എംസിഎ മിനി പ്രോജക്ട് ഇവാലുവേഷൻ/വൈവ വോസി
അഞ്ചാം സെമസ്റ്റർ എംസിഎ (റഗുലർ/സപ്ലിമെന്ററി/ഇംപ്രൂവ്മെന്റ് ജനുവരി 2017) ഡിഗ്രിയുടെ മിനി പ്രോജക്ട് ഇവാലുവേഷൻ/വൈവവോസി 18, 19, 20, 21 തീയതികളിൽ മാങ്ങാട്ടുപറന്പ് ഡിപ്പാർട്ട്മെന്റ് ഓഫ് ഇൻഫർമേഷൻ ടെക്നോളജിയിൽ നടത്തും. വിശദമായ ടൈംടേബിൾ യൂണിവേഴ്സിറ്റി വെബ്സൈറ്റിൽ ലഭ്യമാണ്.
തുറന്ന സംവാദം 17ന്
കണ്ണൂർ സർവകലാശാലയിൽ ഭൗതിക ശാസ്ത്രത്തിൽ ഗവേഷണം നടത്തുന്ന ബി.എ.പ്രിയങ്ക പിഎച്ച്ഡി ബിരുദത്തിനായി സമർപ്പിച്ച പ്രബന്ധത്തിലുള്ള തുറന്ന സംവാദം 17ന് രാവിലെ 10.30ന് സ്വാമി ആനന്ദ തീർത്ഥ കാന്പസിലെ ഫിസിക്സ് വിഭാഗത്തിൽ നടത്തും. പ്രബന്ധം സെമിനാറിന് മൂന്നു ദിവസം മുന്പ് മുതൽ സ്വാമി ആനന്ദ തീർത്ഥ കാന്പസിലെ ഫിസിക്സ് വിഭാഗം ലൈബ്രറിയിൽ പരിശോധനയ്ക്ക് ലഭ്യമായിരിക്കും.
കണ്ണൂർ വാഴ്സിറ്റി സ്പോർട്സ് മെറിറ്റ് അവാർഡുകൾ വിതരണം ചെയ്തു
കണ്ണൂർ: കണ്ണൂർ സർവകലാശാലയിലെ സ്പോർട്സ് മെറിറ്റ് അവാർഡുകൾ വിതരണം ചെയ്തു. സർവകലാശാലയുടെ ചെറുശേരി ഓഡിറ്റോറിയത്തിൽ നടന്ന ചടങ്ങിൽ വൈസ് ചാൻസലർ ഡോ. എം.കെ.അബ്ദുൾ ഖാദർ അവാർഡുകൾ സമ്മാനിച്ചു. സൗത്ത്സോണ് ഇന്റർ യൂണിവേഴ്സിറ്റി ചാന്പ്യൻഷിപ്പിൽ മൂന്നാം സ്ഥാനം നേടിയ വനിതാ വോളിബോൾ ടീം അവാർഡുകളും സർട്ടിഫിക്കറ്റുകളും ഏറ്റുവാങ്ങി. ടീമംഗങ്ങളായ തലശേരി ബ്രണ്ണൻ കോളജിലെ അഞ്ജലി ബാബു, അലീൻ ഷാജി, ഏഞ്ചൽ ജോസഫ്, എസ്.സൂര്യ, എം.പി.അനുശ്രീ, അനുശ്രീ ബാബു, ഡോണ ജയിംസ്, അയന ശിവൻ, കണ്ണൂർ വിമൻസ് കോളജിലെ കെ.പി.ആതിര, പി. മീര, പി. ഷാജു, മേരി അമിഷ, അഞ്ജലി സണ്ണി എന്നിവരെയും സായ് കോച്ചായ ടി. ബാലചന്ദ്രനെയും ടീം മാനേജരായ കെ. യാസിറിനെയും അനുമോദിച്ചു.
കണ്ണൂർ എസ്.എൻ. കോളജിലെ പുരുഷ ഫുട്ബോൾ ടീമിന് പി.പി. ലക്ഷ്മണൻ എൻഡോവ്മെന്റ് സമ്മാനിച്ചു. ജോസ്ന ക്രിസ്റ്റി ജോസ് മികച്ച കളിക്കാരിക്കുള്ള കാഷ് അവാർഡിന് അർഹയായി. ഫെൻസിംഗിൽ മൂന്നാം സ്ഥാനം നേടിയ ബ്രണ്ണൻ കോളജിലെ ജോസ്ന ക്രിസ്റ്റി ജോസ്, സർവകലാശാല ഫിസിക്കൽ എഡ്യുക്കേഷൻ ഡിപ്പാർട്ട്മെന്റിലെ സിന്റ വർഗീസ്, ബിനു സൂസൻ പോൾ എന്നിവരടങ്ങിയ ടീം മെഡലുകൾ ഏറ്റുവാങ്ങി. ഇതേയിനത്തിൽ ജോസ്ന ക്രിസ്റ്റി ജോസ് വ്യക്തിഗത ചാന്പ്യനായി. റോത്തക് എംഡി യൂണിവേഴ്സിറ്റിയിൽ നടന്ന തൈക്കൊണ്ടോ ചാന്പ്യൻഷിപ്പിൽ മൂന്നാം സ്ഥാനം നേടിയ ശ്രീകണ്ഠാപുരം എസ്ഇഎസ് കോളജിലെ കെ. റുമൈസ മെഡലുകൾ ഏറ്റുവാങ്ങി. ബാസ്കറ്റ് ബോൾ (വിമൻ) ഹാൻഡ് ബോൾ (വിമൻ) എന്നിവയിൽ യഥാക്രമം നാലും മൂന്നും സ്ഥാനം നേടിയവരെയും അനുമോദിച്ചു.
14ന് വിരമിക്കുന്ന സർവകലാശാല വൈസ് ചാൻസലർക്ക് കായികവിഭാഗം മേധാവി ഡോ. പി. ടി. ജോസഫ് ഉപഹാരം സമ്മാനിച്ചു. പ്രൊ വൈസ് ചാൻസലർ ടി.അശോകൻ അധ്യക്ഷതവഹിച്ചു, സിൻഡിക്കറ്റ് അംഗങ്ങളായ ഡോ. കെ. അജയകുമാർ, ഡോ. വി. എ. വിൽസണ്, എം.സി. രാജു, എസ്.എൻ. കോളജ് പ്രിൻസിപ്പൽ ഡോ. ശിവദാസൻ, രജിസ്ട്രാർ ഡോ. ബാലചന്ദ്രൻ കീഴോത്ത് , ഡോ. പി. ടി. ജോസഫ് എന്നിവർ പ്രസംഗിച്ചു.