സ്വയംഭരണ കോളജ് പ്രവേശനം : സര്‍വകലാശാലാ ഷെഡ്യൂള്‍ പാലിക്കണം
201718 അധ്യയന വര്‍ഷം മുതല്‍ സ്വയം ഭരണ കോളജുകളിലെ വിദ്യാര്‍ഥി പ്രവേശനം ഉള്‍പ്പെടെയുള്ള എല്ലാ അക്കാദമിക പ്രവര്‍ത്തനങ്ങളും സര്‍വകലാശാലയുടെ അക്കാദമിക് കലണ്ടര്‍ പ്രകാരം മാത്രം നടത്തേണ്ടതാണ്. പ്രവേശന നടപടികളില്‍ യൂണിവേഴ്‌സിറ്റി നിര്‍ദേശപ്രകാരമുള്ള സമയക്രമം എല്ലാ സ്വയം ഭരണ കോളജുകളും കര്‍ശനമായി പാലിക്കേണ്ടതാണ്.
പരീക്ഷാതീയതി
നാലാം സെമസ്റ്റര്‍ ബിഎസ്‌സി സൈബര്‍ ഫോറന്‍സിക്, ആറാം സെമസ്റ്റര്‍ ബിഎ കോര്‍പറേറ്റ് ഇക്കണോമിക്‌സ്, ഇക്കണോമിക്‌സ് (ഓണേഴ്സ്) (സിബിസിഎസ്എസ് റെഗുലര്‍, റീഅപ്പിയറന്‍സ്, സപ്ലിമെന്‍ററി 2013 മുതലുള്ള അഡ്മിഷന്‍) ഡിഗ്രി പരീക്ഷകളുടെ കോര്‍ പേപ്പറുകള്‍ 26 മുതല്‍ നടത്തും. വിശദമായ ടൈംടേബിള്‍ യൂണിവേഴ്‌സിറ്റി വെബ്‌സൈറ്റില്‍ ലഭ്യമാണ്.
ഒന്നാം സെമസ്റ്റര്‍ എംഫില്‍ ബിസിനസ് സ്റ്റഡീസ് (2016 അഡ്മിഷന്‍ റെഗുലര്‍, സപ്ലിമെന്‍ററി) ഡിഗ്രി പരീക്ഷകള്‍ 26ന് ആരംഭിക്കും. അപേക്ഷകള്‍ പിഴയില്ലാതെ 17 വരെയും 50 രൂപ പിഴയോടെ 18 വരെയും 500 രൂപ സൂപ്പര്‍ ഫൈനോടെ 19 വരെയും സ്വീകരിക്കും.
പരീക്ഷാ ടൈംടേബിള്‍ പുതുക്കി
17ന് ആരംഭിക്കുന്ന നാലാം സെമസ്റ്റര്‍ എംഎസ്‌സി ബയോടെക്‌നോളജി പരീക്ഷയുടെ ടൈംടേബിള്‍ പുതുക്കി. പുതുക്കിയ ടൈംടേബിള്‍ സര്‍വകലാശാലാ വെബ്‌സൈറ്റില്‍ ലഭ്യമാണ്.
പരീക്ഷാഫലം
2016 ഓഗസ്റ്റില്‍ നടത്തിയ രണ്ടാം സെമസ്റ്റര്‍ എംഎസ്‌സി എന്‍വയോണ്‍മെന്‍റ് സയന്‍സ് ആന്‍ഡ് മാനേജ്‌മെനന്‍റ്് റെഗുലര്‍ ഡിഗ്രി പരീക്ഷയുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനര്‍മൂല്യനിര്‍ണയത്തിനുമുള്ള അപേക്ഷകള്‍ 20 വരെ സ്വീകരിക്കും.
2017 ജനുവരിയില്‍ നടത്തിയ മൂന്നാം സെമസ്റ്റര്‍ എംഎസ്‌സി. എന്‍വയോണ്‍മെന്‍റ്് സയന്‍സ് ആൻഡ്് മാനേജ്‌മെന്‍റ്് റെഗുലര്‍, സപ്ലിമെനന്‍ററി ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനര്‍മൂല്യനിര്‍ണയത്തിനുമുള്ള അപേക്ഷകള്‍ 23 വരെ സ്വീകരിക്കും.
