ബിരുദ പ്രവേശനം: ഒാൺലൈൻ രജിസ്ട്രേഷൻ ഇന്നു മുതൽ
ആർട്സ് ആൻഡ് സയൻസ് കോളജുകളിലെ ഏകജാലകം വഴിയുള്ള ഒന്നാം വർഷ ഡിഗ്രി പ്രവേശനത്തിന് ഓണ്‍ലൈൻ രജിസ്ട്രേഷൻ ഇന്നു തുടങ്ങും. സർവകലാശാല നേരിട്ട് ഏകജാലക സംവിധാനത്തിലൂടെ മെറിറ്റ് സീറ്റുകളിലേക്കും എസ്‌സി, എസ്ടി, എസ്ഇബിസി, ഇബിഎഫ്സി സംവരണ സീറ്റുകളിലേക്കും അലോട്ട്മെന്റ് നടത്തും.
മാനേജ്മെന്‍റ്, കമ്മ്യൂണിറ്റി, സ്പോർട്സ്, കൾച്ചറൽ ക്വാട്ട, വികലാംഗ വിഭാഗത്തിനു സംവരണ ചെയ്ത സീറ്റുകൾ എന്നിവയിലേക്ക് അപേക്ഷിക്കുന്നവർ പ്രവേശനം ആഗ്രഹിക്കുന്ന കോളജുകളിൽതന്നെ നേരിട്ട് അപേക്ഷ നൽകണം. ലക്ഷദ്വീപിൽനിന്നുള്ള അപേക്ഷകർക്കായി സീറ്റ് സംവരണമുണ്ട്. അവർ പ്രവേശനം ആഗ്രഹിക്കുന്ന കോളജുകളിൽത്തന്നെ അപേക്ഷ സമർപ്പിക്കണം. അവസാന തീയതി 29. വെബ്സൈറ്റ് www.cap.m gu.ac.in ഫോൺ: 0481 6555564, 2733379, 2733581.
കോളജുകളിൽ ഹെൽപ്പ് ഡെസ്ക്
ഏകജാലകം വഴിയുള്ള ഒന്നാം വർഷ ഡിഗ്രി പ്രോഗ്രാമുകളിലെ മെറിറ്റ്, സംവരണ സീറ്റുകളിലേക്കുള്ള ഓണ്‍ലൈൻ രജിസ്ട്രേഷനാവശ്യമായ ഹെൽപ്പ് ഡെസ്ക് സംവിധാനം ഏകജാലക സംവിധാനത്തിൽ വരുന്ന എല്ലാ കോളജുകളും നിർബന്ധമായും ഏർപ്പെടുത്തണം. ഹെൽപ്പ് ലൈൻ നന്പരുകൾ സർവകലാശാലാ രജിസ്ട്രാറെ അറിയിക്കണം.
സർവകലാശാലാ ഇൻഫർമേഷൻ സെന്‍ററുകളിൽ ഓണ്‍ലൈൻ രജിസ്ട്രേഷനുമായി ബന്ധപ്പെട്ട ഹെൽപ്പ് ഡെസ്കുകൾ സജീകരിച്ചിട്ടുണ്ട്. തിരുവല്ല, പത്തനംതിട്ട, അടിമാലി, കട്ടപ്പന, നോർത്ത് പറവൂർ, വൈക്കം, ഇടപ്പള്ളി സ്റ്റാസ് കാന്പസ് എന്നീ സ്ഥലങ്ങളിലുള്ള ഇൻഫർമേഷൻ സെന്‍ററുകളെ സമീപിക്കാം.
സംവരണ സീറ്റ് അപേക്ഷ 22 വരെ
സ്പോർട്സ്, കൾച്ചറൽ, വികലാംഗ സംവരണ സീറ്റുകളിലേക്കു പ്രവേശനത്തിനായി അപേക്ഷകർക്ക് 22 വരെ കോളജുകളിൽ സമർപ്പിക്കാം. റാങ്ക് ലിസ്റ്റ് 24നു കോളജുകളിൽ പ്രസിദ്ധീകരിക്കും. പ്രവേശനം 25നകം പൂർത്തിയാക്കണം. പ്രവേശനം നേടിയ വിദ്യാർഥികളുടെ വിവരങ്ങൾ കോളജ് അധികൃതർ 26നകം ഓണ്‍ലൈൻ അഡ്മിഷൻ പോർട്ടലിൽ നിർബന്ധമായും അപ്‌ലോഡ് ചെയ്യണം. മാനേജ്മെന്‍റ്, കമ്മ്യൂണിറ്റി ക്വാട്ടാ പ്രവേശനം ഷെഡ്യൂൾ അനുസരിച്ചു മാത്രമേ നടത്താവൂ.
പ്രാക്ടിക്കൽ പരീക്ഷ
2017 മാർച്ച്, ഏപ്രിൽ മാസങ്ങളിൽ നടത്തിയ നാലാം സെമസ്റ്റർ ബിഎസ്‌സി ബയോടെക്നോളജി (സിബിസിഎസ്എസ് റെഗുലർ, സപ്ലിമെന്‍ററി) ഡിഗ്രി പരീക്ഷയുടെ പ്രാക്ടിക്കൽ 24 മുതൽ വിവിധ കേന്ദ്രങ്ങളിൽ ആരംഭിക്കും.
