2016 ഏപ്രിലിൽ നടത്തിയ നാലാം സെമസ്റ്റർ ബിടെക് റീസ്ട്രക്ചേർഡ്(2013 സ്കീം) ന്‍റെയും 2016 ജൂലൈ മാസം നടന്ന രണ്ടാം സെമസ്റ്ററിന്‍റെയും പരീക്ഷാഫലം വെബ്സൈറ്റിൽ ലഭിക്കും.
സൂക്ഷ്മപരിശോധന
ഓഗസ്റ്റിൽ നടത്തിയ എട്ടാം സെമസ്റ്റർ ഇന്‍റഗ്രേറ്റഡ് ബിഎഎൽഎൽബി പരീക്ഷയുടെ സൂക്ഷ്മപരിശോധനയ്ക്ക് അപേക്ഷിച്ചവർ ഇന്നു മുതൽ 12 വരെയുള്ള പ്രവർത്തി ദിവസങ്ങളിൽ ഹാൾടിക്കറ്റുമായി പുനർമൂല്യ നിർണയ വിഭാഗത്തിൽ എത്തിച്ചേരണം.
സർട്ടിഫിക്കറ്റ് കോഴ്സ്
നിയമവകുപ്പ് നടത്തുന്ന മനുഷ്യാവകാശവും കടമകളും’ എന്ന സർട്ടിഫിക്കറ്റ് കോഴ്സിന് അപേക്ഷ നൽകിയിട്ടുള്ളവർ 11ന് രാവിലെ 10ന് അസൽ സർട്ടിഫിക്കറ്റുകൾ സഹിതം കാര്യവട്ടം കാന്പസിലുള്ള നിയമ പഠന വകുപ്പിന്‍റെ ഓഫീസിൽ എത്തിച്ചേരണം. കൂടുതൽ വിവരങ്ങൾക്ക്: 04712308936.
ബിടെക് ഫലം
2016 ജൂണ്‍ ജൂലൈയിൽ നടത്തിയ നാലാം സെമസ്റ്റർ ബിടെക് (2013 സ്കീം) പരീക്ഷാഫലം വെബ്സൈറ്റിൽ ലഭിക്കും. സൂക്ഷ്മപരിശോധനയ്ക്കും പുനർമൂല്യനിർണയത്തിനും ഓണ്‍ലൈനായി 24വരെ അപേക്ഷിക്കാം. വെബ്സൈറ്റിൽ ലഭിക്കുന്ന മാർക്ക് ലിസ്റ്റുകൾ പുനർമൂല്യനിർണയത്തിന് അപേക്ഷിക്കാൻ ഉപയോഗിക്കാം.
പ്രാക്ടിക്കൽ പരീക്ഷ
വിദൂര വിദ്യാഭ്യാസ പഠന കേന്ദ്രം നടത്തുന്ന മൂന്നാം വർഷ ബിഎസ്‌സി കംപ്യൂട്ടർ സയൻസിന്‍റെ പ്രാക്ടിക്കൽ ക്ലാസുകൾ എട്ട്, ഒൻപത് തീയതികളിലും മൂന്നാം വർഷ ബിസിഎ പ്രാക്ടിക്കൽ ക്ലാസുകൾ 22, 23 തീയതികളിലും പാളയം വിദൂര വിദ്യാഭ്യാസ പഠന കേന്ദ്രത്തിൽ നടക്കും.