ബിഎഡ് മൂല്യനിർണയ ക്യാന്പ്: അധ്യാപകർ ഹാജരാകണം
2016 ഡിസംബറിൽ നടത്തിയ മൂന്നാം സെമസ്റ്റർ ബിഎഡ് പരീക്ഷകളുടെ മൂല്യനിർണയ ക്യാന്പുകൾ തിരുവനന്തപുരം തൈക്കാട് ഗവ. കോളജ് ഓഫ് ടീച്ചർ എഡ്യുക്കേഷൻ, കൊല്ലം കെയുസിടിഇ, പന്തളം ഡിഒഐസി എന്നീ കേന്ദ്രങ്ങളിൽ 29ന് ആരംഭിക്കും. മൂല്യനിർണയത്തിനായി നിയോഗിക്കപ്പെട്ടിട്ടുള്ള എല്ലാ അധ്യാപകരും നിർബന്ധമായും അതത് ക്യാന്പുകളിൽ ഹാജരാകണം.
ബികോം പരീക്ഷാ കേന്ദ്രങ്ങളിൽ മാറ്റം
മേയ് രണ്ടിന് ആരംഭിക്കുന്ന രണ്ടാം വർഷ ബികോം ആന്വൽ സ്കീം പാർട്ട് മൂന്ന് പരീക്ഷയ്ക്ക് മാർ ഈവാനിയോസ് കോളജ് പരീക്ഷാകേന്ദ്രമായി ആവശ്യപ്പെട്ടവരും സംസ്കൃത കോളജ് ആവശ്യപ്പെട്ടവരിൽ രജിസ്റ്റർ നം.3031502067 മുതൽ 3031502255 വരെയുള്ളവരും പെരിങ്ങമല ഇക്ബാൽ കോളജിലും തുന്പ സെന്‍റ് സേവിയസ് കോളജ് ആവശ്യപ്പെട്ട പെണ്‍കുട്ടികൾ ഓൾ സെന്‍റ്സ് കോളജിലും ചെന്പഴന്തി എസ്.എൻ കോളജ് ആവശ്യപ്പെട്ടവർ എം.ജി കോളജിലും സംസ്കൃത കോളജും നെടുമങ്ങാട് ഗവ. കോളജും ആവശ്യപ്പെട്ട പെണ്‍കുട്ടികൾ നീറമണ്‍കര എൻഎസ്എസ് കോളജ് ഫോർ വിമണിലും എഫ്എംഎൻ കോളജ് ആവശ്യപ്പെട്ടവരിൽ രജിസ്റ്റർ നം.3031531344 മുതൽ 3031531500 വരെയുള്ളവർ പേരയം എൻഎസ്എസ് ആർട്സ് ആൻഡ് സയൻസ് കോളജിലും കൊല്ലം എസ്എൻ കോളജ് ആവശ്യപ്പെട്ടവരിൽ രജിസ്റ്റർ നം. 3031529001 മുതൽ 3031529329 വരെയുള്ളവരും കൊട്ടിയം എംഎംഎൻഎസ്എസ് കോളജ് ആവശ്യപ്പെട്ടവരിൽ രജിസ്റ്റർ നം. 3031528001 മുതൽ 3031528238 വരെയുള്ള വരും ശാസ്താംകോട്ട ഡി.ബി കോളജ് ആവശ്യപ്പെട്ടവരിൽ രജിസ്റ്റർ നം. 3031534001 മുതൽ 3031534238 വരെയുള്ളവരും കരുനാഗപ്പള്ളി ശ്രീവിദ്യാധിരാജ ആർട്സ് ആൻഡ് സയൻസ് കോളജിലും എസ്ഡി കോളജ് ആവശ്യപ്പെട്ട പെണ്‍കുട്ടികളിൽ രജിസ്റ്റർ നം. 3031546221 മുതൽ 3031546499 വരെയുള്ളവർ ആലപ്പുഴ സെന്‍റ് ജോസഫ്സ് കോളജിലും ചേർത്തല എസ്എൻ കോളജ് ആവശ്യപ്പെട്ടവരിൽ രജിസ്റ്റർ നം. 3031548347 മുതൽ 3031548500 വരെയുള്ളവർ ചേർത്തല എൻഎസ്എസ് കോളജിലും പരീക്ഷ എഴുതണം. മൂന്നാം വർഷ പരീക്ഷ എഴുതിയവർ അതത് പരീക്ഷാകേന്ദ്രങ്ങളിൽ തന്നെ പരീക്ഷ എഴുതണം. രണ്ടാം വർഷ വിദ്യാർഥികൾ വെബ്സൈറ്റിൽ നിന്നും പരീക്ഷ തുടങ്ങുന്നതിന് മുന്പായി ഹാൾടിക്കറ്റ് ഡൗണ്ലോഡ് ചെയ്യണം. പരീക്ഷ ആരംഭിച്ചതിന് ശേഷം ഹാൾടിക്കറ്റ് ഡൗണ്ലോഡ് ചെയ്യാൻ സാധ്യമല്ല.
