ജീവനക്കാർക്കു പരിശീലനം
2017 വർഷത്തെ ബിരുദ പ്രവേശനവുമായി ബന്ധപ്പെട്ട് വിവിധ അക്ഷയ കേന്ദ്രങ്ങളിലെ ജീവനക്കാർക്ക് പരിശീലനം നൽകുന്നു. ഒന്പതിനു രാവിലെ 11ന് സർവകലാശാല ആസ്ഥാനത്തുള്ള കംപ്യൂട്ടർ സെന്‍ററിലാണ് പരിശീലനം. ഒരു അക്ഷയ കേന്ദ്രത്തിൽ നിന്ന് ഒരാൾക്ക് ഈ സൗജന്യപരിശീലനത്തിൽ പങ്കെടുക്കാം.
പങ്കെടുക്കാനാഗ്രഹിക്കുന്നവർ ആറിനു വൈകുന്നേരം നാലിനു മുന്പ് 04712386296, 2304631 എന്നീ ഫോണ് നന്പറുകളിൽ ബന്ധപ്പെട്ട് രജിസ്റ്റർ ചെയ്യണം. പരാതി രഹിതമായ ഓണ്‍ലൈൻ രജിസ്ട്രേഷൻ ലക്ഷ്യമിട്ടാണ് സർവകലാശാല ഇത്തരത്തിൽ പരിശീലനം നൽകുന്നത്. പങ്കെടുക്കുന്നവർ സ്വന്തം ചെലവിൽ ഹാജരാകണം.
ബിസിഎ ടൈംടേബിൾ
കരിയർ റിലേറ്റഡ് സിബിസിഎസ് അഞ്ചാം സെമസ്റ്റർ ബിസിഎ ഡിഗ്രി കോഴ്സിന്റെ (2013ന് മുന്പുള്ള അഡ്മിഷൻ 2010 സ്കീം, മേഴ്സി ചാൻസ് 2010 അഡ്മിഷൻ, സപ്ലിമെന്‍ററി 2011 ആൻഡ് 2012 അഡ്മിഷൻ) പരീക്ഷകൾ മേയ് ഒൻപതിന് തുടങ്ങും. വിശദമായ ടൈംടേബിൾ വെബ്സൈറ്റിൽ ലഭിക്കും.
ലൈബ്രറി ആൻഡ് ഇൻഫർമേഷൻ പരീക്ഷ
തുടർ വിദ്യാഭ്യാസ വ്യാപനകേന്ദ്രത്തിലും, ഡി.ബി കോളജ് ശാസ്താംകോട്ടയിലും 24 മുതൽ ജൂണ്‍ അഞ്ചുവരെ നടത്തുന്ന സർട്ടിഫിക്കറ്റ് ഇൻ ലൈബ്രറി ആൻഡ് ഇൻഫർമേഷൻ സയൻസ് (ന്യൂ സ്കീം) കോഴ്സിന്റെ പരീക്ഷയ്ക്ക് 15 വരെ(50 രൂപ പിഴയോടെ മെയ് 18, 250 രൂപ സൂപ്പർ ഫൈനോട് കൂടി മെയ് 22) ഫീസടച്ച് അപേക്ഷിക്കാം. പ്രോജക്ട് റിപ്പോർട്ട് പിഴകൂടാതെ 15 വരെയും 100 രൂപ പിഴയോടെ 22 വരെയും സമർപ്പിക്കാം.
അപേക്ഷകൾ എസ്എസ്എൽസി യുടെ കോപ്പി സഹിതം സിഎസിഇഇ ഓഫീസിൽ സ്വീകരിക്കും. സപ്ലിമെന്‍ററി വിദ്യാർഥികൾ അപേക്ഷയോടൊപ്പം മുൻവർഷങ്ങളിലെ മാർക്ക് ലിസ്റ്റുകളുടെ ശരിപ്പകർപ്പുകൾ അയക്കണം.
