എംബിഎ പ്രവേശനം: അപേക്ഷ ക്ഷണിച്ചു
കോമേഴ്സ് ആൻഡ് മാനേജ്മെന്റ് പഠനവകുപ്പ്, സർവകലാശാലാ സ്വാശ്രയ കേന്ദ്രങ്ങൾ (ഫുൾടൈം/പാർട്ട്ടൈം), സ്വാശ്രയ കോളജുകൾ എന്നിവയിൽ എംബിഎ പ്രവേശനത്തിന് അപേക്ഷ ക്ഷണിച്ചു. സർവകലാശാലാ ഫണ്ടിലേക്ക് 500 രൂപ ഇപെയ്മെന്റായി (എസ് സി/എസ്ടി167 രൂപ) അടച്ച് 29ന് വൈകുന്നേരം അഞ്ചിനകം ഓണ്ലൈനിൽ രജിസ്റ്റർ ചെയ്യണം.
സ്വാശ്രയ കോളജുകളിലെ മാനേജ്മെന്റ് ക്വാട്ടയിൽ പ്രവേശനമാഗ്രഹിക്കുന്നവരും നിശ്ചിത ഫീസടച്ച് ഓണ്ലൈനായി രജിസ്റ്റർ ചെയ്യണം. യോഗ്യത: കാലിക്കട്ട് സർവകലാശാലയുടെ അല്ലെങ്കിൽ എഐസിടിഇ/യുജിസി അംഗീകരിച്ച മറ്റേതെങ്കിലും സർവകലാശാലയുടെ/സ്ഥാപനത്തിന്റെ 50% മാർക്കിൽ കുറയാത്ത അംഗീകൃത ബിരുദം. ബിരുദ ഫലം കാത്തിരിക്കുന്നവർക്കും അപേക്ഷിക്കാം. മാർക്ക് ലിസ്റ്റിന്റെ ഒറിജിനൽ ഒക്ടോബർ മൂന്നിനകം സമർപ്പിക്കണം. മറ്റ് സർവകലാശാലാ ബിരുദധാരികൾ റഗുലർ സ്കീമിൽ (10+2+3 അല്ലെങ്കിൽ 10+2+4) പഠനം പൂർത്തീകരിച്ചവരായിരിക്കണം. അപേക്ഷകർ കെമാറ്റ് കേരള, സിമാറ്റ്, ക്യാറ്റ് യോഗ്യത നേടിയിരിക്കണം. അപേക്ഷയുടെ പ്രിന്റൗട്ട്, ചലാൻ (എസ് സി/എസ്ടി വിഭാഗം കമ്യൂണിറ്റി സർട്ടിഫിക്കറ്റിന്റെ പകർപ്പ്) എന്നിവ സഹിതം 29ന് വൈകുന്നേരം അഞ്ചിനകം ദി ഹെഡ്, ഡിപ്പാർട്ടുമെന്റ് ഓഫ് കോമേഴ്സ് ആൻഡ് മാനേജ്മെന്റ് സ്റ്റഡീസ്, കാലിക്കട്ട് യൂണിവേഴ്സിറ്റി പിഒ, മലപ്പുറം, 673 635 എന്ന വിലാസത്തിൽ സമർപ്പിക്കണം. വിവരങ്ങൾ വെബ്സൈറ്റിൽ. ഫോൺ: 0494 2400297, 2407016.
ബിഎസ് സി കംപ്യൂട്ടർ സയൻസ്/ബിസിഎ: എക്സാമിനേഴ്സ് മീറ്റിംഗ്
ആറാം സെമസ്റ്റർ ബിഎസ് സി കംപ്യൂട്ടർ സയൻസ്/ബിസിഎ (സിയുസിബിസിഎസ്എസ്/സിസിഎസ്എസ്) ഏപ്രിൽ 2017 പ്രാക്ടിക്കൽ പരീക്ഷയുമായി ബന്ധപ്പെട്ട എക്സാമിനേഴ്സിന്റെ യോഗം വിവിധ ദിവസങ്ങളിൽ നടക്കും.
പാലക്കാട് ജില്ലയിലെ അധ്യാപകർ 10ന് രാവിലെ 10ന് ഒറ്റപ്പാലം എൻഎസ്എസ് കോളജിലും, കോഴിക്കോട് ജില്ലയിലെ അധ്യാപകർ 12ന് രാവിലെ 10.30ന് കോഴിക്കോട് കോളജ് ഓഫ് അപ്ലൈഡ് സയൻസിലും ഹാജരാകണം.
യുജിക്ക് ഇന്റേർണൽ അസസ്മെന്റ് ഇംപ്രൂവ്മെന്റ് അവസരമില്ല
വിദൂരവിദ്യാഭ്യാസം യുജി ഒന്ന് മുതൽ ആറ് വരെ സെമസ്റ്ററുകളുടെ ഇന്റേർണൽ ഇംപ്രൂവ്മെന്റിനുള്ള അവസരമുണ്ടായിരിക്കുന്നതല്ല. വിവരങ്ങൾക്ക്: 0494 2407356, 2400288.
ഒന്നാം സെമസ്റ്റർ ബിരുദ പരീക്ഷാ അപേക്ഷ: തിയതി നീട്ടി
ഈയിടെ ഫലം പ്രസിദ്ധീകരിച്ച കോളജ്/പ്രൈവറ്റ് രജിസ്ട്രേഷൻ വിദ്യാർഥികളുടെ ഒന്നാം സെമസ്റ്റർ ബിഎസ് സി/ബിഎസ് സി ഇൻ എൽആർപി/ബിസിഎ/ബിഎ/ബിഎസ്ഡബ്ല്യൂ/ബിഎംഎംസി/ബിടിഎഫ്പി/ബിഎ അഫ്സൽഉൽഉലമ/ബിവിസി (സിയുസിബിസിഎസ്എസ്) സപ്ലിമെന്ററി/ഇംപ്രൂവ്മെന്റ് പരീക്ഷയ്ക്ക് ഓണ്ലൈനിൽ അപേക്ഷിക്കാനുള്ള തിയതി 10 വരെ നീട്ടി.
എംആർക് പരീക്ഷ
ഒന്നാം സെമസ്റ്റർ എംആർക് റഗുലർ/സപ്ലിമെന്ററി പരീക്ഷ 28ന് ആരംഭിക്കും.
പരീക്ഷാഫലം
റഗുലർ വിദ്യാർഥികളുടെ ഒന്നാം സെമസ്റ്റർ ബിഎ ഹിസ്റ്ററി (സിയുസിബിസിഎസ്എസ്) നവംബർ 2015 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 25 വരെ ഓണ്ലൈനിൽ അപേക്ഷിക്കാം. പ്രിന്റൗട്ട് 28 വരെ പരീക്ഷാഭവനിൽ സ്വീകരിക്കും.