ബികോം പരീക്ഷ മാറ്റി
12ന് നടത്താനിരുന്ന രണ്ടാം വർഷ ബികോം (ആനുവൽ സ്കീം) പേപ്പർ IX പരീക്ഷ 24ലേക്ക് മാറ്റി. പരീക്ഷാകേ ന്ദ്രങ്ങൾക്കും സമയത്തിനും മാറ്റമില്ല.
എംഫിൽ പ്രവേശനം
സർവകലാശാലയിലേയും യൂണിവേഴ്സിറ്റി കോളജിലേയും വിവിധ പഠന വകുപ്പുകളിലേക്ക് എംഫിൽ അഡ്മിഷന് വേണ്ടിയുള്ള പ്രവേശന പരീക്ഷയ്ക്ക് ഓണ്ലൈനായി അപേക്ഷ ക്ഷണിച്ചു. 20 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ ലഭിക്കും.
കെമാറ്റ് കേരള പ്രവേശന പരീക്ഷ ഒരവസരംകൂടി
സർവകലാശാലകളുടെയും എംബിഎ കോളേജുകളുടെയും അപേക്ഷാർഥികളുടെയും അഭ്യർത്ഥന മാനിച്ചും സർവകലാശാലകൾ പരീക്ഷ ഫലം പുറപ്പെടുവിക്കുന്നതിൽ വരുന്ന കാലതാമസവും കണക്കിലെടുത്ത് എംബിഎ 201718 പ്രവേശനത്തിനുള്ള കെമാറ്റ് കേരള പരീക്ഷ ഒരിക്കൽകൂടി നടത്തുന്നതിന് എല്ലാ സർവകലാശാലകളും കൂടി തീരുമാനിച്ചു. അതിന്റെ അടിസ്ഥാനത്തിൽ കേരള സർവകലാശാലയാണ് പ്രവേശന മേൽനോട്ട സമിതിയുടെ നിയന്ത്രണത്തിൽ പ്രവേശന പരീക്ഷ നടത്തുന്നത്. 2017 കെമാറ്റ് കേരളയുടെ പരീക്ഷ ജൂണ് 11ന് രാവിലെ 10 മുതൽ 12.30 വരെ തിരുവനന്തപുരം, എറണാകുളം, കോഴിക്കോട് എന്നീ കേന്ദ്രങ്ങളിൽ നടത്തും. വിശദവിവരങ്ങൾ kmatkerala.inഎന്ന വെബ്സൈറ്റിൽ ലഭ്യമാണ്. ഓണ്ലൈനായി അപേക്ഷിക്കേണ്ട അവസാന തീയതി 31. കൂടൂതൽ വിവരങ്ങൾക്ക് ഫോണ് : 04712335133, 8547255133.
ബിഎസ്ഡബ്ല്യുയു ഫലം
കേരള സർവകലാശാല 2016 ജൂലൈയിൽ നടത്തിയ രണ്ടാം സെമസ്റ്റർ ബിഎസ്ഡബ്ല്യു ഡിഗ്രി (2014, 2015 സ്കീം) പരീക്ഷാഫലം സർവകലാശാല വെബ്സൈറ്റിൽ.
ബിബിഎ ഫലം
വിദൂര വിദ്യാഭ്യാസകേന്ദ്രം 2016 നവംബറിൽ നടത്തിയ ബിബിഎ (2014 റെഗുലർ ആൻഡ് 2013 സപ്ലിമെന്ററി) നാലാം സെമസ്റ്റർ പരീക്ഷാഫലം പ്രസിദ്ധീകരിച്ചു. പരീക്ഷാഫലം വിദൂര വിദ്യാഭ്യാസകേന്ദ്രത്തിൽ നിന്നു ലഭിക്കും. പുനർമൂല്യനിർണയത്തിനും സൂക്ഷ്മ പരിശോധനയ്ക്കും അപേക്ഷിക്കേണ്ട അവസാന തീയതി ജൂണ് 20.
ബിഎ ഓണേഴ്സ് ഫലം
നവംബറിൽ നടത്തിയ ബിഎ ഓണേഴ്സ് ഡിഗ്രി പ്രോഗ്രാം ഇൻ ഇംഗ്ലീഷ് ലാംഗ്വേജ് ആൻഡ് ലിറ്ററേച്ചർ പരീക്ഷാഫലം സർവകലാശാല വെബ്സൈറ്റിൽ.
