കാർഷിക-ഗാർഹിക ജലവിതരണം കംപ്യൂട്ടർ നിയന്ത്രിതമാക്കുന്ന ഉപകരണങ്ങളുടെ പ്രദർശനവും പരിശീലനവും
തേഞ്ഞിപ്പലം: കാർഷികഗാർഹിക ജലവിതരണം കംപ്യൂട്ടർ നിയന്ത്രിതമാക്കി ജലം പാഴാക്കുന്നത് തടയുന്നതിനുള്ള ഉപകരണങ്ങൾ കുറഞ്ഞ ചെലവിൽ കർഷകരിൽ എത്തിക്കുകയെന്ന ലക്ഷ്യത്തോടെ 22ന് രാവിലെ 11ന് സർവകലാശാലാ ആര്യഭട്ട ഹാളിൽ ഉപകരണങ്ങളുടെ പ്രദർശനവും പരിശീലനവും സംഘടിപ്പിക്കും.
നിശ്ചിത സമയത്ത് മോട്ടോർ പ്രവർത്തിപ്പിക്കുന്ന പ്രോഗ്സ്റ്റാർട്ട്, മൊബൈൽ ഫോണ് ഉപയോഗിച്ച് മോട്ടോർ പ്രവർത്തിപ്പിക്കുന്ന റിമോസ്റ്റാർട്ട്, മറ്റ് വിവിധ തരം ഉപകരണങ്ങൾ എന്നിവയുടെ പ്രദർശനം ഉണ്ടായിരിക്കും. സർവകലാശാലാ ഫിസിക്സ് പഠനവകുപ്പിലെ വിജ്ഞാന വ്യാപന വിഭാഗമാണ് ഈ ഉപകരണങ്ങൾ വികസിപ്പിച്ചെടുത്തത്. പരിപാടിയിൽ പങ്കെടുക്കുന്ന കർഷകരിൽ നിന്നും നറുക്കിട്ടെടുക്കുന്ന 20 പേർക്ക് ഉപകരണങ്ങൾ സൗജന്യമായി നൽകും.
താത്പര്യമുള്ളവർ 19നകം രജിസ്റ്റർ ചെയ്യണം. ഫോണ്: 9447924725 (ഡോ.മുഹമ്മദ് ഷാഹിൻ തയ്യിൽ), 9747917623 (ഡോ.അബ്ദുൾ കരീം തോട്ടോളി).
മൂല്യനിർണയ ക്യാന്പിൽ പങ്കെടുക്കണം
തേഞ്ഞിപ്പലം: കാലിക്കട്ട് സർവകലാശാലയുടെ പരീക്ഷാഫലങ്ങൾ എത്രയും പെട്ടെന്ന് പ്രസിദ്ധീകരിക്കുന്നതിനായി എല്ലാ അഫിലിയേറ്റഡ് കോളജുകളിലെയും അധ്യാപകർ 18 മുതൽ ആരംഭിക്കുന്ന ബിഎ, ബിഎസ് ഡബ്ല്യൂ, ബിവിസി, ബിടിടിഎം, ബിഎ അഫ്സൽഉൽഉലമ ആറാം സെമസ്റ്റർ (സിയുസിബിസിഎസ്എസ്) മൂല്യനിർണയ ക്യാന്പിൽ പങ്കെടുക്കണം. കോളജ് പ്രിൻസിപ്പൽമാർ അവരവരുടെ ഡിപ്പാർട്ടുമെന്റിലെ മുഴുവൻ അധ്യാപകരും ക്യാന്പിൽ പങ്കെടുക്കുന്നുണ്ടെന്ന് ഉറപ്പുവരുത്തണം.
ക്യാന്പുകളുടെ വിശദാംശങ്ങൾ വെബ്സൈറ്റിൽ. മൂല്യനിർണയ ക്യാന്പിൽ പങ്കെടുക്കാത്ത അധ്യാപകർക്കെതിരെ കർശന നടപടി സ്വീകരിക്കുമെന്നും പരീക്ഷാ കണ്ട്രോളർ അറിയിച്ചു.