ബിഎച്ച്എം, ബിപിഎഡ്: 25 വരെ അപേക്ഷിക്കാം
ബാച്ചലർ ഓഫ് ഹോട്ടൽ മാനേജ്മെന്റ്, ബിപിഎഡ് ഇന്റഗ്രേറ്റഡ് (നാല് വർഷം, യോഗ്യത: പ്ലസ്ടു/തത്തുല്യം), ബിപിഎഡ് (രണ്ട് വർഷം, യോഗ്യത: അംഗീകൃത ബിരുദം) എന്നീ പ്രവേശന പരീക്ഷകളുള്ള കോഴ്സുകൾക്ക് 25 വരെ ഓണ്ലൈനിൽ അപേക്ഷിക്കാം. അവസാന വർഷ ഫലം കാത്തിരിക്കുന്നവർക്കും അപേക്ഷിക്കാം. ഫോണ്: 0494 2407016, 2407017.
പിജി പ്രവേശന പരീക്ഷ: 25 വരെ അപേക്ഷിക്കാം
എംഎസ് സി കംപ്യൂട്ടർ സയൻസ്, എംഎസ് സി ജനറൽ ബയോടെക്നോളജി, എംഎസ് സി ഹെൽത്ത് ആൻഡ് യോഗ തെറാപ്പി, എംസിജെ, എംഎസ് സി അപ്ലൈഡ് സൈക്കോളജി, എംഎസ് സി ക്ലിനിക്കൽ സൈക്കോളജി, എംഎസ് സി ഫുഡ് സയൻസ് ആൻഡ് ടെക്നോളജി, എംപിഎഡ്, എംഎസ് സി റേഡിയേഷൻ ഫിസിക്സ്, എംഎ ഫോക്ലോർ, എംഎസ് സി എൻവയോണ്മെന്റൽ സയൻസ്, എംഎസ് സി അപ്ലൈഡ് സുവോളജി, എംഎസ് സി അപ്ലൈഡ് കെമിസ്ട്രി, എംഎസ് സി സൈക്കോളജി, എംഎസ് സി അപ്ലൈഡ് പ്ലാന്റ് സയൻസ് എന്നീ പ്രവേശന പരീക്ഷകളുള്ള പിജി കോഴ്സുകൾക്ക് 25 വരെ ഓണ്ലൈനിൽ അപേക്ഷിക്കാം. വിജ്ഞാപനപ്രകാരമുള്ള യോഗ്യതയുള്ളവർക്കും ഫലം കാത്തിരിക്കുന്നവർക്കും അപേക്ഷിക്കാം. വിവരങ്ങൾക്ക്: ഫോണ്: 0494 2407016, 2407017.
ബിരുദ പ്രവേശന രജിസ്ട്രേഷൻ 20ന് ആരംഭിക്കും
201718 അധ്യയന വർഷത്തെ ഏകജാലകം മുഖാന്തരം ബിരുദ പ്രവേശനത്തിനുള്ള ഓണ്ലൈൻ രജിസ്ട്രേഷൻ 20ന് ആരംഭിക്കും. ഓണ്ലൈൻ അപേക്ഷാ ഫീസ് 18 മുതൽ അടയ്ക്കാം. പട്ടികജാതി ക്ഷേമ വകുപ്പിൽ നിന്നും ലഭിക്കേണ്ട ഫീ കുടിശിക അടച്ചുതീർക്കാത്ത കോളജുകൾക്കുള്ള അലോട്ട്മെന്റ് കുടിശ്ശിക തീർക്കുന്ന മുറയ്ക്ക് മാത്രമേ ലഭ്യമാവുകയുള്ളൂ.
പരീക്ഷ
എൽഎൽബി ഒന്പതാം സെമസ്റ്റർ (പഞ്ചവത്സരം), അഞ്ചാം സെമസ്റ്റർ (ത്രിവത്സരം) (200007 പ്രവേശനം) സപ്ലിമെന്ററി പരീക്ഷ കോഴിക്കോട്, തൃശൂർ ഗവണ്മെന്റ് ലോ കോളജുകളിൽ ജൂണ് ഒന്പതിന് രാവിലെ 9.30ന് ആരംഭിക്കും.
പരീക്ഷാഫലം
2016 ഏപ്രിലിൽ നടത്തിയ നാലാം സെമസ്റ്റർ ബിആർക് 2012 സ്കീം റഗുലർ/സപ്ലിമെന്ററി/ഇംപ്രൂവ്മെന്റ്, 2004 സ്കീം സപ്ലിമെന്ററി (2009, 2010, 2011 പ്രവേശനം) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 30 വരെ ഓണ്ലൈനിൽ അപേക്ഷിക്കാം. അപേക്ഷയുടെ പ്രിന്റൗട്ട് ചലാൻ സഹിതം ജൂണ് രണ്ടിനകം ലഭിക്കണം.
2016 ഡിസംബറിൽ നടത്തിയ ഒന്ന്, മൂന്ന് സെമസ്റ്റർ എംഎ ഹിന്ദി (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 26 വരെ ഓണ്ലൈനിൽ അപേക്ഷിക്കാം.
വിദൂരവിദ്യാഭ്യാസം നാലാം സെമസ്റ്റർ ബിഎ അഫ്സൽഉൽഉലമ (സിയുസിബിസിഎസ്എസ്) ഏപ്രിൽ 2016 പരീക്ഷാഫലം വെബ്സൈറ്റിൽ.
രണ്ടാം വർഷ ബിഎസ് സി മെഡിക്കൽ ബയോകെമിസ്ട്രി, മെഡിക്കൽ മൈക്രോബയോളജി, മെഡിക്കൽ ലബോറട്ടറി ടെക്നോളജി (ഏപ്രിൽ 2016) റഗുലർ/സപ്ലിമെന്ററി പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 26 വരെ ഓണ്ലൈനിൽ അപേക്ഷിക്കാം.