ബിആർക് സ്പെഷൽ സപ്ലിമെന്ററി ജൂറി പരീക്ഷ
മൂന്നാം സെമസ്റ്റർ ബിആർക് ആർക്കിടെക്ചറൽ ഡിസൈൻ ജൂറി (2013 സ്കീം) പരീക്ഷയിൽ പരാജയപ്പെട്ട വിദ്യാർഥികൾക്ക് സ്പെഷൽ സപ്ലിമെന്ററി ജൂറി പരീക്ഷ 16ന് അതാത് കോളജുകളിൽ നടക്കും. ജൂറിയിൽ പരാജയപ്പെട്ട വിദ്യാർഥികൾ 230 രൂപ ഫീസടച്ച് 12നു മുന്പായി സ്പെഷൽ ജൂറിക്ക് വേണ്ടി യൂണിവേഴ്സിറ്റിയിൽ രജിസ്റ്റർ ചെയ്യണം.
ബികോം പരീക്ഷാ കേന്ദ്രങ്ങളിൽ മാറ്റം
15ന് ആരംഭിക്കുന്ന ഒന്നാം വർഷ ബികോം ആന്വൽ സ്കീം പരീക്ഷയ്ക്ക് മാർ ഈവാനിയോസ് കോളജ്, ഗവ. സംസ് കൃത കോളജ് എന്നിവ ആവശ്യപ്പെട്ട പെണ്കുട്ടികൾ നീറമണ്കര എൻഎസ്എസ് കോളജ് ഫോർ വിമനിലും മാർ ഈവാനിയോസ് ആവശ്യപ്പെട്ട ആണ്കുട്ടികൾ തോന്നക്കൽ എ.ജെ. കോളജ് ഫോർ സയൻസ് ആൻഡ് ടെക്നോളജിയിലും സംസ്കൃത കോളജ് ആവശ്യപ്പെട്ട ആണ്കുട്ടികളിൽ രജിസ്റ്റർ നം.3031602001 മുതൽ 3031602150 വരെയുള്ളവർ കാഞ്ഞിരംകുളം കെഎൻഎം ഗവ. ആർട്സ് ആൻഡ് സയൻസ് കോളജിലും തുന്പ സെന്റ് സേവിയേഴ്സ് കോളജ് ആവശ്യപ്പെട്ടവരിൽ രജിസ്റ്റർ നം.3031612120 മുതൽ 3031612319 വരെയുള്ളവർ ചെന്പഴന്തി എസ്എൻ കോളജിലും നെടുമങ്ങാട് ഗവ. കോളജ് ആവശ്യപ്പെട്ടവരിൽ രജിസ്റ്റർ നം.303 1621001 മുതൽ 3031621100 വരെയുള്ളവർ കുറവൻകോണം യുഐടിയിലും കൊട്ടിയം എൻഎസ്എസ് കോളജ് ആവശ്യപ്പെട്ടവരിൽ രജിസ്റ്റർ നം.3031628001 മുതൽ 3031628150 വരെയുള്ളവരും ശാസ്താംകോട്ട ഡി.ബി കോളജ് ആവശ്യപ്പെട്ടവരിൽ രജിസ്റ്റർ നം. 3031634201 മുതൽ 3031634400 വരെയുള്ളവരും കരുനാഗപ്പള്ളി ശ്രീവിദ്യാധിരാജ കോളജിലും കൊല്ലം എസ്എൻ കോളജ് ആവശ്യപ്പെട്ട പെണ്കുട്ടികൾ കൊല്ലം എസ്എൻ കോളജ് ഫോർ വിമണിലും കൊല്ലം എഫ്എംഎൻ കോളജ് ആവശ്യപ്പെട്ടവരിൽ രജിസ്റ്റർ നം. 3031631301 മുതൽ 3031631400 വരെയുള്ളവർ പേരയം എൻഎസ്എസ് ആർട്സ് ആൻഡ് സയൻസ് കോളജിലും രജിസ്റ്റർ നം. 3031631401 മുതൽ 3031631500 വരെയുള്ളവർ കൊല്ലം മയ്ലാപൂർ ഫാത്തിമ മെമ്മോറിയൽ ട്രെയിനിംഗ് കോളേജിലും ചേർത്തല എസ്.എൻ കോളജ് ആവശ്യപ്പെട്ടവരിൽ രജിസ്റ്റർ നം. 3031648001 മുതൽ 3031648145 വരെയുള്ളവർ ചേർത്തല എൻഎസ്എസ് കോളജിലും പന്തളം എൻഎസ്എസ് കോളജ് ആവശ്യപ്പെട്ടവരിൽ രജിസ്റ്റർ നം. 3031656001 മുതൽ 3031656300 വരെയുള്ളവർ ചെങ്ങന്നൂർ എസ്എൻ കോളജിലും പരീക്ഷ എഴുതണം. ഒന്നാം വർഷ വിദ്യാർഥികൾ വെബ്സൈറ്റിൽ നിന്നു പരീക്ഷ തുടങ്ങുന്നതിന് മുന്പായി ഹാൾടിക്കറ്റ് ഡൗണ്ലോഡ് ചെയ്യണം. രണ്ടും മൂന്നും വർഷ വിദ്യാർഥികൾ അവർ പരീക്ഷ എഴുതിയ കേന്ദ്രങ്ങളിൽ തന്നെ പരീക്ഷ എഴുതണം.