പരീക്ഷാഫലം
2017 ജനുവരിയിലെ മൂന്നാം സെമസ്റ്റർ എംഎസ്‌സി അപ്ലൈഡ് മൈക്രോബയോളജി, ഫുഡ് ആൻഡ് ഇന്‍റസ്ട്രിയൽ മൈക്രോബയോളജി (പിജിസിഎസ്എസ്) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷ 26 വരെ സ്വീകരിക്കും.
2016 ഫെബ്രുവരിയിലെ ഒന്നാം സെമസ്റ്റർ എംഎസ്‌സി ബയോടെക്നോളജി (നോണ് സിഎസ്എസ്) ഡിഗ്രി സപ്ലിമെന്‍ററി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷ 26 വരെ സ്വീകരിക്കും.
2016 ഫെബ്രുവരിയിലെ ഒന്നാം സെമസ്റ്റർ എംഎസ്‌സി മൈക്രോബയോളജി (റെഗുലർ, ഇംപ്രൂവ്മെന്‍റ്, സപ്ലിമെന്‍ററി) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷ 27 വരെ സ്വീകരിക്കും.
2016 ഒക്ടോബറിലെ മൂന്നാം വർഷ ബിഎസ്‌സി നഴ്സിംഗ് (റെഗുലർ, സപ്ലിമെന്‍ററി) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷ 26 വരെ സ്വീകരിക്കും.
സ്കൂൾ ഓഫ് ഗാന്ധിയൻ തോട്ട് ആൻഡ് ഡെവലപ്മെന്‍റ് സ്റ്റഡീസ് 2016 ഓഗസ്റ്റിൽ നടത്തിയ നാലാം സെമസ്റ്റർ എംഎ ഗാന്ധിയൻ സ്റ്റഡീസ്, ഡെവലപ്മെന്‍റ് സ്റ്റഡീസ് (സിഎസ്എസ്) ഡിഗ്രി പരിക്ഷകളുടെ ഫലം പ്രസിദ്ധീകരിച്ചു.
ഡോ. കെ.എൻ. രാജ് സ്റ്റഡി സെന്‍റർ ഫോർ പ്ലാനിംഗ് ആൻഡ് സെന്‍റർ സ്റ്റേറ്റ് ഫിനാൻഷ്യൽ റിലേഷൻസ് 2016 ഡിസംബറിലെ മൂന്നാം സെമസ്റ്റർ എംഎ ഇക്കണോമിക്സ് (സിഎസ്എസ്) ഡിഗ്രി പരിക്ഷകളുടെ ഫലം പ്രസിദ്ധീകരിച്ചു.
സൂക്ഷ്മപരിശോധന
2016 ഒക്ടോബറിലെ അഞ്ചാം സെമസ്റ്റർ ബിഎ, ബിഎസ്‌സി, ബികോം, ബിസിഎ പരീക്ഷകളുടെ സൂക്ഷ്മപരിശോധന 22, 23, 24 തീയതികളിൽ പരീക്ഷാഭവനിൽ നടത്തും. അപേക്ഷ നൽകിയ വിദ്യാർഥികൾ ഹാൾടിക്കറ്റും ഫോട്ടോ പതിച്ച തിരിച്ചറിയൽ രേഖകളുമായി അതാതു സെക്ഷനുകളിൽ ഹാജരാകണം.
സ്റ്റുഡന്‍റ് അഫിലിയേഷൻ ഫീസ്
അഫിലിയേറ്റഡ് കോളജുകൾ സർവകലാശാലയിൽ 201617 അധ്യയന വർഷം വരെ നൽകാനുള്ള സ്റ്റുഡന്‍റ് അഫിലിയേഷൻ ഫീസ്, ആനുവൽ അഡ്മിനിസ്ട്രേഷൻ ഫീസ് എന്നിവയുടെ വിശദവിവരം സർവകലാശാലാ വെബ്സൈറ്റിലുള്ള പുതുക്കിയ പ്രൊഫോർമയിൽ 20നു മുന്പായി സമർപ്പിക്കണം. 201617 അധ്യയന വർഷം വരെയുള്ള എല്ലാ ഫീസുകളും അടച്ചുതീർത്ത വിവരങ്ങൾ ഉൾപ്പെടുന്ന പ്രൊഫോമ സമർപ്പിക്കാത്ത കോളജുകളുടെ മാർജിനൽ സീറ്റു വർധനയ്ക്കുള്ള അപേക്ഷ പരിഗണിക്കില്ല.
കോഷൻ ഡിപ്പോസിറ്റ് കൈപ്പറ്റണം
പായിപ്പാട് ബിഎഡ് കേന്ദ്രത്തിൽനിന്നു 20142015 അധ്യയന വർഷത്തെ വിദ്യാർഥികൾ 26നു മുന്പായി കോഷൻ ഡെപ്പോസിറ്റ് കൈപ്പറ്റണം. 0481 2441217.