ശില്പശാല
നാഷണല്‍ സര്‍വീസ് സ്‌കീം വിഭാഗവും ഇന്‍റര്‍യൂണിവേഴ്‌സിറ്റി സെന്റര്‍ ഫോര്‍ ഓര്‍ഗാനിക് ഫാമിംഗ് (IUCOFSA)പഠന കേന്ദ്രവും ചേര്‍ന്ന് നടത്തുന്ന എന്‍എസ്എസ് പ്രോഗ്രാം ഓഫീസര്‍മാര്‍ക്കായുള്ള ഏകദിന ശില്പശാല 15നു രാവിലെ 10.30 ന് യൂണിവേഴ്‌സിറ്റി സ്‌ക്കൂള്‍ ഓഫ് പ്യൂവര്‍ ആന്‍ഡ് അപ്ലൈഡ് ഫിസിക്‌സ് ഓഡിറ്റോറിയത്തില്‍ നടത്തും.
എഴുത്തുപരീക്ഷ 15 ന്
ഹെല്‍ത്ത് സെന്‍ററില്‍ കരാര്‍ അടിസ്ഥാനത്തില്‍ ലാബ് ടെക്‌നീഷൻ നിയമനത്തിനുള്ള എഴുത്തുപരീക്ഷ 15നു ഉച്ച കഴിഞ്ഞ് രണ്ടു മുതല്‍ മൂന്നു വരെ യൂണിവേഴ്‌സിറ്റി കാമ്പസിലെ സ്‌കൂള്‍ ഓഫ് മാനേജ്‌മെന്റ് ആന്‍ഡ് ബിസിനസ് സ്റ്റഡീസില്‍ നടത്തും. ഉദ്യോഗാര്ഥികള് 1.30 ന് പരീക്ഷാഹാളില്‍ മെമ്മോയും ഫോട്ടോപതിച്ച അംഗീകൃത തിരിച്ചറിയല്‍ കാര്‍ഡുമായി ഹാജരാകേണ്ടതാണ്. മെമ്മോ ലഭിക്കാത്ത അപേക്ഷകര്‍ക്ക് തിരിച്ചറിയല്‍ കാര്‍ഡുമായി പരീക്ഷയ്ക്ക് ഹാജരാകാം. സര്‍ട്ടിഫിക്കറ്റുകളുടെ സൂക്ഷ്മ പരിശോധനയ്ക്കു ശേഷം മാത്രമേ ഉദ്യോഗാര്ഥികളുടെ അര്‍ഹത തീരുമാനിക്കുകയുള്ളൂ. അതിനാല്‍ എഴുത്തുപരീക്ഷയ്ക്കുള്ള പ്രവേശനം സോപാധികമായിരിക്കും. ഫോണ്‍ : 0481 2733302
പിജി പ്രവേശനം : അപേക്ഷിക്കേണ്ട അവസാന തീയതി 15
കോമണ്‍ അഡ്മിഷന്‍ ടെസ്റ്റിനുള്ള (CATMGU) അപേക്ഷകള്‍ സമര്‍പ്പിക്കുന്നതിനുള്ള അവസാനതീയതി 15 ആണ്. സര്‍വകലാശാലാ പഠനവകുപ്പുകളിലെ വിവിധ എംഎ, എംഎസ്‌സി, എല്‍എല്‍എം, എംടിടിഎം, എംഎഡ് പ്രോഗ്രാമുകളിലേക്കാണ് പ്രവേശനപരീക്ഷ നടത്തുന്നത്. ഇപ്പോള്‍ അവസാന സെമസ്റ്റര്‍ പരീക്ഷയെഴുതി ഫലം കാത്തുനില്‍ക്കുന്നവര്‍ക്കും അപേക്ഷിക്കാം. ഓണ്‍ലൈനായാണ് അപേക്ഷയും ഫീസും സമര്‍പ്പിക്കേണ്ടത്. പ്രവേശനപരീക്ഷയിലെ റാങ്കിന്‍റെ അടിസ്ഥാനത്തിലായിരിക്കും പ്രവേശനം. പ്രവേശനപരീക്ഷയ്ക്ക് തിരുവനന്തപുരം, കോട്ടയം, കൊച്ചി, കോഴിക്കോട് എന്നിവിടങ്ങളില്‍ പരീക്ഷാ കേന്ദ്രങ്ങളുണ്ടായിരിക്കും. യോഗ്യതാപരീക്ഷയെഴുതി ഫലം കാത്തിരിക്കുന്ന വിദ്യാര്‍ഥികള്‍ക്കും അപേക്ഷിക്കാം. വിശദവിവരങ്ങള്‍ വെബ്‌സൈറ്റിൽ. ഫോണ്‍ : 0481 6555562.