എംഎഡ് ഫലം
2016 നവംബറിൽ നടത്തിയ ഒന്നാം സെമസ്റ്റർ എംഎഡ് ഡിഗ്രി (ദ്വിവത്സര പ്രോഗ്രാം) റെഗുലർ ആൻഡ് സപ്ലിമെന്ററി പരീക്ഷാഫലം സർവകലാശാല വെബ്സൈറ്റിൽ.
ബിആർക് ടൈംടേബിൾ
17ന് തുടങ്ങുന്ന എട്ടാം സെമസ്റ്റർ ബിആർക് (റെഗുലർ 2013 സ്കീം) പരീക്ഷയുടെ ടൈംടേബിൾ വെബ്സൈറ്റിൽ.
ബിഎസ്സി കംപ്യൂട്ടർ സയൻസ്/ബിസിഎ പരീക്ഷ
വിദൂര വിദ്യാഭ്യാസ വിഭാഗം ജൂണ് 14ന് ആരംഭിക്കുന്ന അവസാന വർഷ ബിഎസ്സി കംപ്യൂട്ടർ സയൻസ്/ ബിസിഎ ആന്വൽ സ്കീം പരീക്ഷകൾക്ക് 15വരെ (50 രൂപ പിഴയോടെ മെയ് 17, 125 രൂപ സൂപ്പർ ഫൈനോട് കൂടി മെയ് 19) ഫീസടച്ച് അപേക്ഷിക്കാം. 2013 സ്കീം 20142017 ബാച്ച് വിദ്യാർഥികൾ ഓണ്ലൈനായും 2013 സ്കീം സപ്ലിമെന്ററി (പുതിയ സ്കീം), 2013ന് മുന്പുള്ള (പഴയ സ്കീം) വിദ്യാർഥികൾ ഓഫ്ലൈനായും അപേക്ഷിക്കണം. പരീക്ഷാഫീസിന് പുറമേ 200 രൂപ സി.വി ക്യാന്പ് ഫീസായി അടയ്ക്കണം.
ബിടെക് പരീക്ഷ
ജൂണിൽ നടത്തുന്ന നാലാം സെമസ്റ്റർ ബിടെക് ഡിഗ്രി (2013 സ്കീം) ഇംപ്രൂവ്മെന്റ്/സപ്ലിമെന്ററി പരീക്ഷയ്ക്ക് പിഴകൂടാതെ 18 വരെ (50 രൂപ പിഴയോടെ മെയ് 20, 125 രൂപ സൂപ്പർ ഫൈനോട് കൂടി മെയ് 23) ഫീസടച്ച് അപേക്ഷിക്കാം. സെഷണൽ ഇംപ്രൂവ്മെന്റായി പ്രസ്തുത പരീക്ഷ എഴുതുന്നവർ സർവകലാശാലയിൽ നേരിട്ട് അപേക്ഷിക്കണം. വിശദവിവരങ്ങൾ വെബ്സൈറ്റിൽ.
കേരള സർവകലാശാല ജൂണിൽ നടത്തുന്ന നാലാം സെമസ്റ്റർ ബിടെക് ഡിഗ്രി (2013 സ്കീം) റഗുലർ (2015 അഡ്മിഷൻ) പരീക്ഷയ്ക്ക് കാര്യവട്ടം എൻജിനിയറിംഗ് കോളജിലെ വിദ്യാർഥികൾക്ക് 18വരെ (50 രൂപ പിഴയോടെ മെയ് 20, 125 രൂപ സൂപ്പർ ഫൈനോട് കൂടി മെയ് 23) ഫീസടച്ച് ഓണ്ലൈനായി അപേക്ഷിക്കാം. വിശദവിവരങ്ങൾ വെബ്സൈറ്റിൽ.