സീറ്റൊഴിവ്
തുടർ വിദ്യാഭ്യാസ വ്യാപന കേന്ദ്രം നടത്തുന്ന സർട്ടിഫിക്കറ്റ് ഇൻ യോഗ ആൻഡ് മെഡിറ്റേഷൻ (ഈവനിംഗ്) കോഴ്സിന് ഏതാനും സീറ്റൊഴിവുണ്ട്. താത്പര്യമുള്ളവർ പിഎംജി ജംഗ്ഷനിലുള്ള സിഎസിഇഇ കേന്ദ്രവുമായി ബന്ധപ്പെടുക. 15ന് ക്ലാസ് ആരംഭിക്കും. യോഗ്യത പ്ലസ് ടു/പ്രീഡിഗ്രി ജയം. ഫീസ് 6000 രൂപ. അപേക്ഷാ ഫീസ് 100 രൂപ. ക്ലാസുകൾ തിങ്കൾ മുതൽ ശനി വരെ വൈകുന്നേരം അഞ്ച് മുതൽ ഏഴുവരെ. വിശദ വിവരങ്ങൾക്ക് സിഎസിഇഇ ഓഫീസുമായി ബന്ധപ്പെടുക. ഫോണ് : 04712302523.
പോസ്റ്റ് ഗ്രാജ്വേറ്റ് ഡിപ്ലോമ
ഇൻസ്റ്റിറ്റ്യൂട്ട് ഓഫ് ഇംഗ്ലീഷ് നടത്തുന്ന പാർട്ട് ടൈം ഈവനിംഗ് (എട്ട് മാസം) കോഴ്സായ പോസ്റ്റ് ഗ്രാജ്വേറ്റ് ഡിപ്ലോമ ഇൻ ഇംഗ്ലീഷ് ഫോർ കമ്യൂണിക്കേഷന്‍റെ (201718) ക്ലാസുകൾ ഓഗസ്റ്റ് ഒന്നിന് ആരംഭിക്കും. ഇംഗ്ലീഷ് ഭാഷയിൽ ഫലപ്രദമായി ആശയവിനിമയം നടത്താൻ ആഗ്രഹിക്കുന്നവർക്കു വേണ്ടിയാണ് കോഴ്സ്.
അംഗീകൃത സർവകലാശാലകളിൽ നിന്നുള്ള ഏതെങ്കിലും വിഷയത്തിലെ ബിരുദമാണ് കുറഞ്ഞ യോഗ്യത. സർവകലാശാല കാഷ് കൗണ്ടറിൽ 20 രൂപ അടച്ച ചലാൻ സഹിതം ഇൻസ്റ്റിറ്റ്യൂട്ട് ഓഫ് ഇംഗ്ലീഷിന്‍റെ ഓഫീസിൽ നിന്ന് അപേക്ഷാഫോം കൈപ്പറ്റാം. ഇൻസ്റ്റിറ്റ്യൂട്ട് ഓഫ് ഇംഗ്ലീഷിൽ ജൂലൈ അഞ്ച് രാവിലെ 10.30 ന് നടത്തുന്ന പരീക്ഷയുടെ അടിസ്ഥാനത്തിലാണ് പ്രവേശനം നൽകുന്നത്. അവസാന തീയതി ജൂണ്‍ 17.
പരീക്ഷാകേന്ദ്രങ്ങൾ
മേയ് ജൂണിൽ നടത്തുന്ന സിബിസിഎസ് ബിഎ/ബിഎസ്‌സി/ബികോം (2010 അഡ്മിഷൻ മേഴ്സി ചാൻസ്, 2011, 2012 അഡ്മിഷൻ) പരീക്ഷകൾക്ക് അപേക്ഷിച്ച വിദ്യാർഥികൾക്കുള്ള പരീക്ഷാകേ ന്ദ്രങ്ങളുടെ വിശദ വിവരങ്ങൾ വെബ്സൈറ്റിൽ ലഭിക്കും.
തീയതി നീട്ടി
തുടർ വിദ്യാഭ്യാസ വ്യാപന കേന്ദ്രം നടത്തുന്ന പി.ജി ഡിപ്ലോമ ഇൻ യോഗ തെറാപ്പി (ഈവനിംഗ് ബാച്ച്) കോഴ്സിന് മേയ് 12വരെ അപേക്ഷിക്കാം. കേരള സർവകലാശാല അംഗീകരിച്ച ബിരുദമാണ് അടിസ്ഥാന യോഗ്യത. കോഴ്സ് കാലാവധി ഒരു വർഷം. ക്ലാസുകൾ തിങ്കൾ മുതൽ ശനി വരെ വൈകുന്നേരം അഞ്ച് മുതൽ ഏഴുവരെ. കോഴ്സ് ഫീസ് 19500 രൂപ. അപേക്ഷാഫീസ് 100 രൂപ. അവസാന തീയതി 12. വിശദവിവരങ്ങൾക്ക് ഫോണ് : 04712302523.