എസ്എസ്എൽസി കഴിഞ്ഞവർക്കായി സർവകലാശാലയിൽ ബ്രിഡ്ജ് കോഴ്സ്
കാലിക്കട്ട് സർവകലാശാലാ ലൈഫ്ലോംഗ് ലേണിംഗ് ആൻഡ് എക്സ്റ്റൻഷൻ വകുപ്പിൽ എസ്എസ്എൽസി കഴിഞ്ഞവർക്കായി മേയ് നാലിന് ബ്രിഡ്ജ് കോഴ്സ് ആരംഭിക്കുന്നു. പത്ത് ദിവസത്തെ കോഴ്സ് പൂർത്തിയാക്കുന്നവർക്ക് സർട്ടിഫിക്കറ്റ് നൽകും. ലേണിംഗ് സ്കിൽ, ഗോൾ സെറ്റിംഗ്, എഡ്യൂക്കേഷണൽ ആൻഡ് കരിയർ ഗൈഡൻസ്, അച്ചീവ്മെന്റ് മോട്ടിവേഷൻ, മെന്റൽ എബിലിറ്റി, മെമ്മറി ടെക്നിക്, പേഴ്സണാലിറ്റി ഡവലപ്മെന്റ്, ട്രാൻസാക്ഷണൽ അനാലിസിസ്, സ്മാർട്ട് ട്രെയ്നിംഗ്, പോസിറ്റീവ് സെൽഫ് ഇമേജ്, സ്ട്രസ് മാനേജ്മെന്റ്, ലീഡർഷിപ്പ് ക്വാളിറ്റീസ്, കമ്യൂണിക്കേഷൻ സ്കിൽസ്, ഇന്റർ പേഴ്സണൽ റിലേഷൻ, പബ്ലിക്ക് സ്പീക്കിംഗ്, ഇൻഫർമേഷൻ ടെക്നോളജി, ടൈം മാനേജ്മെന്റ്, ടീനേജ് മാനേജ്മെന്റ്, സ്വഭാവ രൂപീകരണം എന്നീ വൈവിധ്യമാർന്ന വിഷയങ്ങളിൽ ക്ലാസുകൾ ഉണ്ടായിരിക്കും. സർവകലാശാലയുടെ വിവിധ വകുപ്പുകളിലെയും അഫിലിയേറ്റഡ് കോളജുകളിലെയും പ്രഗത്ഭരായ അധ്യാപകരും മറ്റ് വിദഗ്ധരുമാണ് ക്ലാസുകൾ നയിക്കുന്നത്. 50 പേർക്കുള്ള കോഴ്സിന് ഏതാനും സീറ്റുകൾ ഒഴിവുണ്ട്. വിവരങ്ങൾക്ക്: 0494 2407360, 2407335.
ബിഎസ് സി ഇലക്ട്രോണിക്സ് എക്സാമിനേഴ്സ് മീറ്റിംഗ്
കാലിക്കട്ട് സർവകലാശാല ആറാം സെമസ്റ്റർ ബിഎസ് സി ഇലക്ട്രോണിക്സ് (സിയുസിബിസിഎസ്എസ്/ സിസിഎസ്എസ്) ഏപ്രിൽ 2017 പ്രാക്ടിക്കൽ പരീക്ഷയുടെ എക്സാമിനേഴ്സ് മീറ്റിംഗിൽ കോഴിക്കോട്, വയനാട്, മലപ്പുറം ജില്ലകളിലെ കോളജുകളിലെ അധ്യാപകർ 28ന് രാവിലെ 10.30ന് കോഴിക്കോട് കോളജ് ഓഫ് അപ്ലൈഡ് സയൻസിലും, തൃശൂർ ജില്ലയിലെ കോളജുകളിലെ അധ്യാപകർ 25ന് രാവിലെ 10.30ന് പുതുക്കാട് പ്രജ്യോതി നികേതൻ കോളജിലും ഹാജരാകണം.