ബിആർക് ഫലം
2016 ജൂലൈയിൽ നടത്തിയ നാലാം സെമസ്റ്റർ ബിആർക് (2013 സ്കീം) റെഗുലർ ആൻഡ് സപ്ലിമെന്‍ററി പരീക്ഷാഫലം വെബ്സൈറ്റിൽ.
എംഎച്ച്എ /പിജിഡിഎച്ച്എച്ച്എ ഹാൾടിക്കറ്റ്
വിദൂര വിദ്യാഭ്യാസ പഠന കേന്ദ്രം മേയ് രണ്ടു മുതൽ നടത്തുന്ന ഒന്നാം വർഷ എംഎച്ച്എ /പിജിഡിഎച്ച്എച്ച്എ സപ്ലിമെന്‍ററി പരീക്ഷയുടെ ഹാൾടിക്കറ്റുകൾ എസ്ഡിഇ പാളയം സെന്‍ററിൽ നിന്നും കൈപ്പറ്റണം. പ്രസ്തുത പരീക്ഷയുടെ തിയറി പേപ്പറുകൾ (മേയ് രണ്ടു മുതൽ അഞ്ച് വരെ) എസ്ഡിഇ പാളയം സെന്‍ററിൽ എഴുതണം. പ്രാക്ടിക്കൽ (മേയ് ആറ്) പരീക്ഷ തിരുവനന്തപുരം മെഡിക്കൽ കോളജ് സിഡിസിയിലും നടക്കും.
എംപിഇ തീസിസ് സമർപ്പിക്കണം
ഏപ്രിലിൽ നടന്നു കൊണ്ടിരിക്കുന്ന എംപിഇ അവസാന വർഷ പരീക്ഷയുടെ തീസിസ് സമർപ്പിക്കാനുള്ള അവസാന തീയതി 29.
പ്രോജക്ട് മൂല്യനിർണയവും വാചാപരീക്ഷയും
ആറാം സെമസ്റ്റർ ബിഎ ജേർണലിസം ആൻഡ് മാസ് കമ്യൂണിക്കേഷൻ ആൻഡ് വീഡിയോ പ്രൊഡക്ഷൻ പ്രോജക്ട് മൂല്യനിർണയവും വാചാപരീക്ഷയും മേയ് 15ന് തോന്നയ്ക്കൽ എ.ജെ കോളജിലും മേയ് 17ന് കൊല്ലം എസ്എൻ കോളജിലും നടക്കും. പാങ്ങോട് ഡോ.പൽപ്പു കോളജിലെ വിദ്യാർഥികൾ തോന്നയ്ക്കൽ എ.ജെ കോളജിലും ആലപ്പുഴ എസ്ഡിവി കോളജിലെ വിദ്യാർഥികൾ കൊല്ലം എസ്എൻ കോളജിലും പരീക്ഷക്കായി ഹാജരാകണം. വിശദമായ ടൈംടേബിൾ വെബ്സൈറ്റിൽ.
ആറാം സെമസ്റ്റർ ബിഎ മലയാളം ആൻഡ് മാസ് കമ്യൂണിക്കേഷൻ പരീക്ഷയുടെ പ്രോജക്ട് മൂല്യനിർണയവും വാചാപരീക്ഷയും മേയ് 10ന് തുന്പ സെന്‍റ് സേവ്യേഴ്സിൽ വച്ചും മേയ് 12ന് നെല്ലിക്കാട് മദർ തെരേസ കോളജിലും നടക്കും. വിശദമായ ടൈംടേബിൾ വെബ്സൈറ്റിൽ .
പരീക്ഷ മാറ്റിയ തീയതി
24ന് നടത്താനിരുന്ന ആറാം സെമസ്റ്റർ കരിയർ റിലേറ്റഡ് ഫസ്റ്റ് ഡിഗ്രി പ്രോഗ്രാം ഇൻ ബികോം കൊമേഴ്സ് വിത്ത് കംപ്യൂട്ടർ ആപ്ലിക്കേഷൻ, കൊമേഴ്സ് ആൻഡ് ടൂറിസം ആൻഡ് ട്രാവൽ മാനേജ്മെന്‍റ്, ബികോം ഹോട്ടൽ മാനേജ്മെന്‍റ് ആൻഡ് കാറ്ററിംഗ്, കൊമേഴ്സ് ടാക്സ് പ്രൊസീജ്യർ ആൻഡ് പ്രാക്ടീസ് (2013, 2014 റെഗുലർ ആൻഡ് സപ്ലിമെന്‍ററി) എന്നീ കോഴ്സുകളുടെ മാനേജ്മെന്‍റ് അക്കൗണ്ടിംഗ് പരീക്ഷ മേയ് മൂന്നിലേക്ക് മാറ്റി. പരീക്ഷാകേന്ദ്രങ്ങൾക്കും സമയത്തിനും മാറ്റമില്ല.