പട്ടികവർഗക്കാർക്ക് ബിഎ റസിഡൻഷൽ കോഴ്സ്: അപേക്ഷ ക്ഷണിച്ചു
വയനാട് ചെതലയത്തെ ഇൻസ്റ്റിറ്റ്യൂട്ട് ഓഫ് ട്രൈബൽ സ്റ്റഡീസ് ആൻഡ് റിസർച്ചിൽ ബിഎ സോഷ്യോളജി റസിഡൻഷൽ കോഴ്സിന് പ്ലസ്ടു പാസായ പട്ടികവർഗ വിദ്യാർഥികളിൽ നിന്ന് അപേക്ഷ ക്ഷണിച്ചു. അപേക്ഷാ ഫോം ചെതലയത്തെ ഓഫീസിലും www.itsr.in വെബ്സൈറ്റിലും ലഭ്യമാണ്. പൂരിപ്പിച്ച അപേക്ഷ അനുബന്ധ രേഖകൾ സഹിതം ഡയറക്ടർ, ഐടിഎസ്ആർ, ചെതലയം, സുൽത്താൻ ബത്തേരി പി.ഒ, വയനാട്673 592 എന്ന വിലാസത്തിൽ ജൂണ് പത്തിനകം ലഭിക്കണം. വിവരങ്ങൾ സർവകലാശാല, ഐടിഎസ്ആർ വെബ്സൈറ്റുകളിൽ. ഫോണ്: 04936 238500.
ഗസ്റ്റ് ലക്ചറർ: വാക്ഇൻഇന്റർവ്യൂ
വിവിധ പഠനവകുപ്പുകളിൽ കരാറടിസ്ഥാനത്തിൽ ഗസ്റ്റ് ലക്ചറർമാരെ നിയമിക്കുന്നതിന് 23 മുതൽ സർവകലശാലാ ഭരണവിഭാഗത്തിൽ വാക്ഇൻഇന്റർവ്യൂ നടത്തുന്നു. വിദ്യാഭ്യാസ യോഗ്യത, വയസ്, ജാതി എന്നിവ തെളിയിക്കുന്ന സർട്ടിഫിക്കറ്റുകൾ സഹിതം ഹാജരാവണം. വിവരങ്ങളും ഇന്റർവ്യൂ ഷെഡ്യൂളും സർവകലാശാലാ വെബ്സൈറ്റിൽ.
ഒന്നാം സെമസ്റ്റർ യുജി പരീക്ഷ
മേയ് പത്തിന് നടത്താനിരുന്ന് 20ലേക്ക് മാറ്റിവച്ച കോളജ്/വിദൂരവിദ്യാഭ്യാസം/പ്രൈവറ്റ് ഒന്നാം സെമസ്റ്റർ യുജി (സിയുസിബിസിഎസ്എസ്) റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷ മേയ് 22ന് നടക്കും. മറ്റ് പരീക്ഷകൾക്ക് മാറ്റമില്ല.
ആറാം സെമസ്റ്റർ ബിടെക് പരീക്ഷ മാറ്റി
തൃശൂർ ഗവണ്മെന്റ് എൻജിനിയറിംഗ് കോളജ്, പാലക്കാട് ശ്രീകൃഷ്ണപുരം ഗവണ്മെന്റ് എൻജിനിയറിംഗ് കോളജ് എന്നിവിടങ്ങളിലെ ആറാം സെമസ്റ്റർ ബിടെക് (2014 സ്കീം) പരീക്ഷ മാറ്റി. ഈ പരീക്ഷ പിന്നീട് നടത്തും. മറ്റ് കോളജുകളിലെ പരീക്ഷകൾക്ക് മാറ്റമില്ല.
എംകോം മാർക്ക് ലിസ്റ്റ്
തൃശൂർ സെന്റ് തോമസ് കോളജ്, തൃശൂർ ശ്രീ കേരളവർമ്മ കോളജ്, മലപ്പുറം ഗവണ്മെന്റ് കോളജ്, മുട്ടിൽ ഡബ്ല്യൂഎംഒ കോളജ് എന്നീ പരീക്ഷ കേന്ദ്രങ്ങളുടെ സബ്സെന്ററുകളിൽ, 2016 ഏപ്രിലിൽ നടത്തിയ വിദൂരവിദ്യാഭ്യാസം മൂന്ന്, നാല് സെമസ്റ്റർ എംകോം പരീക്ഷ എഴുതിയ വിദ്യാർഥികളുടെ മാർക്ക് ലിസ്റ്റുകൾ അതത് പരീക്ഷാ കേന്ദ്രങ്ങളിൽ 22 മുതൽ ലഭ്യമാവും. പുനർമൂല്യനിർണയം വഴി ഫലം മെച്ചപ്പെടുത്തിയവരുടെ മാർക്ക് ലിസ്റ്റുകൾ മെയിൻ സെന്ററുകളിൽ നിന്ന് ലഭിക്കും.
പരീക്ഷാ അപേക്ഷ
പ്രൈവറ്റ് രജിസ്ട്രേഷൻ മോഡിലുള്ള നാലാം സെമസ്റ്റർ ബിഎ/ബിഎസ്സി/ബിഎംഎംസി/ബിഎ അഫ്സൽഉൽഉലമ (സിയുസിബിസിഎസ്എസ്) സപ്ലിമെന്ററി/ഇംപ്രൂവ്മെന്റ് പരീക്ഷക്ക് പിഴകൂടാതെ 23 വരെയും 150 രൂപ പിഴയോടെ 25 വരെയും ഓണ്ലൈനിൽ അപേക്ഷിക്കാം.
പരീക്ഷാഫലം
നാലാം സെമസ്റ്റർ ബിഎ/ബിഎസ്ഡബ്ല്യൂ/ബിവിസി/ബിടിടിഎം/ബിഎ അഫ്സൽഉൽഉലമ (സിയുസിബിസിഎസ്എസ്, സിസിഎസ്എസ്) മാർച്ച് 2016 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 30 വരെ ഓണ്ലൈനിൽ അപേക്ഷിക്കാം. പ്രിന്റൗട്ട്, ചലാൻ സഹിതം ജൂണ് മൂന്നിനകം ലഭിക്കണം.
2016 ഡിസംബറിൽ നടത്തിയ ഒന്ന്, മൂന്ന് സെമസ്റ്റർ എംഎ സോഷ്യോളജി (സിസിഎസ്എസ്) പരീക്ഷാഫലം വെബ്സൈറ്റിൽ.
ബിഡിഎസ് സപ്ലിമെന്ററി പ്രാക്ടിക്കൽ/വൈവ
തേർഡ് ബിഡിഎസ് സപ്ലിമെന്ററി പ്രാക്ടിക്കൽ/വൈവാ പരീക്ഷ കോഴിക്കോട് ഗവണ്മെന്റ് ഡെന്റൽ കോളജിൽ 20ന് രാവിലെ ഒന്പതിന് ആരംഭിക്കും.