ബിരുദ ഏകജാലകം 20 മുതൽ
കാലിക്കട്ട് സർവകലാശാലയുടെ ബിരുദ ഏകജാലക പ്രവേശനം 20ന് രാവിലെ 11ന് ആരംഭിക്കും. നടപടിക്രമങ്ങൾ വിശദമാക്കുന്ന വീഡിയോ യൂട്യൂബിലും അഡ്മിഷൻ വെബ്സൈറ്റിലും (www.cuonline.ac.in) അപ്ലോഡ് ചെയ്തിട്ടുണ്ട്. ഹാന്റ്ബുക്കിന്റെ സോഫ്റ്റ് കോപ്പി വെബ്സൈറ്റിൽ ലഭ്യമാണ്.
ബിആർക് കോളജ് മാറ്റത്തിന് അപേക്ഷ ക്ഷണിച്ചു
കാലിക്കട്ട് സർവകലാശാലയ്ക്ക് കീഴിൽ ഇപ്പോൾ പഠിച്ചുകൊണ്ടിരിക്കുന്ന എൻജിനിയറിംഗ് കോളജിൽ നിന്ന് കാലിക്കട്ടിന് കീഴിലെ മറ്റൊരു എൻജിനിയറിംഗ് കോളജിലേക്കും, കേരളത്തിലെ മറ്റ് സർവകലാശാലകൾക്ക് കീഴിലെ എൻജിനിയറിംഗ് കോളജിൽ നിന്ന് കാലിക്കട്ട് സർവകലാശാലയ്ക്ക് കീഴിലെ ഏതെങ്കിലും എൻജിനിയറിംഗ് കോളജിലേക്കും 201718 അധ്യയന വർഷത്തിൽ കോളജ് മാറ്റത്തിന് ബിആർക് വിദ്യാർഥികളിൽ നിന്ന് കാലിക്കട്ട് സർവകലാശാല അപേക്ഷ ക്ഷണിച്ചു. അപേക്ഷകർ ബിആർക് ഒന്നും രണ്ടും സെമസ്റ്റർ പൂർത്തിയാക്കി പരീക്ഷ എഴുതിയവരും മൂന്നാം സെമസ്റ്ററിലേക്ക് പ്രമോട്ട് ചെയ്യാൻ അർഹത നേടിയവരുമായിരിക്കണം.
നിർദ്ദിഷ്ട ഫോറത്തിൽ പൂരിപ്പിച്ച അപേക്ഷ കോളജ് പ്രിൻസിപ്പൽ സാക്ഷ്യപ്പെടുത്തി യോഗ്യതാ പരീക്ഷയുടെ മാർക്ക് ലിസ്റ്റിന്റെ അറ്റസ്റ്റഡ് കോപ്പി, ഒന്നും രണ്ടും സെമസ്റ്റർ ഹാൾടിക്കറ്റിന്റെ കോപ്പി, മൂന്നൂറ് രൂപയുടെ ചലാൻ എന്നിവ സഹിതം രജിസ്ട്രാർക്ക് 30നകം സമർപ്പിക്കണം. എസ് സി, എസ്ടി വിദ്യാർഥികൾ കമ്യൂണിറ്റി സർട്ടിഫിക്കറ്റിന്റെ ഒറിജിനൽ സമർപ്പിക്കണം. മെറിറ്റ് സീറ്റിൽ പ്രവേശനം നേടിയ വിദ്യാർഥികൾ മാത്രം കോളജ് മാറ്റത്തിന് അപേക്ഷിച്ചാൽ മതി. അത് തെളിയിക്കുന്ന രേഖ അപേക്ഷയോടൊപ്പം അയക്കണം. പഠിച്ചുകൊണ്ടിരിക്കുന്ന കോളജിന്റെ പ്രിൻസിപ്പൽ മുഖാന്തരമല്ലാതെ സമർപ്പിക്കുന്ന അപേക്ഷകൾ പരിഗണിക്കുന്നതല്ല. കാലിക്കട്ട് സർവകലാശാലയ്ക്ക് കീഴിലെ എൻജിനിയറിംഗ് കോളജിൽ നിന്ന് മറ്റ് സർവകലാശാലകളിലെ എൻജിനിയറിംഗ് കോളജിലേക്ക് മാറ്റത്തിന് അപേക്ഷിക്കുന്നവർ ഈ വിജ്ഞാപന പ്രകാരം അപേക്ഷിക്കരുത്. അവർ ചേരാൻ ആഗ്രഹിക്കുന്ന സർവകലാശാലയുമായി ബന്ധപ്പെടണം. അപേക്ഷാ ഫീ ഇചലാൻ, ഇപെയ്മെന്റ് വഴി അടക്കണം.
