പിജി പ്രവേശനത്തിന് ഓണ്‍ലൈൻ അപേക്ഷ ഇന്ന് മുതൽ
പിജി പ്രവേശനത്തിനായി നടത്തുന്ന പ്രവേശന പരീക്ഷക്കുള്ള (കാറ്റ്) ഓണ്‍ലൈൻ രജിസ്ട്രേഷൻ ഇന്ന് ആരംഭിച്ച് മേയ് 10ന് അവസാനിക്കും. എംഎ, എംഎസ്സി, എൽഎൽഎം, എം ടിടിഎം, എംഎഡ് പ്രോഗ്രാമുകളിലേക്കാണ് പ്രവേശനപരീക്ഷ നടത്തുന്നത്. അവസാനവർഷ ബിരുദ പരീക്ഷാഫലം കാത്തുനിൽക്കുന്നവർക്കും അപേക്ഷ സമർപ്പിക്കാം. ഓണ്‍ലൈനായാണ് അപേക്ഷയും ഫീസും സമർപ്പിക്കേണ്ടത്. രജിസ്ട്രേഷൻ ഫീസ് പൊതുവിഭാഗത്തിന് 800 രൂപയും പട്ടികജാതി, വർഗ വിദ്യാർഥികൾക്ക് 400 രൂപയുമാക്കി പുതുക്കിയിട്ടുണ്ട്. ഇത് പൊതു വിഭാഗത്തിന് 500 രൂപയും പട്ടികജാതി, വർഗ വിദ്യാർഥികൾക്ക് 250 രൂപയുമാണെന്ന് പിശകായി കഴിഞ്ഞ ദിവസം പ്രസിദ്ധീകരിച്ചിരുന്നു. ഡെബിറ്റ് കാർഡ്, എടിഎം, ഇന്‍റർനെറ്റ് ബാങ്കിംഗ് ഇവയിലേതെങ്കിലുമുപയോഗിച്ച് ഫീസ് അടയ്ക്കാം. ഈ സൗകര്യങ്ങളൊന്നുമില്ലാത്ത അപേക്ഷകർക്ക് സംസ്ഥാനത്തെ എല്ലാ അക്ഷയകേന്ദ്രങ്ങളിലും ഫീസടയ്ക്കാവുന്നതാണ്. പ്രവേശനപരീക്ഷയ്ക്ക് തിരുവനന്തപുരം, കോട്ടയം, കൊച്ചി, കോഴിക്കോട് എന്നിവിടങ്ങളിൽ പരിക്ഷാ കേന്ദ്രങ്ങളുണ്ടായിരിക്കും
www.cta.mgu.ac.in, www.m gu.ac.in എന്നീ വെബ്സൈറ്റുകളിൽ ഓണ്‍ലൈനായി അപേക്ഷ സമർപ്പിക്കുന്നതിനുള്ള സൗകര്യം ലഭ്യമാണ്. പ്രവേശനപ്രക്രിയ, യോഗ്യത, പഠനവകുപ്പുകൾ, പിജി പ്രോഗ്രാമുകൾ, പ്രവേശനപരീക്ഷയുടെ ഘടന, സിലബസ് തുടങ്ങിയ വിവരങ്ങൾക്ക് ഇതേ വെബ്സൈറ്റുകളിൽ പ്രസിദ്ധീകരിച്ചിട്ടുള്ള നോട്ടിഫിക്കേഷനും വിശദമായ പ്രോസ്പെക്ടസും കാണുക.
പ്രൊജക്ട് , വൈവാ, പ്രാക്ടിക്കൽ
ആറാം സെമസ്റ്റർ മോഡൽ ഒന്ന് ആൻഡ് രണ്ട് ബിഎ ഹിസ്റ്ററി (സിബിസിഎസ്എസ് റെഗുലർ, സപ്ലിമെന്‍ററി) മാർച്ച്, ഏപ്രിൽ 2017 പരീക്ഷകളുടെ പ്രൊജക്ട് ഇവാല്യൂവേഷനും വൈവാ വോസിയും 17, 18 തീയതികളിൽ യൂണിവേഴ്സിറ്റിയുടെ കീഴിലുള്ള വിവിധ കോളജുകളിൽ നടത്തും. വിശദമായ ടൈംടേബിൾ യൂണിവേഴ്സിറ്റി വെബ്സൈറ്റിൽ.
ആറാം സെമസ്റ്റർ ബിഎസ്സി സൈക്കോളജി (സിബിസിഎസ്എസ്, റെഗുലർ, ഇംപ്രൂവ്മെന്‍റ്, സപ്ലിമെന്‍ററി) മാർച്ച്, ഏപ്രിൽ 2017, ബിഎ സൈക്കോളജി (2009 അഡ്മിഷനു മുന്പുള്ള മേഴ്സിചാൻസ്) മാർച്ച് 2017 എന്നീ പരീക്ഷകളുടെ പ്രാക്ടിക്കലും വൈവാ വോസിയും 17ന് വിവിധ കോളജുകളിൽ നടത്തും.
ആറാം സെമസ്റ്റർ ബിഎ ഫിലോസഫി (റെഗുലർ, സപ്ലിമെന്‍ററി, ഇംപ്രൂവ്മെന്‍റ്) മാർച്ച്, ഏപ്രിൽ 2017 പരീക്ഷകളുടെ പ്രൊജക്ട് ഇവാല്യൂവേഷനും വൈവാ വോസിയും 17ന് എറണാകുളം മഹാരാജാസ് കോളജിലും 18ന് ചങ്ങനാശേരി എൻഎസ്എസ് കോളജിലും നടത്തും.
2017 ജനുവരി/ഫെബ്രുവരി മാസങ്ങളിൽ നടത്തിയ ഒന്നാം സെമസ്റ്റർ എംഎസ്സി പ്ലാന്‍റ് ബയോടെക്നോളജി ഡിഗ്രി പരീക്ഷയുടെ പ്രാക്ടിക്കൽ 20ന് തിരുവല്ല മാർ അത്തനേഷ്യസ് കോളജ് ഫോർ അഡ്വാൻസ്ഡ് സ്റ്റഡീസിൽ നടത്തും.
2017 മാർച്ചിൽ നടത്തിയ ആറാം സെമസ്റ്റർ ബിബിഎം (സിബിസിഎസ്എസ്, റെഗുലർ, സപ്ലിമെന്‍ററി) ഡിഗ്രി പരീക്ഷയുടെ പ്രൊജക്ട് ആൻഡ് വൈവാവോസി 17 മുതൽ അതത് കോളജുകളിൽ നടത്തും. വിശദമായ ടൈംടേബിൾ യൂണിവേഴ്സിറ്റി വെബ്സൈറ്റിൽ.