ വെബ്സൈറ്റിൽ www.kannuruniversity.ac.in നിന്നു ലഭിക്കും.
ഡാറ്റാബേസ് വാർഷിക റിപ്പോർട്ട് സമർപ്പിക്കണം
നാഷണൽ സർവീസ് സ്കീം യൂണിറ്റുകളിൽനിന്നുള്ള 201617 വർഷത്തെ പ്രവർത്തനങ്ങൾ സംബന്ധിച്ച ഡാറ്റാബേസ് വാർഷിക റിപ്പോർട്ട്, 201617 വർഷം വരെയുള്ള ഫണ്ട് വിനിയോഗ സാക്ഷ്യപത്രം എന്നിവ പ്രോഗ്രാം കോഓർഡിനേറ്റർക്ക് 15നകം സമർപ്പിക്കണം. റിപ്പോർട്ടിനൊപ്പം പ്രധാനപ്പെട്ട നല്ല ഫോട്ടോഗ്രാഫുകൾകൂടി അയയ്ക്കണം. ഇവ യഥാസമയം സമർപ്പിക്കാത്ത യൂണിറ്റുകളുടെ നാഷണൽ സർവീസ് സ്കീം സർട്ടിഫിക്കറ്റിനും ഗ്രേസ് മാർക്കിനുമുള്ള അപേക്ഷകൾ പരിഗണിക്കുന്നതല്ല.
സ്ഥിതി വിവരാന്വേഷണ പരിശോധന
സർവകലാശാലയുടെ കീഴിലെ വിവിധ സ്ഥാപനങ്ങളുടെ സ്ഥിതിവിവരാന്വേഷണ പരിശോധന നാളെ മുതൽ 18 വരെ നടക്കും. വിശദ വിവരങ്ങൾ സർവകലാശാലയുടെ www.kannuruniversity.ac.in എന്ന വെബ് സൈറ്റിൽ ലഭിക്കും.
പ്രബന്ധം സമർപ്പിക്കാനുള്ള തീയതി നീട്ടി
201516 ബാച്ചിൽ പിഎച്ച്ഡി കോഴ്സ് വർക്ക് ചെയ്ത ഗവേഷക വിദ്യാർഥികളുടെ പ്രിലിമിനറി പ്രബന്ധം സമർപ്പിക്കാനുള്ള തീയതി നീട്ടിയതായി ജോയിന്റ് രജിസ്ട്രാർ അറിയിച്ചു. പ്രബന്ധങ്ങൾ അഞ്ചിനു വൈകുന്നേരം അഞ്ചു വരെ സമർപ്പിക്കാം.