പരീക്ഷ
ആറാം സെമസ്റ്റർ ബികോം, ബി.കോം വൊക്കേഷണൽ, ബിബിഎ, ബിഎച്ച്എ, ബിടിഎച്ച്എം, ബികോം ഓണേഴ്സ്, ബിഎ, ബിഎസ് സി, ബിഎസ് സി ഇൻ എൽആർപി, ബിഎംഎംസി, ബിസിഎ, ബിഎസ്ഡബ്ല്യൂ, ബിവിസിബിഎ അഫ്സൽഉൽഉലമ (സിസിഎസ്എസ്) സപ്ലിമെന്ററി, ഇംപ്രൂവ്മെന്റ് പരീക്ഷ ജുണ് ആറിന് ആരംഭിക്കും.
കോളജ്, വിദൂരവിദ്യാഭ്യാസം, പ്രൈവറ്റ് രജിസ്ട്രേഷൻ നാലാം സെമസ്റ്റർ ബികോം, ബികോം വൊക്കേഷണൽ, ബികോം ഓണേഴ്സ് (സിസിഎസ്എസ്), ബിബിഎ, ബിഎച്ച്എ, ബിടിഎച്ച്എം (സിയുസിബിസിഎസ്എസ്) റഗുലർ, സപ്ലിമെന്ററി, ഇംപ്രൂവ്മെന്റ് പരീക്ഷ ജൂണ് 16ന് ആരംഭിക്കും.
ബാച്ച്ലർ ഓഫ് തിയേറ്റർ ആർട്സ് (സിയുസിബിസിഎസ്എസ്, 2014 പ്രവേശനം മാത്രം) റഗുലർ അഞ്ചാം സെമസ്റ്റർ പരീക്ഷ 24ന് ഉച്ചക്ക് 1.30നും ആറാം സെമസ്റ്റർ പരീക്ഷ 26ന് ഉച്ചക്ക് രണ്ടിന് നടക്കും.
പരീക്ഷാ അപേക്ഷ
അഫിലിയേറ്റഡ് കോളജുകളിലെ ഒന്നാം സെമസ്റ്റർ ബികോം (പ്രൊഫഷണൽ, സിയുസിബിസിഎസ്എസ്, 2016 പ്രവേശനം) റഗുലർ പരീക്ഷയ്ക്ക് പിഴകൂടാതെ 25 വരെയും 150 രൂപ പിഴയോടെ 29 വരെയും ഓണ്ലൈനിൽ അപേക്ഷിക്കാം.
എംഎ അറബിക് പ്രാക്ടിക്കൽ പരീക്ഷ
ഒന്നാം സെമസ്റ്റർ എം.എ അറബിക് (സിയുസിഎസ്എസ്) ഡിസംബർ 2016 പരീക്ഷയുടെ ഭാഗമായ ഐ.ടി പ്രാക്ടിക്കൽ പരീക്ഷ 22 മുതൽ 26 വരെ വിവിധ കേന്ദ്രങ്ങളിൽ നടക്കും. ഷെഡ്യൂൾ വെബ്സൈറ്റിൽ.
പരീക്ഷാഫലം
2016 ജൂണിൽ നടത്തിയ രണ്ടാം സെമസ്റ്റർ എം.കോം (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 31 വരെ ഓണ്ലൈനിൽ അപേക്ഷിക്കാം.
2016 ഡിസംബറിൽ നടത്തിയ രണ്ട്, നാല് സെമസ്റ്റർ എംസിഎ (സിയുസിഎസ്എസ്), 2016 സെപ്തംബറിൽ നടത്തിയ ഒന്ന് മുതൽ അഞ്ച് വരെ സെമസ്റ്റർ എംസിഎ (2009 ഉം അതിന് മുന്പുള്ള പ്രവേശനം) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 30 വരെ ഓണ്ലൈനിൽ അപേക്ഷിക്കാം.
പുനർമൂല്യനിർണയ ഫലം
ഒന്നാം സെമസ്റ്റർ എൽഎൽബി (ത്രിവത്സരം) യൂണിറ്ററി ഡിഗ്രി ഏപ്രിൽ 2016 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാൻ ആഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടുക.