ഓണ്‍ലൈൻ രജിസ്ട്രേഷൻ ആരംഭിച്ചു
അഫിലിയേറ്റ് ചെയ്തിട്ടുള്ള ആർട്സ് ആൻഡ് സയൻസ് കോളജുകളിലും (ഗവണ്‍മെന്‍റ്, എയ്ഡഡ്/സ്വാശ്രയ), യുഐടി , ഐഎച്ച്ആർഡി എന്നിവിടങ്ങളിലും ഒന്നാം വർഷ ബിരുദ പ്രോഗാമുകളിലേക്ക് (201718) പ്രവേശനത്തിന് ഓണ്‍ലൈൻ admis sions.keralauniversity.ac.in.രജിസ്ട്രേഷൻ ആരംഭിച്ചു.
അഫിലിയേറ്റ് ചെയ്തിട്ടുള്ള എല്ലാ കോളജുകളിലും 201718 വർഷം ബിരുദ പ്രവേശനം ഏകജാലക സംവിധാനത്തിലൂടെ നടത്തും. എല്ലാ കോളജുകളിലേയും മെരിറ്റ് സീറ്റുകളിലേക്കും , എസ്‌സി/ എസ്ടി/ എസ്ഇബിസി സംവരണ സീറ്റുകളിലേക്കും ഏകജാലക സംവിധാനം വഴി തന്നെ ആയിരിക്കും അലോട്ട്മെന്റ്. പ്രവേശനം ആഗ്രഹിക്കുന്ന എല്ലാ വിദ്യാർഥികളും ഏകജാലക സംവിധാനം വഴി അപേക്ഷ സമർപ്പിക്കണം.
മാനേജ്മെന്‍റ് , കമ്യൂണിറ്റി, വികലാംഗർ, തമിഴ് ഭാഷ ന്യൂനപക്ഷ വിഭാഗങ്ങൾ, ലക്ഷദ്വീപ് നിവാസികൾ ,സ്പോർട്സ് ക്വോട്ട എന്നിവയിൽ പ്രവേശനം ആഗ്രഹിക്കുന്നവരും തന്നെ ഏകജാലക സംവിധാനത്തിലൂടെ അപേക്ഷ സമർപ്പിക്കണം.
ശ്രദ്ധാപൂർവം, കൃത്യതയോടെ രജിസ്ട്രേഷൻ പൂർത്തിയാക്കേണ്ടതാണ്. രജിസ്ട്രേഷൻ സമയത്തു നൽകുന്ന മൊബൈൽ ഫോണ്നന്പറുകൾ പ്രവേശന നടപടികൾ അവസാനിക്കുന്നതുവരെ ഒരു കാരണവശാലും മാറ്റരുത്.
ഓണ്‍ലൈൻ രജിസ്ട്രേഷൻ ചെയ്യുന്പോഴുണ്ടാകുന്ന തെറ്റുകൾ രജിസ്ട്രേഷൻ കാലയളവിൽ വിദ്യാർഥികൾക്ക് അവരവരുടെ ആപ്ലിക്കേഷൻ നന്പറും പാസ്‌വേഡും ഉപയോഗിച്ച് ലോഗിൻ ചെയ്തു പരിഹരിക്കാം.
പേരും ജനനത്തീയതിയും തിരുത്തുന്നതിന് ലോഗിൻ പേജിൽ ഉള്ള ഫോറം എന്ന ലിങ്ക് ഉപയോഗിക്കാം.
രജിസ്ട്രേഷൻ കാലയളവ് കഴിഞ്ഞാൽ എല്ലാ തെറ്റുകളും ഫോറം ലിങ്ക് വഴി മാത്രമേ പരിഹരിക്കാൻ സാധിക്കുകയുള്ളു. ഫോറം ലിങ്കിൽ പരാതികൾ രജിസ്റ്റർ ചെയ്യുന്പോൾ പരാതി പരിഹരിക്കുന്നതിനാധാരമായ ഡോക്യുമെന്റ്സ് (രേഖകൾ) അപ്‌ലോഡ് ചെയ്യണം. ഇപ്രകാരം ചെയ്യുന്പോൾ ലഭിക്കുന്ന ടോക്കണ് നന്പർ വിദ്യാർഥികൾ സൂക്ഷിക്കേണ്ട തും പിന്നീട് പരാതികൾ സംബന്ധിച്ച് സർവകലാശാലയുമായുള്ള ഇടപാടുകളിൽ നിർബന്ധമായും ഉപയോഗിക്കേണ്ട തുമാണ്.
രജിസ്ട്രേഷൻ പൂർത്തീകരിച്ച് ഒരു പ്രിന്‍റ് ഔട്ട് എടുത്ത് സൂക്ഷിക്കണം. ഏകജാലക സംവിധാനത്തിലുള്ള എല്ലാ ഫീസുകളും വെബ്സൈറ്റിൽ നിന്ന് ലഭിക്കുന്ന പ്രത്യേക ചെലാൻ ഉപയോഗിച്ച് എസ്ബിഐ വഴി മാത്രം അടയ്ക്കണം. ഡി.ഡി, ചെക്ക് എന്നിവ സ്വീകരിക്കുന്നതല്ല.
04712304631, 2386296, 82818830 52, 8281883053 എന്നീ ഹെൽപ്പ്ലൈൻ നന്പരുകളിൽ എല്ലാ പ്രവൃത്തി ദിവസങ്ങളിലും രാവിലെ 10 മുതൽ വൈകുന്നേരം അഞ്ചുവരെ ബന്ധപ്പെടാം.
രജിസ്ട്രേഷൻ അവസാനിക്കുന്ന തീയതി, അലോട്ട്മെന്റുകളുടെ തീയതി എന്നിവ സിബിഎസ്‌സി 12ാം ക്ലാസിലെ പരീക്ഷാഫലം പ്രസിദ്ധീകരിച്ച ശേഷം വിജ്ഞാപനം ചെയ്യുന്നതായിരിക്കും. ഓണ്‍ലൈൻ അപേക്ഷയുടെ പ്രിന്‍റൗട്ട് സർവകലാശാല ഓഫീസിലേക്ക് അയക്കേണ്ട തില്ല. പ്രവേശന സമയത്ത് അതത് കോളജുകളിൽ ഹാജരാക്കിയാൽ മതി.
കമ്യൂണിറ്റി ക്വോട്ടയിലേക്കുള്ള അപേക്ഷകൾ, ഓണ്‍ലൈൻ അപേക്ഷയുടെ പ്രിന്‍റൗട്ടും അനുബന്ധ രേഖകളും സഹിതം ബന്ധപ്പെട്ട കോളജുകളിൽ സമർപ്പിക്കണം.
പ്രോജക്ട് മൂല്യനിർണയവും വാചാപരീക്ഷയും
2017 ഏപ്രിലിൽ നടത്തിയ ആറാം സെമസ്റ്റർ ബിപിഎ വീണ പരീക്ഷയുടെ പ്രാക്ടിക്കൽ പരീക്ഷയും പ്രോജക്ട് മൂല്യനിർണയവും വാചാപരീക്ഷയും 18, 19 തീയതികളിൽ ശ്രീ സ്വാതിതിരുനാൾ സംഗീത കോളജിൽ നടക്കും. വിശദമായ ടൈംടേബിൾ വെബ്സൈറ്റിൽ ലഭിക്കും.
വോട്ടർ പട്ടികകൾ പ്രസിദ്ധീകരിച്ചു
സെനറ്റിലേക്കും സ്റ്റുഡന്‍റ്സ് കൗണ്‍സിലിലേയ്ക്കുമുള്ള വിദ്യാർഥി പ്രതിനിധികളുടേയും കേരള സർവകലാശാല യൂണിയൻ (201617) ഭാരവാഹികളുടേയും തെരഞ്ഞെടുപ്പുകളുമായി ബന്ധപ്പെട്ട വോട്ടർ പട്ടികകൾ ഇന്നലെ സർവകലാശാല ഓഫീസിൽ പ്രസിദ്ധീകരിച്ചു.
ബിആർക് ഫലം
2016 നവംബറിൽ നടത്തിയ ആറാം സെമസ്റ്റർ ബിആർക് (2013 സ്കീം) ഇംപ്രൂവ്മെന്‍റ്, സപ്ലിമെന്‍ററി പരീക്ഷയുടെ ഫലം വെബ്സൈറ്റിൽ .
മെഡിക്കൽദന്തൽ ബിരുദാനന്തര ബിരുദ രജിസ്ട്രേഷൻ
കേരള ആരോഗ്യ ശാസ്ത്ര സർവകലാശാലയുടെ കീഴിലുള്ള മെഡിക്കൽ ദന്തൽ കോളജുകളിലെ ബിരുദാനന്തര ബിരുദ കോഴ്സുകളിലേക്കുള്ള 201718 വർഷത്തെ പ്രവേശനത്തിനുള്ള അവസാന തിയതി മേയ് 31 ആയി നിശ്ചയിച്ചു. പ്രവേശനം ലഭിക്കുന്ന വിദ്യാർഥികളുടെ അടിസ്ഥാന വിവരങ്ങൾ ഓൺലൈനായി രജിസ്റ്റർ ചെയ്യുന്നതിനുള്ള സൗകര്യം കോളജുകൾക്കു മേയ് 31ന് അർധരാത്രി 12 മണി വരെ സർവകലാശാല വെബ്സൈറ്റിൽ ലഭ്യമാണ്. ഏതെങ്കിലും കാരണവശാൽ പ്രസ്തുത സമയത്തിനുള്ളിൽ ഓൺലൈൻ രജിസ്ട്രേഷൻ നടത്താൻ പറ്റാത്തവർക്കു അടിസ്ഥാന വിവരങ്ങൾ ജൂൺ ഒന്നിനു വൈകുന്നേരം അഞ്ചുവരെ സർവകലാശാല ഓഫീസിൽ നേരിട്ടു സമർപ്പിക്കാം. നിശ്ചിത സമയപരിധിക്കുള്ളിൽ രജിസ്ട്രേഷൻ നടത്താത്ത വിദ്യാർഥികളുടെ പ്രവേശനത്തിനു സർവകലാശാലയുടെ യാതൊരു അംഗീകാരവും ലഭിക്കുന്നതല്ല.
ബിഫാം ഡിഗ്രി സപ്ലിമെന്‍ററി പരീക്ഷാഫലം
കേരള ആരോഗ്യശാസ്ത്ര സർവകലാശാല 2017 ഫെബ്രുവരിയിൽ നടത്തിയ രണ്ടാംവർഷ ബിഫാം (2010, 2011, 2012, 2013, 2014 പ്രവേശനം) സപ്ലിമെന്‍ററി പരീക്ഷാഫലം, ഒന്നാം വർഷ 7 ബിഫാം (2010, 2011, 2012, 2013, 2014, 2015 പ്രവേശനം) സപ്ലിമെന്‍ററി പരീക്ഷാഫലം എന്നിവ പ്രസിദ്ധീകരിച്ചു.
റീടോട്ടലിംഗ്, ഉത്തരക്കടലാസിന്‍റെയും സ്കോർഷീറ്റിന്‍റെയും ഫോട്ടോകോപ്പി എന്നിവയ്ക്ക് അപേക്ഷിക്കുന്നവർ നിശ്ചിത ഫീസടച്ച് കോളജ് പ്രിൻസിപ്പൽമാർ മുഖേന ഓൺലൈനായി മേയ് 31നകം അപേക്ഷിക്കണം.