എംബിഎ പ്രവേശനം: മേയ് 15 വരെ അപേക്ഷിക്കാം
കോമേഴ്സ് ആൻഡ് മാനേജ്മെന്റ് സ്റ്റഡീസ്, സർവകലാശാല നേരിട്ട് നടത്തുന്ന വടകര, കോഴിക്കോട്, കുറ്റിപ്പുറം, തിരൂർ (തൃശൂർ), തൃശൂർ ജോൺ മത്തായി സെന്റർ, പാലക്കാട് എന്നീ കേന്ദ്രങ്ങളിലേക്കും അഫിലിയേറ്റഡ് മാനേജ്മെന്റ് ഇൻസ്റ്റിറ്റ്യൂട്ടുകൾ തുടങ്ങിയ സ്ഥാപനങ്ങളിലേക്കും എംബിഎ പ്രവേശനത്തിന് ക്യാറ്റ്, സിമാറ്റ്, കെമാറ്റ് പരീക്ഷ പാസായവർക്ക് മേയ് 15 വരെ സർവകലാശാലാ വെബ്സൈറ്റ് വഴി അപേക്ഷിക്കാം.
ക്യാറ്റ്, സിമാറ്റ്, കെമാറ്റ് പരീക്ഷയ്ക്ക് 15%, 10%, 7.5% സ്കോർ (യഥാക്രമം ജനറൽ, പിന്നോക്ക വിഭാഗം, പട്ടികജാതി, പട്ടിക വർഗം) നേടിയിരിക്കണം. അപേക്ഷയുടെ പ്രിന്റൗട്ട്, ക്യാറ്റ്, സിമാറ്റ്, കെമാറ്റ് സ്കോർ, ചലാൻ (എസ് സി, എസ്ടി വിഭാഗം കമ്മ്യൂണിറ്റി സർട്ടിഫിക്കറ്റിന്റെ പകർപ്പ്) എന്നിവ സഹിതം മേയ് 15ന് വൈകുന്നേരം അഞ്ചിനകം ദി ഹെഡ്, ഡിപ്പാർട്ടുമെന്റ് ഓഫ് കോമേഴ്സ് ആൻഡ് മാനേജ്മെന്റ് സ്റ്റഡീസ്, കാലിക്കട്ട് യൂണിവേഴ്സിറ്റി പിഒ, മലപ്പുറം673 635 എന്ന വിലാസത്തിൽ സമർപ്പിക്കണം. ഫോണ്: 0494 2407363.
ഓഫീസർ ഇൻചാർജ്: വിരമിച്ചവർക്ക് അപേക്ഷിക്കാം
കുറ്റിപ്പുറം എംഇഎസ് കോളജ് ഓഫ് എൻജിനിയറിംഗിലെ പുനർ മൂല്യനിർണയ ക്യാന്പിൽ ഓഫീസർ ഇൻചാർജ്ജായി ജോലി ചെയ്യാൻ താത്പര്യമുള്ള സെക്ഷൻ ഓഫീസറിൽ കുറയാത്ത തസ്തികയിൽ നിന്നും വിരമിച്ച കാലിക്കട്ട് സർവകലാശാലാ ജീവനക്കാരിൽ നിന്നും അപേക്ഷ ക്ഷണിച്ചു. അപേക്ഷ ലഭിക്കേണ്ട അവസാന തിയതി മേയ് അഞ്ച് വൈകുന്നേരം അഞ്ചിന്.
സോണൽ മത്സരങ്ങളിൽ പങ്കെടുത്തവർക്കായി സ്പെഷൽ പരീക്ഷ
കാലിക്കട്ട് സർവകലാശാലയുടെ ബിസോണ്, സിസോണ് മത്സരങ്ങളിൽ പങ്കെടുത്തത് മൂലം പരീക്ഷ എഴുതാൻ സാധിക്കാത്തവർക്കായി സ്പെഷൽ പരീക്ഷ നടത്തുന്നു. പങ്കെടുത്തുവെന്ന് തെളിയിക്കുന്ന രേഖ പ്രിൻസിപ്പൽ സാക്ഷ്യപ്പെടുത്തി 15 ദിവസത്തിനകം പരീക്ഷാ കണ്ട്രോളർക്ക് സമർപ്പിക്കണം.
ഐഡി കാർഡ്
201617 വർഷത്തിൽ പ്രൈവറ്റ് രജിസ്ട്രേഷൻ വഴി ബിഎപിഒടിക്കും വിവിധ പിജി കോഴ്സുകൾക്കും പ്രവേശനം നേടിയവർക്ക് ഐഡി കാർഡ് വെബ്സൈറ്റിൽ നിന്നും ഡൗണ്ലോഡ് ചെയ്യാം. വിവരങ്ങൾക്ക്: 0494 2407356, 2407461.
പരീക്ഷാഫലം
2016 ജൂണിൽ നടത്തിയ രണ്ടാം സെമസ്റ്റർ എംഎസ്സി ഫിസിക്സ് (സിസിഎസ്എസ്) പരീക്ഷാഫലം വെബ്സൈറ്റിൽ. 2016 ജൂണിൽ നടത്തിയ രണ്ടാം സെമസ്റ്റർ എംഎ മ്യൂസിക്, എംഎ വോക്കൽ (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് മേയ് 11 വരെ ഓണ്ലൈനിൽ അപേക്ഷിക്കാം.
പുനർമൂല്യനിർണയ ഫലം
നാലാം വർഷ ബിഎസ്സി മെഡിക്കൽ ബയോകെമിസ്ട്രി, മെഡിക്കൽ മൈക്രോബയോളജി നവംബർ 2016 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാൻ ആഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടണം.
പഠന വൈകല്യ മാനേജ്മെന്റ് ട്രെയിനിംഗ്
ഇസ്ലാമിക് ചെയർ മേയിൽ നടത്തുന്ന പഠന വൈകല്യ മാനേജ്മെന്റ് ട്രെയിനിംഗിന് 30ന് സ്പോട്ട് അഡ്മിഷൻ നടത്തും. വിവരങ്ങൾക്ക് : 9895100413, 7012480721.