കേന്ദ്രീകൃത പ്രവേശന നടപടികൾ: നോഡൽ ഓഫീസർമാർക്ക് ശിൽപശാല
കാലിക്കട്ട് സർവകലാശാലയുടെ കേന്ദ്രീകൃത പ്രവേശന നടപടികളുമായി ബന്ധപ്പെട്ട് നോഡൽ ഓഫീസർമാർക്കായി മേയ് ഒന്പത് മുതൽ 11 വരെ സർവകലാശാലാ സെമിനാർ ഹാളിൽ ശിൽപശാല സംഘടിപ്പിക്കും.
കോഴിക്കോട്, പാലക്കാട്, വയനാട് ജില്ലകളിലെ നോഡൽ കേന്ദ്രങ്ങളിലെ നോഡൽ ഓഫീസർമാർ മേയ് ഒന്പതിനും ബിഎഡ്, എംഎഡ് കോളജ്, കേന്ദ്രങ്ങൾ, അഫിലിയേറ്റഡ് അഫ്സൽഉൽഉലമ പ്രിലിമിനറി കോളജ് എന്നിവിടങ്ങളിലെ നോഡൽ ഓഫീസർമാർ മേയ് പത്തിനും മലപ്പുറം, തൃശൂർ ജില്ലകളിലെ നോഡൽ കേന്ദ്രങ്ങളിലെ നോഡൽ ഓഫീസർമാർ മേയ് 11നും ഹാജരാകണം. സമയം രാവിലെ 9.30.
എംഎ ഇംഗ്ലീഷ് മാർക്ക് ലിസ്റ്റ്
2016 മെയിൽ നടത്തിയ വിദൂരവിദ്യാഭ്യാസം എംഎ ഇംഗ്ലീഷ് (നോണ് സെമസ്റ്റർ) പ്രീവിയസ് പരീക്ഷയുടെ മാർക്ക് ലിസ്റ്റുകൾ പരീക്ഷ എഴുതിയ കേന്ദ്രങ്ങളിൽ മേയ് രണ്ട് മുതൽ വിതരണം ചെയ്യും.
ചിറ്റൂർ ഗവണ്മെന്റ് കോളജിൽ പരീക്ഷ എഴുതിയവർ പാലക്കാട് ഗവണ്മെന്റ് വിക്ടോറിയ കോളജിൽ നിന്നും ഗുരുവായൂർ ശ്രീകൃഷ്ണ കോളജ്, തൃശൂർ ഗവണ്മെന്റ് കോളജ് എന്നിവിടങ്ങളിൽ പരീക്ഷ എഴുതിയവർ തൃശൂർ സെന്റ് തോമസ് കോളജിൽ നിന്നും കോഴിക്കോട് മലബാർ ക്രിസ്ത്യൻ കോളജ്, മുക്കം എംഎഎംഒ കോളജ് എന്നിവിടങ്ങളിൽ പരീക്ഷ എഴുതിയവർ ദേവഗിരി സെന്റ് ജോസഫ്സ് കോളജിൽ നിന്നും മൊകേരി ഗവണ്മെന്റ് കോളജിൽ പരീക്ഷ എഴുതിയവർ മടപ്പള്ളി ഗവണ്മെന്റ് കോളജിൽ നിന്നും മാർക്ക് ലിസ്റ്റുകൾ കൈപ്പറ്റണം.
പരീക്ഷാഫലം
2016 ഡിസംബറിൽ നടത്തിയ പത്താം സെമസ്റ്റർ ബിആർക് (2004 സ്കീം) സപ്ലിമെന്ററി (തിസീസ്, വൈവ) പരീക്ഷാഫലം വെബ്സൈറ്റിൽ.
ബിഫാം പരീക്ഷ
സെക്കൻഡ് ബിഫാം സപ്ലിമെന്ററി പ്രാക്ടിക്കൽ, വൈവ പരീക്ഷ കോഴിക്കോട് ഗവണ്മെന്റ് മെഡിക്കൽ കോളജിൽ മേയ് മൂന്നിന് ആരംഭിക്കും.