അമോസ് സോഫ്റ്റ് വെയർ ശിൽപശാല
കാലിക്കട്ട് സർവകലാശാലാ സ്കൂൾ ഓഫ് ബിസിനസ് സ്റ്റഡീസിൽ അമോസ് സോഫ്റ്റ് വെയറിൽ ശിൽപശാല സംഘടിപ്പിക്കുന്നു. ഐഐഎം ഫാക്കൽറ്റി പ്രഫ. ആനന്ദകുട്ടൻ ബി. ഉണ്ണിത്താന്റെ നേതൃത്വത്തിൽ 24ന് നടക്കുന്ന ശിൽപശാല സ്കൂൾ ഓഫ് ബിസിനസ് സ്റ്റഡീസ് മേധാവി ഡോ. കെ.പി. മുരളീധരന്റെ വിരമിക്കൽ ചടങ്ങിനോടനുബന്ധിച്ചാണ് സംഘടിപ്പിക്കുന്നത്. താൽപ്പര്യമുള്ളവർ 9847228043, 9961305845 നന്പറുകളിൽ ബന്ധപ്പെടുക.
പരീക്ഷാ അപേക്ഷ
കാലിക്കട്ട് സർവകലാശാല മാസ്റ്റർ ഓഫ് ഹോസ്പിറ്റൽ അഡ്മിനിസ്ട്രേഷൻ രണ്ട്, നാല് സെമസ്റ്റർ റഗുലർ/സപ്ലിമെന്ററി പരീക്ഷക്ക് പിഴകൂടാതെ 24 മുതൽ 29 വരെയും 150 രൂപ പിഴയോടെ മേയ് നാല് വരെയും ഓണ്ലൈനിൽ അപേക്ഷിക്കാം.
കാലിക്കട്ട് സർവകലാശാല രണ്ടാം സെമസ്റ്റർ എംബിഎ (ഇന്റർനാഷണൽ ഫിനാൻസ്), എംബിഎ (ഹെൽത്ത് കെയർ മാനേജ്മെന്റ് ) റഗുലർ പരീക്ഷക്ക് പിഴകൂടാതെ 24 മുതൽ 29 വരെയും 150 രൂപ പിഴയോടെ മേയ് നാല് വരെയും ഓണ്ലൈനിൽ അപേക്ഷിക്കാം.
കാലിക്കട്ട് സർവകലാശാല എൽഎൽബി (പഞ്ചവത്സരം, ത്രിവത്സരം) ഒന്ന്, മൂന്ന്, അഞ്ച്, ഏഴ്, ഒന്പത് സെമസ്റ്റർ (2007 ഉം അതിന് മുന്പുള്ള സ്കീം2000 മുതൽ 2007 വരെ പ്രവേശനം) സപ്ലിമെന്ററി പരീക്ഷക്ക് പിഴകൂടാതെ 27 വരെയും 150 രൂപ പിഴയോടെ 29 വരെയും ഓണ്ലൈനിൽ അപേക്ഷിക്കാം. അപേക്ഷയുടെ പ്രിന്റൗട്ടിന്റെ കൂടെ അവസാനം എഴുതിയ പരീക്ഷയുടെ മാർക്ക് ലിസ്റ്റും വെക്കണം.
പരീക്ഷ
കാലിക്കട്ട് സർവകലാശാല മൂന്നാം സെമസ്റ്റർ എം. പ്ലാനിംഗ് റഗുലർ/സപ്ലിമെന്ററി (ഇന്റേണൽ) പരീക്ഷ മേയ് എട്ട്, പത്ത് തിയതികളിൽ നടക്കും.
ബിആർക് പരീക്ഷാഫലം
കാലിക്കട്ട് സർവകലാശാല ആറാം സെമസ്റ്റർ ബിആർക് (12 സ്കീം, 04 സ്കീം2009 മുതൽ 2011 വരെ പ്രവേശനം) പരീക്ഷാഫലം (ഏപ്രിൽ 2016) വെബ്സൈറ്റിൽ. പുനർമൂല്യനിർണയത്തിന് മേയ് അഞ്ച് വരെ ഓണ്ലൈനിൽ അപേക്ഷിക്കാം.
പുനർമൂല്യനിർണയ ഫലം
കാലിക്കട്ട് സർവകലാശാല നാലാം സെമസ്റ്റർ എംബിഎ, രണ്ടാം സെമസ്റ്റർ എംസിജെ ജൂണ് 2016 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാനാഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടുക.