ഒന്നാം സെമസ്റ്റർ ബിവോക് പരീക്ഷകൾ മേയ് അഞ്ചിന് ആരംഭിക്കും
ഒന്നാം സെമസ്റ്റർ ബിവോക് (2016 അഡ്മിഷൻ റെഗുലർ ആൻഡ് 2014, 2015 അഡ്മിഷൻ റീ അപ്പിയറൻസ്, സപ്ലിമെന്ററി) ഡിഗ്രി പരീക്ഷകൾ മേയ് അഞ്ചിന് ആരംഭിക്കും. അപേക്ഷ 25 വരെയും 50 രൂപ പിഴയോടെ 26 വരെയും 500 രൂപ സൂപ്പർ ഫൈനോടെ 28 വരെയും സ്വീകരിക്കും.
നാലാം സെമസ്റ്റർ എംഎച്ച്ആർഎം (പുതിയ സ്കീം2015 അഡ്മിഷൻ റെഗുലർ, 2015 ന് മുന്പുള്ള അഡ്മിഷൻ സപ്ലിമെന്ററി) ഡിഗ്രി പരീക്ഷകൾ മേയ് 17ന് ആരംഭിക്കും. അപേക്ഷ മേയ് രണ്ടു വരെയും 50 രൂപ പിഴയോടെ മൂന്നു വരെയും 500 രൂപ സൂപ്പർ ഫൈനോടെ അഞ്ചു വരെയും സ്വീകരിക്കും. റെഗുലർ വിദ്യാർഥികൾ 150 രൂപയും വീണ്ടുമെഴുതുന്നവർ ഒരു പേപ്പറിനു 30 രൂപ വീതവും (പരമാവധി 150) സിവി ക്യാന്പ് ഫീസായി നിശ്ചിത പരീക്ഷാഫീസിനു പുറമേ അടയ്ക്കണം. റെഗുലർ വിദ്യാർഥികൾ 100 രൂപ പ്രൊവിഷണൽ സർട്ടിഫിക്കറ്റ് ഫീസായും അടയ്ക്കണം.
ഒന്നാം സെമസ്റ്റർ ബിപിഇ (2016 അഡ്മിഷൻ റെഗുലർ) ഡിഗ്രി പരീക്ഷ 28നും രണ്ടാം സെമസ്റ്റർ ബിപിഇ (2016 അഡ്മിഷൻ റെഗുലർ) ഡിഗ്രി പരീക്ഷകൾ മേയ് മൂന്നു മുതലും നടത്തും.
പരീക്ഷാഫലം
2017 ജനുവരിയിലെ നാലാം സെമസ്റ്റർ എൽഎൽബി (ത്രിവത്സര റെഗുലർ ആൻഡ് സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷ മേയ് അഞ്ചു വരെ സ്വീകരിക്കും.
സ്കൂൾ ഓഫ് പെഡഗോഗിക്കൽ സയൻസ് 2016 ഓഗസ്റ്റിൽ നടത്തിയ രണ്ടാം സെമസ്റ്റർ എംഫിൽ എഡ്യൂക്കേഷൻ (സിഎസ്എസ്) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു.
2016 ഫെബ്രുവരിയിലെ ഒന്നാം സെമസ്റ്റർ എംഎസ്സി ടെക്സ്റ്റൈൽസ് ആൻഡ് ഫാഷൻ (പിജിസിഎസ്എസ് റെഗുലർ, ബെറ്റർമെന്റ്, സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷകൾ മേയ് അഞ്ചു വരെ സ്വീകരിക്കും.
2016 ഫെബ്രുവരിയിലെ ഒന്നാം സെമസ്റ്റർ എംഎസ്സി ഇലക്ട്രോണിക്സ് (പിജിസിഎസ്എസ്റെഗുലർ, ബെറ്റർമെന്റ്, സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷ മേയ് അഞ്ചുവരെ സ്വീകരിക്കും.
2016 ഫെബ്രുവരിയിലെ ഒന്നാം സെമസ്റ്റർ എംഎസ്സി ഇലക്ട്രോണിക്സ് (നോണ് സിഎസ്എസ് സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷ മേയ് അഞ്ചു വരെ സ്വീകരിക്കും.
സിൻഡിക്കേറ്റ് യോഗം
എംജി സർവകലാശാലാ സിൻഡിക്കേറ്റ് യോഗം 29നു രാവിലെ 10.30ന് സിൻഡിക്കേറ്റ് ഹാളിൽ നടത്തും.
പരീക്ഷാ പരിശീലനം
യുജിസി നടത്തുന്ന മാനവിക വിഷയങ്ങൾക്കുള്ള നെറ്റ്, ജെആർഎഫ് പരീക്ഷയുടെ ജനറൽ പേപ്പറിനു വേണ്ടിയുള്ള പരിശീലനം എംജി യൂണിവേഴ്സിറ്റി എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയുടെ ആഭിമുഖ്യത്തിൽ ഉടൻ ആരംഭിക്കും. യൂണിവേഴ്സിറ്റി ക്യാന്പസിൽ നടത്തുന്ന പരിശീലനത്തിൽ പങ്കെടുക്കാൻ താല്പര്യമുള്ളവർ കോഴ്സ് ഫീസായ 2000 രൂപയടച്ച് പേര് രജിസ്റ്റർ ചെയ്യണം. പട്ടികജാതി, പട്ടികവർഗ, വികലാംഗ വിഭാഗത്തിൽപ്പെട്ട വിദ്യാർഥി്കൾക്ക് 50 ശതമാനം ഫീസിളവ് ഉണ്ടായിരിക്കും. ഫോണ് : 0481 2731025.
എൽഎൽഎം ഓഫ് കാന്പസ് പരീക്ഷ
സൗത്ത് കൽക്കത്ത ലോ കോളജ് കേന്ദ്രത്തിലെ 2017 ഏപ്രിൽ, മേയ് മാസങ്ങളിലെ ഓഫ് കാന്പസ് എൽഎൽഎം പരീക്ഷകൾ കേരളത്തിലെ പരീക്ഷാകേന്ദ്രത്തിൽ നടത്തും.
പിഎച്ച്ഡി അഭിരുചി പരീക്ഷ
2017ൽ പിഎച്ച്ഡി രജിസ്ട്രേഷന് മുന്നോടിയായുള്ള അഭിരുചി നിർണയ പരീക്ഷയ്ക്ക് ഓണ്ലൈനായി മേയ് 15 വരെ അപേക്ഷ സ്വീകരിക്കും. ഏതെങ്കിലും വിഷയത്തിൽ 55 ശതമാനം മാർക്കോടെ (എസ്സി, എസ്ടി വിഭാഗത്തിന് 50 ശതമാനം) അംഗീകൃത ബിരുദാനന്തര ബിരുദം നേടിയവർക്ക് അപേക്ഷിക്കാം. അപേക്ഷാഫീസ് 1000 രൂപ (എസ്സി, എസ്ടി 500) ഫീസ് ഓണ്ലൈനായി അടയ്ക്കണം. ഓണ്ലൈൻ അപേക്ഷകൾക്കും പരീക്ഷാഷെഡ്യൂളിനും, വിശദവിവരങ്ങൾക്കും www.phd.mgu.ac.in എന്ന വെബ്സൈറ്റ് സന്ദർശിക്കുക. ഫോണ് : 0481 2732947.
പഠനവൈകല്യം: സെമിനാർ
കുട്ടികളിലെ പഠന വൈകല്യം തിരിച്ചറിയാനും പരിഹാരബോധനം നടത്താനുമായി ഈ മേഖലയിൽ പ്രവർത്തിക്കുന്ന അധ്യാപകർ, രക്ഷിതാക്കൾ, സന്നദ്ധപ്രവർത്തകർ എന്നിവർക്കായി എംജി സർവകലാശാലയിൽ 29നു ഏകദിന സെമിനാർ നടത്തും. ഫോണ്: 9544981839, 8304887715.
ശില്പശാല
സ്കൂൾ ഓഫ് ഗാന്ധിയൻ തോട്ട് ആൻഡ് ഡെവലപ്മെന്റ് സ്റ്റഡീസും ഡിപ്പാർട്ട്മെന്റ് ഓഫ് ലൈഫ് ലോംഗ് ലേണിംഗ് ആൻഡ് എക്സ്റ്റെൻഷനും സംയുക്തമായി കോട്ടയം സിനെർജിയുമായി സഹകരിച്ചു 26, 27 തീയതികളിൽ ടിസിഐ ശില്പശാല നടത്തും. ഫോണ് : 9447887321.