ഏകജാലകം വഴിയുള്ള ബിരുദ പ്രവേശനം: രജിസ്ട്രേഷൻ തുടങ്ങി
ആർട്സ് ആൻഡ് സയൻസ് കോളജുകളിലെ ഏകജാലകം വഴിയുള്ള ഒന്നാം വർഷ ഡിഗ്രി പ്രോഗ്രാമുകളിൽ പ്രവേശനത്തിന് ഓണ്‍ലൈൻ രജിസ്ട്രേഷൻ ആരംഭിച്ചു. യൂണിവേഴ്സിറ്റി നേരിട്ട് ഏകജാലക സംവിധാനത്തിലൂടെ മെറിറ്റ് സീറ്റുകളിലേക്കും, എസ്സി, എസ്ടി, എസ്ഇബിസി, ഇബിഎഫ്സി സംവരണ സീറ്റുകളിലേക്കുമുള്ള അലോട്ട്മെന്റ് നടത്തും. മാനേജ്മെന്‍റ്, കമ്മ്യൂണിറ്റി, സ്പോർട്സ്, കൾച്ചറൽ ക്വോട്ട, വികലാംഗ വിഭാഗത്തിന് സംവരണ ചെയ്ത സീറ്റുകൾ എന്നിവയിലേക്ക് അപേക്ഷിക്കുന്നവർ പ്രവേശനം ആഗ്രഹിക്കുന്ന കോളജുകളിൽ തന്നെ നേരിട്ട് അപേക്ഷ സമർപ്പിക്കണം.
ഓണ്‍ലൈൻ രജിസ്ട്രേഷനു ആവശ്യമായ സംവിധാനം യൂണിവേഴ്സിറ്റി ഇൻഫർമേഷൻ സെന്‍ററുകളിലും അക്ഷയ സെന്‍ററുകളിലും അഫിലിയേറ്റഡ് കോളജുകളിലും ഏർപ്പെടുത്തിയിട്ടുണ്ട്. രജിസ്ട്രേഷൻ ഫീസ്, എസ്സി, എസ്ടി വിഭാഗത്തിന് 300 രൂപയും മറ്റുള്ളവർക്ക് 600 രൂപയുമാണ്. വെബ്സൈറ്റ് www.ca p.mgu.ac.in സന്ദർശിക്കുക. ഹെൽപ്പ് ലൈൻ നന്പർ : 0481 6555564, 2733379, 2733581.
പരീക്ഷാതീയതി
രണ്ടാം വർഷ ബിഎസ്സി (എംആർടി) സപ്ലിമെന്‍ററി ഡിഗ്രി പരീക്ഷ 30ന് ആരംഭിക്കും. അപേക്ഷകൾ 23 വരെയും 50 രൂപ പിഴയോടെ 24 വരെയും 500 രൂപ സൂപ്പർ ഫൈനോടെ 26വരെയും സ്വീകരിക്കും.
പ്രാക്ടിക്കൽ പരീക്ഷ
2017 മാർച്ച്/ഏപ്രിൽ മാസങ്ങളിലെ നാലാം സെമസ്റ്റർ ബിഎസ്സി ബയോകെമിസ്ട്രി (കോംപ്ലിമെന്ററി സിബിസിഎസ്എസ് റെഗുലർ, സപ്ലിമെന്‍ററി) ഡിഗ്രി പരീക്ഷകളുടെ പ്രാക്ടിക്കൽ 24 മുതൽ വിവിധ കേന്ദ്രങ്ങളിൽ ആരംഭിക്കും.
പരീക്ഷാഫലം
2016 ഓഗസ്റ്റ്, സെപ്റ്റംബർ മാസങ്ങളിലെ രണ്ടാം സെമസ്റ്റർ എംഎസ്സി ഓപ്പറേഷൻസ് റിസർച്ച് ആൻഡ് കംപ്യൂട്ടർ ആപ്ലിക്കേഷൻസ് (റെഗുലർ, സപ്ലിമെന്‍ററി) ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനർമൂല്യ നിർണയത്തിനുമുള്ള അപേക്ഷ 26 വരെ സ്വീകരിക്കും. 2017 ജനുവരിയിലെ മൂന്നാം സെമസ്റ്റർ എംഎസ്സി ഓപ്പറേഷൻസ് റിസർച്ച് ആൻഡ് കംപ്യൂട്ടർ ആപ്ലിക്കേഷൻസ് (റെഗുലർ, സപ്ലിമെന്‍ററി) ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനർമൂല്യ നിർണയത്തിനുമുള്ള അപേക്ഷ 26 വരെ സ്വീകരിക്കും. പത്തനംതിട്ട മുസലിയാർ കോളജ് ഓഫ് എൻജിനിയറിംഗ് ആൻഡ് ടെക്നോളജിയിലെ നാലാം സെമസ്റ്റർ എംടെക് സെപ്റ്റംബർ 2016 പരീക്ഷയുടെ തടഞ്ഞുവച്ചിരുന്ന പരീക്ഷാഫലം പ്രസിദ്ധീകരിച്ചു. എംഫിൽ സീറ്റൊഴിവ്
എംജി സർവകലാശാല സ്കൂൾ ഓഫ് പെഡഗോഗിക്കൽ സയൻസസിലെ 2016 2017 ബാച്ച് എംഫിൽ എഡ്യൂക്കേഷൻ കോഴ്സിനു പൊതുവിഭാഗത്തിൽ ഒരു സീറ്റ് ഒഴിവുണ്ട്.
നിശ്ചിത യോഗ്യതയുള്ളവർ 24നു രാവിലെ 11നു ബന്ധപ്പെട്ട രേഖകളുമായി ഡിപ്പാർട്ടുമെന്‍റിൽ ഹാജരാകണം. ഫോണ് : 0481 2731042.
പിജി പ്രവേശനപരീക്ഷ 27, 28 തീയതികളിൽ
വിവിധ പഠനവകുപ്പുകളിലെ പിജി പ്രവേശനപരീക്ഷ (ക്യാറ്റ് എംജിയു) 27, 28 തീയതികളിൽ നടത്തും. തിരുവനന്തപുരം തൈക്കാട്ട് ഗവണ്‍മെന്‍റ് മോഡൽ എച്ച്എസ്എൽപിഎസ്, കോട്ടയം സിഎംഎസ് കോളജ്, എറണാകുളം കളമശേരി സെന്‍റ് പോൾസ് കോളജ്, കോഴിക്കോട് കുറ്റിച്ചിറ ഗവണ്‍മെന്‍റ് വൊക്കേഷണൽ ആൻഡ് ഹയർസെക്കൻഡറി സ്കൂൾ എന്നിവയാണ് പരീക്ഷാകേന്ദ്രങ്ങൾ.
ടൈംടേബിൾ വെബ്സൈറ്റി. www.cat.mgu.ac.in എന്ന വെബ്സൈറ്റിൽനിന്നു 20 മുതൽ അഡ്മിറ്റ് കാർഡും നിർദേശങ്ങളും ഡൗണ്ലോഡ് ചെയ്തെടുക്കാം.
ഫോണ് : 0481 6555562.