സിഫ്നെറ്റിൽ നോട്ടിക്കൽ സയൻസ് ബിരുദ കോഴ്സ്
കൊച്ചിയിലെ സെൻട്രൽ ഇൻസ്റ്റിറ്റ്യൂട്ട് ഓഫ് ഫിഷറീസ് നോട്ടിക്കൽ എൻജിനിയറിംഗ് ട്രെയിനിംഗ് (സിഫ്നെറ്റ്) നാലു വർഷത്തെ ബാച്ചിലർ ഓഫ് ഫിഷറീസ് സയൻസ് (നോട്ടിക്കൽ സയൻസ്) പ്രോഗ്രാമിലേക്കുള്ള പ്രവേശന പരീക്ഷ ജൂണ് 10നു നടത്തും. കൊച്ചി, ചെന്നൈ, വിശാഖപണം,വിജയവാഡ എന്നിവിടങ്ങളിൽ പരീക്ഷാ കേന്ദ്രങ്ങളുണ്ട്. ഒബ്ജക്ടീവ് മാതൃകയിലുള്ളതാണ് പ്രവേശന പരീക്ഷ. മാത്തമാറ്റിക്സ്, ഫിസിക്സ്, കെമിസ്ട്രി, ബയോളജി, ഇംഗ്ലീഷ് എന്നീ വിഷയങ്ങൾ ഉൾപ്പെടുത്തിയിരിക്കുന്നു. ശരി ഉത്തരത്തിന് ഒരു മാർക്ക് ലഭിക്കും. തെറ്റിന് 0.25 മാർക്ക് കുറയ്ക്കും.
അപേക്ഷാഫോമും വിശദവിവരങ്ങളടങ്ങിയ പ്രോസ്പെക്ടസും വെബ്സൈറ്റിൽ ലഭിക്കും. ഓണ്ലൈനായി വേണം അപേക്ഷിക്കാൻ അപേക്ഷാ ഫീസ് 500 രൂപ. പികജാതിവർഗക്കാർക്ക് 250 രൂപ. അപേക്ഷയുടെ പ്രിന്റൗട്ട് അപേക്ഷാ ഫീസിന്റെ ഡിഡി സഹിതം ഡയറക്ടർ, സിഫ്നെറ്റ്, ഫൈൻആർട്സ് അവന്യു, എറണാകുളം 682016 എന്ന വിലാസത്തിൽ അയച്ചു കൊടുക്കണം.
ആഴക്കടൽ മത്സ്യബന്ധന ബോട്ടുകൾ പ്രവർത്തിപ്പിക്കുന്നതിനുള്ള യോഗ്യതയാണീ ബിരുദം. ഇംഗ്ലീഷിന് 50 ശതമാനം, മാത്തമാറ്റിക്സിന് 50 ശതമാനം, മറ്റു ശാസ്ത്രവിഷയങ്ങൾക്കു മൊത്തം 50 ശതമാനം എന്നിങ്ങനെ നേടി പ്ലസ് ടു ജയിച്ചവർക്കും അവസാന വർഷ വിദ്യാർഥികൾക്കും അപേക്ഷിക്കാം. പട്ടികജാതി വർഗക്കാർക്ക് പാസ് മാർക്ക് മതി. പ്രായം 2017 ഒക്ടോബർ ഒന്നിന് 17 20. ശാരീരികക്ഷമതയും നല്ല കാഴ്ചശക്തിയും ഉണ്ടാകണം. ജനറൽ വിഭാഗത്തിൽ ആകെ 33 സീറ്റുകളാണുള്ളത്. ആഴക്കടൽ മീൻപിടിത്തക്കപ്പലുകളിൽ പ്രായോഗിക പരിശീലനവും കോഴ്സിന്റെ ഭാഗമായി ഉൾപ്പെടുത്തിയിരിക്കുന്നു.
വെസൽ നാവിഗേറ്റർ, മറൈൻ ഫിറ്റർ
സിഫ്നെറ്റ് നടത്തുന്ന വെസൽ നാവിഗേറ്റർ, മറൈൻ ഫിറ്റർ കോഴ്സുകളിലേക്ക് എസ്എസ്എൽസി പാസായവർക്ക് അപേക്ഷിക്കാം. രണ്ടു വർഷത്തെ കോഴ്സാണിത്. ഇൻസ്റ്റിറ്റ്യൂട്ടിന്റെ കൊച്ചി, ചെന്നൈ, വിശാഖപട്ടണം സെന്ററുകളിലാണു കോഴ്സ് നടത്തുന്നത്. മൂന്നിടത്തുമായി ഓരോ കോഴ്സിനും 48 സീറ്റുകൾ വീതമാണുള്ളത്. കൊച്ചി, ചെന്നൈ, വിശാഖപട്ടണം, ഡൽഹി, ഭുവനേശ്വർ, മുംബൈ, കൊളച്ചൽ, റാഞ്ചി, ജാംനഗർ, കാക്കിനാട, കവരത്തി, പോർട്ബ്ലെയർ, രത്നഗിരി എന്നിവിടങ്ങളിൽ നടത്തുന്ന പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ.
തെരഞ്ഞെടുക്കപ്പെടുന്നവർക്ക് പ്രതിമാസം 1,500 രൂപ സ്റ്റൈപ്പൻഡ് ലഭിക്കും. 50 ശതമാനം മാർക്കോടെ എസ്എസ്എൽസി പാസായവർക്ക് അപേക്ഷിക്കാം. പ്രായം 2017 ഓഗസ്റ്റ് ഒന്നിന് 16നും 20നും മധ്യേ. പികജാതിവർഗക്കാർക്ക് ഉയർന്ന പ്രായപരിധിയിൽ അഞ്ചു വർഷത്തെ ഇളവുണ്ട്. ഓണ്ലൈനായി വേണം അപേക്ഷിക്കാൻ.
കൂടുതൽ വിവരങ്ങൾക്ക്: വിലാസം: സെൻട്രൽ ഇൻസ്റ്റിറ്റ്യൂട്ട് ഓഫ് ഫിഷറീസ് നോട്ടിക്കൽ എൻജിനിയറിംഗ് ട്രെയിനിംഗ്, ദിവാൻസ് റോഡ്, കൊച്ചി682 016. ഫോൺ: 0484 2351610, 2551493, 2351790.വെബ്സൈറ്റ്: www.cifn et.gov.in.