പിജി പ്രവേശനം: ഓണ്ലൈൻ രജിസ്ട്രേഷൻ മേയ് 10 വരെ
പഠനവകുപ്പുകളിലെ പിജി പ്രവേശനത്തിനുള്ള ക്യാറ്റ് ഓണ്ലൈൻ രജിസ്ട്രേഷൻ മേയ് 10 വരെ. എംഎ, എംഎസ്സി, എൽഎൽഎം, എംടിടിഎം, എംഎഡ് കോഴ്സുകളിലാണു പ്രവേശനം.
അവസാനവർഷ പരീക്ഷാഫലം കാത്തുനിൽക്കുന്നവർക്കും അപേക്ഷിക്കാം. തിരുവനന്തപുരം, കോട്ടയം, കൊച്ചി, കോഴിക്കോട് എന്നിവയാണു പരീക്ഷാകേന്ദ്രങ്ങൾ. www.ca t.mgu.ac.in എന്ന വെബ്സൈറ്റിൽ ഓണ്ലൈനായി അപേക്ഷ സമർപ്പിക്കാം. വിശദവിവരങ്ങൾക്ക് ഇതേ വെബ്സൈറ്റിൽ പ്രസിദ്ധികരിച്ചിട്ടുള്ള നോട്ടിഫിക്കേഷനും പ്രോസ്പെക്ടസും കാണുക.
പൊതുവിഭാഗത്തിന് 800 രൂപയും പട്ടികജാതി, വർഗ വിദ്യാർഥികൾക്ക് 400 രൂപയുമാണ് അപേക്ഷാഫീസ്. അപേക്ഷാഫീസും ഓണ്ലൈനായി സമർപ്പിക്കണം. ഡെബിറ്റ് കാർഡ്, എടിഎം, ഇന്റർനെറ്റ് ബാങ്കിംഗ് വഴിയും അല്ലാത്തവർക്കു സംസ്ഥാനത്തെ എല്ലാ അക്ഷയ കേന്ദ്രങ്ങളിലും ഫീസടയ്ക്കാം.
പ്രാക്ടിക്കൽ പരീക്ഷ
2017 ജനുവരി, ഫെബ്രുവരി മാസങ്ങളിലെ ഒന്നാം സെമസ്റ്റർ എംഎസ്്സി ഇൻഫർമേഷൻ ടെക്നോളജി ഡിഗ്രി പരീക്ഷയുടെ പ്രാക്ടിക്കൽ 28ന് കോന്നി വിഎൻഎസ് ആർട്സ് ആൻഡ് സയൻസ് കോളജിൽ നടത്തും. ടൈംടേബിൾ വെബ്സൈറ്റിൽ.
പരീക്ഷാഫലം
2017 ഫെബ്രുവരിയിലെ നാലാം വർഷ ബിഎസ്സി മെഡിക്കൽ റേഡിയോളജിക്കൽ ടെക്നോളജി (റെഗുലർ, സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷ 28 വരെ സ്വീകരിക്കും
2016 ഫെബ്രുവരിയിലെ ഒന്നാം സെമസ്റ്റർ എംഎസ്സി ഫിസിക്സ് മെറ്റീരിയൽ സയൻസ് (സിഎസ്എസ് റെഗുലർ, സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു.
2016 ഫെബ്രുവരിയിലെ ഒന്നാം സെമസ്റ്റർ എംഎസ്സി ഹോം സയൻസ് ബ്രാഞ്ച് എ, ഡി, ഇ (സിഎസ്എസ് റെഗുലർ, സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു.
2017 ജനുവരിയിലെ എട്ടാം സെമസ്റ്റർ എൽഎൽബി (പഞ്ചവത്സര) സപ്ലിമെന്ററി ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മ പരിശോധനയ്ക്കും പുനർമൂല്യനിർണയത്തിനുമുള്ള അപേക്ഷ 27 വരെ സ്വീകരിക്കും.
2016 ഒക്ടോബറിലെ രണ്ടാം വർഷ ബിഎസ്സി മെഡിക്കൽ ലബോറട്ടറി ടെക്നോളജി (റെഗുലർ, സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷ മേയ് ഒന്നു വരെ സ്വീകരിക്കും.
പ്രോവിസിക്കു യാത്രയയപ്പ്
എംജി സർവകലാശാല പ്രൊ വൈസ്ചാൻസലർ ഡോ. ഷീനാ ഷുക്കൂറിനു യാത്രയയപ്പ് നൽകാനായി സിൻഡിക്കേറ്റിന്റെ യോഗം 24ന് 12.30 ന് സിൻഡിക്കേറ്റ് ഹാളിൽ ചേരും.